Surə 17 · Cüz 15
Al-Isra · 17:1
سُبْحَانَ الَّذِي أَسْرَىٰ بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ إِنَّهُ هُوَ السَّمِيعُ الْبَصِيرُ
1. Dəlillərimizdən bəzisini Peyğəmbərə göstərmək üçün Öz qulunu gecə vaxtı Məscidulharamdan ətrafına xeyir-bərəkət verdiyimiz Məsciduləqsaya aparan Allah pak və müqəddəsdir. Həqiqətən, O, Eşidəndir, Görəndir.
Təfsir
Uca Allah, Özündən başqa heç kimsənin gücü yetmədiyi şeylərə gücü yetdiyindən dolayı bütün eyib və nöqsanlardan pak və ucadır. Qadir olduğumuz ayələrimizin bəzisini göstərmək üçün Öz qulu Muhammədi (sallallahu aleyhi və səlləm) gecənin bir vaxtında ruhi və cəsədi ilə yuxuda deyil, əksinə o, ayığ ikən Məscidulharamdan ətrafına meyvələr, əkinlər və Peyğəmbərlərin - səllallahu aleyhi və səlləm - orada yerləşməsi ilə xeyir - bərəkət verdiyimiz Məsciduləqsaya aparan yalnız pak olan Allahdır. Həqiqətən, Allah hər şeyi eşidəndir, Ona heç bir şey gizli qalmaz və hər şeyi görəndir və heç bir şey Onun gözündən qaçmaz!