85:1Para 30 · b. 590
وَالسَّمَاءِ ذَاتِ الْبُرُوجِ1
Каланча иясе булган күк белән ант итәмен.
Al-Buruj
سورة البروج
Sürä 85 · Mäkkäwi · 22 ayat
85:2Para 30 · b. 590
وَالْيَوْمِ الْمَوْعُودِ2
Вә вәгъдә ителгән кыямәт көне белән.
85:3Para 30 · b. 590
وَشَاهِدٍ وَمَشْهُودٍ3
Вә җомга көне яки кыямәткә җыелган халык белән һәм ґәрәфә көне яки кешеләрнең кылган эшләре белен ант итәмен.
85:4Para 30 · b. 590
قُتِلَ أَصْحَابُ الْأُخْدُودِ4
Чокыр ияләренә ләгънәт булды һәм һәлак булдылар. (Әүвәлге заманда патшасы да халыгы да мөшрикләр булган бер илдә, бер яшь егет иман китереп бер карт мөселманнан ислам динен өйрәнде. Бу хәбәр патшага ирешкәч, егетне чакыртып ислам динен ташла дип төрлечә ґәзап кылды. Егет патшага әйтте: "Халыгыңны җыеп алар алдында бу егетнең Раббысы булган Аллаһ исеме белән атамын, дип үземнең җәям һәм угым белән атсагыз гына үтерә алырсыз", – дип. Патша шулай эшләде, ук егетнең башына тиеп шаһит булды. Җыелган кешеләр, бу егетнең Раббысы Аллаһуга иман китердек, ислам динен кабул иттек, дип кычкырдылар. Патшаның бик каты ачуы килеп, гаскәреннән канау казытып, ул канауга утын тутыртып ут яктырды, ут кызгач ислам диненнән кире чыкмаган кешеләрне берәм-берәм утта яндырдылар. Шулай итеп мөселманнар ислам дине өчен бар да шаһит булдылар. Соңра Аллаһуның әмере илә ут канаудан чыгып патшаны һәм гаскәрләрен яндырып һәлак итте, җаннары җәһәннәмгә китте.)
85:5Para 30 · b. 590
النَّارِ ذَاتِ الْوَقُودِ5
Канау казып ул канауны ут белән тутыручы кәферләргә Аллаһуның ләгънәте булды.
85:6Para 30 · b. 590
إِذْ هُمْ عَلَيْهَا قُعُودٌ6
Кәфер гаскәре мөселманнарны утта яндырганда, патша үзенең якыннары илә тамаша кылып карап утыралар иде.
85:7Para 30 · b. 590
وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ7
Алар мөэминнәрне утта яндырып ґәзаб кылуларына гуаһлардыр.
85:8Para 30 · b. 590
وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ8
Ул кәферләр мөселманнарны утта яндырырлык ґәеп тапмадылар, мәгәр кодрәт иясе вә мактаулы булган Аллаһуга иман китергәннәре өчен генә аларны утта яндырып ґәзаб кылдылар.
85:9Para 30 · b. 590
الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ9
Ник ышанмаска Аллаһуга, бит җир вә күкләрнең патшалыгы Аның кулындадыр, вә Ул – Аллаһ һәрнәрсәне күрүче вә белүчедер.
85:10Para 30 · b. 590
إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ10
Тәхкыйк ґәепсез мөэмин ирләрне вә мөэминә хатыннарны хаксыз рәнҗетүчеләр аларны нинди ґәзаб белән булса да ґәзаб кылучылар, соңра тәүбә итеп рәнҗеткән кешеләрнең ризалыгын алмасалар, аларгадыр җәһәннәм ґәзабы һәм каты яндыргучы ут ґәзабы.
85:11Para 30 · b. 590
إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِنْ تَحْتِهَا الْأَنْهَارُ ۚ ذَٰلِكَ الْفَوْزُ الْكَبِيرُ11
Тәхкыйк иман китереп яхшы эшләрне эшләп изге гамәлләрне кылган кешеләргә, асларыннан елгалар ага торган җәннәтләр, бу исә олугъ изге теләккә ирешүдер.
85:12Para 30 · b. 590
إِنَّ بَطْشَ رَبِّكَ لَشَدِيدٌ12
Шиксез, синең Раббыңның ґәзаб белән тотмагы, әлбәттә, бик каты вә бик куркынычлы.
85:13Para 30 · b. 590
إِنَّهُ هُوَ يُبْدِئُ وَيُعِيدُ13
Тәхкыйк Ул – Аллаһ башлап халык кылыр һәм үлгәч тергезеп яңадан кайтарыр.
85:14Para 30 · b. 590
وَهُوَ الْغَفُورُ الْوَدُودُ14
Вә Ул тәүбә итеп төзәлүчеләрне ярлыкаучы һәм изге гамәл кылучыларны сөюче.
85:15Para 30 · b. 590
ذُو الْعَرْشِ الْمَجِيدُ15
Ул – Аллаһ олугъ булган ґәреш иясе.
85:16Para 30 · b. 590
فَعَّالٌ لِمَا يُرِيدُ16
Теләгән эшене һич кичекмичә кылучы.
85:17Para 30 · b. 590
هَلْ أَتَاكَ حَدِيثُ الْجُنُودِ17
Тәхкыйк килер сиңа пәйгамбәрләргә каршы торган кәфер ґәскәрләренең хәбәре.
85:18Para 30 · b. 590
فِرْعَوْنَ وَثَمُودَ18
Фиргаун гаскәренең һәм Сәмуд кавеме гаскәренең хәбәре, алар бар да Аллаһ тарафыннан һәлак ителделәр.
85:19Para 30 · b. 590
بَلِ الَّذِينَ كَفَرُوا فِي تَكْذِيبٍ19
Бәлки имансызлар Коръәнгә һәм пәйгамбәргә ышанмауларында сабитлардыр, үлгәнче иман китермәсләр.
85:20Para 30 · b. 590
وَاللَّهُ مِنْ وَرَائِهِمْ مُحِيطٌ20
Бит Аллаһ аларның артларыннан төшүче, һич котыла алмаслар.
85:21Para 30 · b. 590
بَلْ هُوَ قُرْآنٌ مَجِيدٌ21
Әлбәттә, ул Аллаһудан иңдерелгән китап – олугъ дәрәҗәле вә хөрмәтле Коръәндер.
85:22Para 30 · b. 590
فِي لَوْحٍ مَحْفُوظٍ22
Ул Ләүхүл Мәхфуздә язылмыштыр.