سۈرە 29 · پارە 21
سورة العنكبوت · 29:47
وَكَذَٰلِكَ أَنْزَلْنَا إِلَيْكَ الْكِتَابَ ۚ فَالَّذِينَ آتَيْنَاهُمُ الْكِتَابَ يُؤْمِنُونَ بِهِ ۖ وَمِنْ هَٰؤُلَاءِ مَنْ يُؤْمِنُ بِهِ ۚ وَمَا يَجْحَدُ بِآيَاتِنَا إِلَّا الْكَافِرُونَ
(ئى مۇھەممەد!) شۇنىڭدەك (يەنى سەندىن ئىلگىرىكىلەرگە كىتاب نازىل قىلغاندەك) ساڭىمۇ كىتاب (يەنى قۇرئان) نازىل قىلدۇق، بىز كىتاب بەرگەنلەر (يەنى يەھۇدىيلار ناسارالار) دىن قۇرئانغا ئىشىنىدىغانلار بار، بۇلاردىن (يەنى مەككە ئاھالىسىدىن) مۇ قۇرئانغا ئىشىنىدىغانلار بار، بىزنىڭ ئايەتلىرىمىزنى پەقەت كاپىرلارلا ئىنكار قىلىدۇ
تەپسىر
بىز سەندىن ئىلگىرىكىلەرگە كىتابلارنى نازىل قىلغىنىمىزدەك ساڭىمۇ قۇرئاننى نازىل قىلدۇق. ئابدۇللا ئىبنى سالامغا ئوخشاش تەۋراتنى ئوقۇيدىغان بىر قىسىم كىشىلەر قۇرئانغا ئىشىنىدۇ، چۈنكى ئۇلار ئۆزلىرىنىڭ كىتابلىرىدا قۇرئاننىڭ سۈپىتىنى تاپالايدۇ. ماۋۇ مۇشرىكلاردىنمۇ قۇرئانغا ئىشىنىدىغانلار بار. بىزنىڭ ئايەتلىرىمىزنى پەقەت كاپىرلارلا ئىنكار قىلىدۇ، چۈنكى ئۇلارنىڭ ئادىتى ھەق ئوپئوچۇق تۇرسىمۇ كۇپۇرلۇق ۋە ئىنكارچىلىقتۇر.
ئوقۇغۇچتا ئېچىڭ - پۈتۈن سۈرىنى ئوقۇڭ