Sura 4 · Para 5
An-Nisa · 4:68
وَلَهَدَيْنَاهُمْ صِرَاطًا مُسْتَقِيمًا
68. Ҳамда уларни ҳақ йўлга ҳидоят қилган бўлардик.
Tafsir
Уларга бир-бирларини ўлдиришни ёки диёрларидан чиқишни буюрганимизда эди, бу фармонимизни жуда озчилиги бажарган бўларди. Шундай экан, Аллоҳ уларга бу қадар оғир ишни буюрмагани учун У Зотга ҳамд айтсинлар. Ўзларига қилинаётган Аллоҳга итоат этиш ҳақидаги панду насиҳатларга амал қилганларида эди, ўзларига яхшироқ ва иймонлари мустаҳкамроқ бўларди. Биз уларга улуғ савоб ато этиб, уларни Аллоҳга ва У Зотнинг жаннатига олиб борадиган йўлга муваффақ айлаган бўлардик.
O‘quvchida ochish - Surani to‘liq o‘qing