سۈرە 25 · پارە 19

سورة الفرقان · 25:77

قُلْ مَا يَعْبَأُ بِكُمْ رَبِّي لَوْلَا دُعَاؤُكُمْ ۖ فَقَدْ كَذَّبْتُمْ فَسَوْفَ يَكُونُ لِزَامًا

ئېيتقىنكى، «ئەگەر سىلەرنىڭ دۇئايىڭلار بولمىسا، پەرۋەردىگارىم سىلەرگە پەرۋا قىلمايدۇ، (ئى كاپىرلار! پەيغەمبەرنى) ئىنكار قىلدىڭلار، (ئاخىرەتتە) سىلەر قۇتۇلالمايدىغان ئازابقا دۇچار بولۇسىلەر»

تەپسىر

ئەي پەيغەمبەر! كۇپرى ئۈستىدە چىڭ تۇرغان كاپىرلارغا ئېيتقىنكى، پەرۋەردىگارىم ئۆزىگە سىلەرنىڭ تائىتىڭلارنىڭ بىرەر پايدىسى تېگىپ قالارمىكى، دەپ ئۈمىد قىلىدىغان ئىش يوق. ئەگەر قۇلچىلىق قىلىش ھەم ئىلتىجا قىلىش مەقسىتىدە ئۆزىگە دۇئا قىلىدىغان بەندىلەر بولمىسا ئىدى، سىلەرگە قىلچە پەرۋا قىلمايتتى. چۈنكى پەيغەمبەر سىلەرگە پەرۋەردىگارىڭلار تەرىپىدىن ئېلىپ كەلگەن نەرسىنى ئىنكار قىلدىڭلار. سىلەر ئىنكار قىلغانلىقىڭلارنىڭ جازىسىنى چوقۇم تارتىسىلەر.
المختصر (الأويغورية)
ئوقۇغۇچتا ئېچىڭ - پۈتۈن سۈرىنى ئوقۇڭ