96:1Juzuu 30 · uk. 597
اقْرَأْ بِاسْمِ رَبِّكَ الَّذِي خَلَقَ1
Soma, ewe Nabii, Qur’ani uliyoteremshiwa ukianza kwa Jina la Mola wako Aliyepwekeka kwa kuumba.
Al-Alaq
سورة العلق
Sura 96 · Makki · 19 aya
96:2Juzuu 30 · uk. 597
خَلَقَ الْإِنْسَانَ مِنْ عَلَقٍ2
Aliyemuumba kila binadamu kwa pande la damu nzito nyekundu.
96:3Juzuu 30 · uk. 597
اقْرَأْ وَرَبُّكَ الْأَكْرَمُ3
Soma, ewe Nabii, kile ulichoteremshiwa, na Mola wako ni Mwingi wa wema, Mwingi wa ukarimu.
96:4Juzuu 30 · uk. 597
الَّذِي عَلَّمَ بِالْقَلَمِ4
Aliyewafundisha viumbe vyake kuandika kwa kalamu.
96:5Juzuu 30 · uk. 597
عَلَّمَ الْإِنْسَانَ مَا لَمْ يَعْلَمْ5
Alimfundisha binadamu vitu ambavyo hakuwa akivijua. Akamtoa kwenye giza la ujinga, Akampeleka kwenye nuru ya elimu.
96:6Juzuu 30 · uk. 597
كَلَّا إِنَّ الْإِنْسَانَ لَيَطْغَىٰ6
Kweli, binadamu hukiuka mipaka ya Mwenyezi Mungu
96:7Juzuu 30 · uk. 597
أَنْ رَآهُ اسْتَغْنَىٰ7
akijiona ametosheka kwa utajiri wake.
96:8Juzuu 30 · uk. 597
إِنَّ إِلَىٰ رَبِّكَ الرُّجْعَىٰ8
Basi, ajue kila mwenye kutupa mipaka kuwa mwisho atarudi kwa Mwenyezi Mungu Ambaye Atamlipa kila binadamu kwa alilolitenda.
96:9Juzuu 30 · uk. 597
أَرَأَيْتَ الَّذِي يَنْهَىٰ9
Je, umeona ujeuri wa ajabu zaidi kuliko wa mtu huyu, Abu jahl,
96:10Juzuu 30 · uk. 597
عَبْدًا إِذَا صَلَّىٰ10
Anayemkataza mja wetu, Muhammad, rehema ya Mwenyezi Mungu na amani zimshukie, anapomsalia Mola wake?
96:11Juzuu 30 · uk. 597
أَرَأَيْتَ إِنْ كَانَ عَلَى الْهُدَىٰ11
Waonaje iwapo mwenye kukatazwa kusali yuko uongofuni, vipi anamkataza?
96:12Juzuu 30 · uk. 597
أَوْ أَمَرَ بِالتَّقْوَىٰ12
Au iwapo anaamrisha mwigine kumcha Mungu, vipi anamkataza hilo?
96:13Juzuu 30 · uk. 598
أَرَأَيْتَ إِنْ كَذَّبَ وَتَوَلَّىٰ13
Waonaje iwapo huyu mwenye kukataza anakanusha lile alinganiwalo kwalo na kulipa mgongo,
96:14Juzuu 30 · uk. 598
أَلَمْ يَعْلَمْ بِأَنَّ اللَّهَ يَرَىٰ14
hajui kuwa Mwenyezi Mungu anaona kila analolifanya?
96:15Juzuu 30 · uk. 598
كَلَّا لَئِنْ لَمْ يَنْتَهِ لَنَسْفَعًا بِالنَّاصِيَةِ15
Basi mambo si kama anvyodai Abu Jahl. Na asipokomeka na ushindani alionao na udhia wake, Tutamshika upaa wake kwa nguvu na kumtia Motoni.
96:16Juzuu 30 · uk. 598
نَاصِيَةٍ كَاذِبَةٍ خَاطِئَةٍ16
Upaa wake ni upaa wenye maneno ya urongo na vitendo vya makosa.
96:17Juzuu 30 · uk. 598
فَلْيَدْعُ نَادِيَهُ17
Basi na awalete, mtupaji mipaka huyu, watu wa baraza ili wamsaidiye.
96:18Juzuu 30 · uk. 598
سَنَدْعُ الزَّبَانِيَةَ18
Sisi Tutawaita Malaika wa adhabu.
96:19Juzuu 30 · uk. 598
كَلَّا لَا تُطِعْهُ وَاسْجُدْ وَاقْتَرِبْ ۩19
Mambo si kama Abu Jahl anavyoyadhania. Yeye, ewe Mtume, hawezi kukufanya lolote la kukudhuru Usimfuate kwa lile alilokuitia la kuwa uache Swala, bali msujudie Mola wako na uwe karibu na Yeye kwa kujipendekeza Kwake kwa kumtii.