93:1Para 30 · b. 596
وَالضُّحَىٰ1
Төшкә хәтле булган вакыт белән ант" итәм.
Ad-Duha
سورة الضحى
Sürä 93 · Mäkkäwi · 11 ayat
93:2Para 30 · b. 596
وَاللَّيْلِ إِذَا سَجَىٰ2
Вә төн белән ант итәм, һәркайчан ул төн караңгылыгы белән һәрнәрсәне капласа.
93:3Para 30 · b. 596
مَا وَدَّعَكَ رَبُّكَ وَمَا قَلَىٰ3
Ий Мухәммәд г-м, Раббың сине ташламады һәм сиңа ачуланмады да. (Яһүдләр беркөнне Мухәммәд г-мнән Зүл карнәен вә асъхаб каһәф хәбәрен һәм рух рәвешене сорадылар. Мухәммәд г-м аларга: "Иртәгә җавап бирермен", диде, ләкин, Аллаһ теләсә димәде. Шуннан соң вәхий киселде, берничә вакытлар Җәбраил фәрештә иңмәде. Шул вакытта мөшрикләр: "Мухәммәдне Раббысы ташлады һәм аңа ачуланды", – диделәр. Бу сүрә шул хакта инде.)
93:4Para 30 · b. 596
وَلَلْآخِرَةُ خَيْرٌ لَكَ مِنَ الْأُولَىٰ4
Сиңа, әлбәттә, ахирәт дөньядан хәерлерәкдер. (Ягъни Аллаһ сине патша кылмады һәм сине миллиардер да кылмады, чөнки болар һәммәсе бетә торган нәрсәләр. Бәлки сиңа Раббың дәрәҗәсе мәңгегә кала торган пәйгамбәрлекне бирде.)
93:5 · Your Lord will give you, and you will be pleasedPara 30 · b. 596
وَلَسَوْفَ يُعْطِيكَ رَبُّكَ فَتَرْضَىٰ5
Вә тиздән сиңа Раббың өмет иткәнеңне һәм сораганыңны бирер дә, син Аның биргәненнән разый булырсың.
93:6Para 30 · b. 596
أَلَمْ يَجِدْكَ يَتِيمًا فَآوَىٰ6
Әйә Раббың сине ятим хәлендә табып тәрбия урынын насыйп итмәдеме? (Атасы белән бертуган кардәше Әбү Талиб тәрбияләп үстерде.)
93:7Para 30 · b. 596
وَوَجَدَكَ ضَالًّا فَهَدَىٰ7
Дәхи Раббың сине пәйгамбәр булганчы хак диннән адашучы табып, аннары туры юлга күндерде түгелме?
93:8Para 30 · b. 596
وَوَجَدَكَ عَائِلًا فَأَغْنَىٰ8
Дәхи Раббың сине бик фәкыйрь табып, аннары сине бай кылды түгелме?
93:9Para 30 · b. 596
فَأَمَّا الْيَتِيمَ فَلَا تَقْهَرْ9
Башта үзең ятим булгач, ятимгә золым итмә, какма, сукма – бәлки хөрмәтлә.
93:10Para 30 · b. 596
وَأَمَّا السَّائِلَ فَلَا تَنْهَرْ10
Һәм синнән сораучыга каты мөгамәлә кылма, ни сораса да җавап бир һәм теләген үтә.
93:11Para 30 · b. 596
وَأَمَّا بِنِعْمَةِ رَبِّكَ فَحَدِّثْ11
Һәм Раббыңның нигъмәте булган шәригать хөкемнәрен кешеләргә өйрәт һәм сөйләп төшендер! Чөнки шәригатьне белмәгән кешеләр Аллаһуның ґәзабына ашыгалар. Ә син аларны җәннәткә кызыктыр һәм чакыр!