81:1Para 30 · b. 586
إِذَا الشَّمْسُ كُوِّرَتْ1
1. Қуёш ўралиб (нурсизланиб) қолганида;
At-Takwir
سورة التكوير
Sura 81 · Makkiy · 29 oyat
81:2Para 30 · b. 586
وَإِذَا النُّجُومُ انْكَدَرَتْ2
2. Юлдузлар ҳам (ўз фалакларидан) тўкилганида;
81:3Para 30 · b. 586
وَإِذَا الْجِبَالُ سُيِّرَتْ3
3. Тоғлар ҳам (ўз жойларидан) жилдирилганида;
81:4Para 30 · b. 586
وَإِذَا الْعِشَارُ عُطِّلَتْ4
4. (Қорнидаги боласи) ўн ойлик бўлган бўғоз туялар ҳам бўш қўйиб юборилганида;
81:5Para 30 · b. 586
وَإِذَا الْوُحُوشُ حُشِرَتْ5
5. Ваҳший ҳайвонлар ҳам (бир жойга) тўпланиб қолганида;
81:6Para 30 · b. 586
وَإِذَا الْبِحَارُ سُجِّرَتْ6
6. Денгизлар (тандир каби) қизитилганида (ва сув ўрнига олов билан тўлганида);
81:7Para 30 · b. 586
وَإِذَا النُّفُوسُ زُوِّجَتْ7
7. Жонлар (қайтадан баданларга) жуфтланганида;
81:8Para 30 · b. 586
وَإِذَا الْمَوْءُودَةُ سُئِلَتْ8
8. Тириклай кўмилган (ҳар бир) қиздан сўралганида,
81:9Para 30 · b. 586
بِأَيِّ ذَنْبٍ قُتِلَتْ9
9. қандай гуноҳ сабабли ўлдирилгани ҳақида (сўралганида);
81:10Para 30 · b. 586
وَإِذَا الصُّحُفُ نُشِرَتْ10
10. (Номаи аъмол) саҳифалари очилганида;
81:11Para 30 · b. 586
وَإِذَا السَّمَاءُ كُشِطَتْ11
11. Осмон (ернинг устидан) сидириб олинганида;
81:12Para 30 · b. 586
وَإِذَا الْجَحِيمُ سُعِّرَتْ12
12. Дўзах (кофирлар учун) ловуллатиб ёқилганида;
81:13Para 30 · b. 586
وَإِذَا الْجَنَّةُ أُزْلِفَتْ13
13. Жаннат (тақводор зотларга) яқин қилинганида;
81:14Para 30 · b. 586
عَلِمَتْ نَفْسٌ مَا أَحْضَرَتْ14
14. (Ана ўша Кунда ҳар бир) жон ўзи (мана шу Кун учун) ҳозирлаб келган нарсани (яъни, барча яхши-ёмон амалларини) билур!
____________________
И з о ҳ. Мазкур оятларда Қиёмат Кунида рўй берадиган ўн икки ҳодиса ҳақида хабар берилди. Демак, у Кунда кечаётган даҳшатнинг зиёдалигидан қуёшнинг нури сўниб, юлдузлар ҳар ёққа сочилиб кетади ва тоғлар ҳам жойларидан жилдирилиб, худди булутлар каби осмонда сузиб юради. Саҳро аҳли жуда авайлайдиган ва уларнинг бой-бадавлатликлари рамзи бўлган — туғиш соати яқинлашиб қолган бўғоз туялар ҳам эгаларининг ёдидан кўтарилиб, ҳар ким ўзи билан ўзи бўлиб қолади (яъни, кишилар ўзларининг энг ардоқли нарсаларини ҳам унутадилар). Доимо бир-бирларининг гўштларини еб тирикчилик ўтказадиган ваҳший ҳайвонлар ҳам қандай қилиб бир жойга тўпланганларини билмай қоладилар, денгизлар эса сувлари қуриб, худди тагидан олов ёқилаётган қозонга айланадилар (минг-минг йиллик денгизларнинг бугунга келиб қурий бошлагани ўша Кун яқин қолганининг аломати эмасмикан?), инсонлар ўлиши билан чиқиб кетган жонлари қайта ўз баданларига киради, шунингдек, у Кунда тириклай кўмиб юборилган мазлума қизларнинг ҳам додига етилади (бу ҳақда «Наҳл» сурасининг 59-оятида батафсил изоҳ берилган) ва инсон ўлиши билан ёпилган номаи аъмоли қайта очилиб, ҳисоб-китоб қилинади, у Кунда Ернинг томи бўлган осмон ҳам очиб юборилади ва ниҳоят кофирларга ловуллаб ёнаётган дўзах, мўминларга эса жаннат яқин қилинади — мана шу воқеа-ҳодисалар содир бўладиган Қиёмат Кунида ҳар бир жоннинг ҳаёти-дунёда қилиб ўтган яхши амаллари ўнг ёнига, ёмон амаллари чап ёнига келтириб қўйилади ва ҳеч ким ўз амалидан тона олмайди! Демак, ўша Куннинг қийноқ-азобидан халос бўлишни истаган ҳар бир инсон бугунини Исломий эътиқод ва эзгу амал билан ўтказмоғи вожибдир!
____________________
И з о ҳ. Мазкур оятларда Қиёмат Кунида рўй берадиган ўн икки ҳодиса ҳақида хабар берилди. Демак, у Кунда кечаётган даҳшатнинг зиёдалигидан қуёшнинг нури сўниб, юлдузлар ҳар ёққа сочилиб кетади ва тоғлар ҳам жойларидан жилдирилиб, худди булутлар каби осмонда сузиб юради. Саҳро аҳли жуда авайлайдиган ва уларнинг бой-бадавлатликлари рамзи бўлган — туғиш соати яқинлашиб қолган бўғоз туялар ҳам эгаларининг ёдидан кўтарилиб, ҳар ким ўзи билан ўзи бўлиб қолади (яъни, кишилар ўзларининг энг ардоқли нарсаларини ҳам унутадилар). Доимо бир-бирларининг гўштларини еб тирикчилик ўтказадиган ваҳший ҳайвонлар ҳам қандай қилиб бир жойга тўпланганларини билмай қоладилар, денгизлар эса сувлари қуриб, худди тагидан олов ёқилаётган қозонга айланадилар (минг-минг йиллик денгизларнинг бугунга келиб қурий бошлагани ўша Кун яқин қолганининг аломати эмасмикан?), инсонлар ўлиши билан чиқиб кетган жонлари қайта ўз баданларига киради, шунингдек, у Кунда тириклай кўмиб юборилган мазлума қизларнинг ҳам додига етилади (бу ҳақда «Наҳл» сурасининг 59-оятида батафсил изоҳ берилган) ва инсон ўлиши билан ёпилган номаи аъмоли қайта очилиб, ҳисоб-китоб қилинади, у Кунда Ернинг томи бўлган осмон ҳам очиб юборилади ва ниҳоят кофирларга ловуллаб ёнаётган дўзах, мўминларга эса жаннат яқин қилинади — мана шу воқеа-ҳодисалар содир бўладиган Қиёмат Кунида ҳар бир жоннинг ҳаёти-дунёда қилиб ўтган яхши амаллари ўнг ёнига, ёмон амаллари чап ёнига келтириб қўйилади ва ҳеч ким ўз амалидан тона олмайди! Демак, ўша Куннинг қийноқ-азобидан халос бўлишни истаган ҳар бир инсон бугунини Исломий эътиқод ва эзгу амал билан ўтказмоғи вожибдир!
81:15Para 30 · b. 586
فَلَا أُقْسِمُ بِالْخُنَّسِ15
15. Бас, Мен (кундузлари кўздан) ғойиб бўлгувчи (юлдуз)ларга қасам;
81:16Para 30 · b. 586
الْجَوَارِ الْكُنَّسِ16
16. (Кечалари ҳам) тез ўтиб, (ўз «уя»лари — буржларига) яширингувчи (юлдуз)ларга қасам;
81:17Para 30 · b. 586
وَاللَّيْلِ إِذَا عَسْعَسَ17
17. Ўз зулмати билан келиб-кетаётган кечага қасам;
81:18Para 30 · b. 586
وَالصُّبْحِ إِذَا تَنَفَّسَ18
18. Ва отаётган тонгга қасам ичурманки,
81:19Para 30 · b. 586
إِنَّهُ لَقَوْلُ رَسُولٍ كَرِيمٍ19
19. Шак-шубҳасиз, у (Қуръон) бир улуғ элчининг (яъни, Жаброил фариштанинг Аллоҳ таоло томонидан келтирган) сўзидир.
81:20Para 30 · b. 586
ذِي قُوَّةٍ عِنْدَ ذِي الْعَرْشِ مَكِينٍ20
20. У қувватли, Аршнинг соҳиби (бўлмиш Аллоҳ) наздида макон-мартабали,
81:21Para 30 · b. 586
مُطَاعٍ ثَمَّ أَمِينٍ21
21. У жойда (яъни, осмонларда фаришталар томонидан) итоат этилгувчи, ишончли (элчининг Аллоҳ таоло томонидан келтирган сўзидир).
81:22Para 30 · b. 586
وَمَا صَاحِبُكُمْ بِمَجْنُونٍ22
22. Ва сизларнинг соҳибингиз (Муҳаммад алайҳис-салоту вас-салом) мажнун эмасдир.
81:23Para 30 · b. 586
وَلَقَدْ رَآهُ بِالْأُفُقِ الْمُبِينِ23
23. Дарҳақиқат, у (Жаброилни) очиқ уфқда кўрди.
81:24Para 30 · b. 586
وَمَا هُوَ عَلَى الْغَيْبِ بِضَنِينٍ24
24. У (Муҳаммад алайҳис-салоту вас-салом) ғайбга (яъни, ғайбдан келган ваҳийга) бахил ҳам эмасдир. (У Аллоҳ таоло томонидан ўзига келадиган ваҳийларни бузмасдан, тўла-тўкис ҳолда сизларга етказур).
81:25Para 30 · b. 586
وَمَا هُوَ بِقَوْلِ شَيْطَانٍ رَجِيمٍ25
25. Ва у (Қуръон) қувилган — малъун шайтоннинг сўзи эмасдир.
81:26Para 30 · b. 586
فَأَيْنَ تَذْهَبُونَ26
26. Бас, сизлар (мана шу Қуръони Карим кўрсатган Ҳақ йўлни инкор этиб) қаён кетмоқдасизлар?!
81:27Para 30 · b. 586
إِنْ هُوَ إِلَّا ذِكْرٌ لِلْعَالَمِينَ27
27. У (Қуръон) ҳеч шак-шубҳасиз, бутун оламлар учун бир эслатмадир.
81:28Para 30 · b. 586
لِمَنْ شَاءَ مِنْكُمْ أَنْ يَسْتَقِيمَ28
28. — Сизларнинг орангиздаги Тўғри Йўлда бўлмоқни хоҳлаган кишилар учун (бир эслатмадир).
81:29Para 30 · b. 586
وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ29
29. Сизлар фақат бутун оламлар Парвардигори бўлмиш Аллоҳ хоҳласагина (Тўғри Йўлда бўлишни) хоҳларсизлар.