79:1Para 30 · b. 583
وَالنَّازِعَاتِ غَرْقًا1
Кәферләрнең җаннарын катылык илә суырып алучы фәрештәләр илә,
An-Nazi'at
سورة النازعات
Sürä 79 · Mäkkäwi · 46 ayat
79:2Para 30 · b. 583
وَالنَّاشِطَاتِ نَشْطًا2
дәхи мөэминнәрнең җаннарын җиңеллек белән суырып алучы фәрештәләр илә ант итәмен.
79:3Para 30 · b. 583
وَالسَّابِحَاتِ سَبْحًا3
Дәхи җир белән кук арасында тизлек белән йөрүче фәрештәләр илә,
79:4Para 30 · b. 583
فَالسَّابِقَاتِ سَبْقًا4
кәферләрнең җаннарын җәһәннәмгә вә мөэминнәрнең җаннарын җәннәткә алып узышучы фәрештәләр илә,
79:5Para 30 · b. 583
فَالْمُدَبِّرَاتِ أَمْرًا5
Эшләрне тәдбир кылып йөрүче фәрештәләр илә ант итәмен.
79:6Para 30 · b. 583
يَوْمَ تَرْجُفُ الرَّاجِفَةُ6
Беренче сурда җир каты хәрәкәтләнер дә, җир өстендә тереклек бетәр.
79:7Para 30 · b. 583
تَتْبَعُهَا الرَّادِفَةُ7
Вә беренче сурга ияртелеп икенче сур булыр да, кешеләр кабердән терелеп чыгарлар.
79:8Para 30 · b. 583
قُلُوبٌ يَوْمَئِذٍ وَاجِفَةٌ8
Ул көндә куркудан күңелләр урыннарыннан купкан булырлар.
79:9Para 30 · b. 583
أَبْصَارُهَا خَاشِعَةٌ9
Ул күңелләрнең, күзләре түбән төшкән булыр.
79:10Para 30 · b. 583
يَقُولُونَ أَإِنَّا لَمَرْدُودُونَ فِي الْحَافِرَةِ10
Дөньяда Коръәнгә ышанмаучылар әйтәләр: "Әйә без үлгәннән соң, терелеп яңадан әүвәлге хәлебезгә кайтабызмы?
79:11Para 30 · b. 583
أَإِذَا كُنَّا عِظَامًا نَخِرَةً11
Әйә без черегән сөяк булганнан соң да терелеп кайтырбызмы?
79:12Para 30 · b. 583
قَالُوا تِلْكَ إِذًا كَرَّةٌ خَاسِرَةٌ12
Терелүгә ышанмыйча мәсхәрәләп әйттеләр: "Әгәр яңадан терелү булса, бу бик хәсрәтле кайтарылу икән, аның өчен кайгырырга кирәк", – дип.
79:13Para 30 · b. 583
فَإِنَّمَا هِيَ زَجْرَةٌ وَاحِدَةٌ13
Аларның терелеп кубарылулары фәкать бер тавыш белән булыр.
79:14Para 30 · b. 583
فَإِذَا هُمْ بِالسَّاهِرَةِ14
Шул вакытта ук алар җир өстендә булырлар.
79:15Para 30 · b. 583
هَلْ أَتَاكَ حَدِيثُ مُوسَىٰ15
Ий Мухәммәд г-м сиңа Муса хәбәре килде бит?
79:16Para 30 · b. 583
إِذْ نَادَاهُ رَبُّهُ بِالْوَادِ الْمُقَدَّسِ طُوًى16
Мусаның Раббысы аңа нида кылды, Тур тавының итәгендәге мүбарәк Тува дигән урында.
79:17Para 30 · b. 584
اذْهَبْ إِلَىٰ فِرْعَوْنَ إِنَّهُ طَغَىٰ17
Иманга өндәмәк өчен Фиргаунгә баргыл, тәхкыйк ул азды, бозыклыкны күп кылды.
79:18Para 30 · b. 584
فَقُلْ هَلْ لَكَ إِلَىٰ أَنْ تَزَكَّىٰ18
Әйт аңа: "Әйә кирәксенәсеңме кабих булган көфердән пакьләнүне.
79:19Para 30 · b. 584
وَأَهْدِيَكَ إِلَىٰ رَبِّكَ فَتَخْشَىٰ19
Дәхи сиңа Раббыңны танытуымны телисеңме, әгәр Раббыңны танысаң, Аңардан куркырсың да изге гамәлләр кылырсың", – дип.
79:20Para 30 · b. 584
فَأَرَاهُ الْآيَةَ الْكُبْرَىٰ20
Муса Фиргаунгә олугъ могҗиза күрсәтте. (Ягъни таягы аҗдаһа булды һәм кулын култыгыннан чыгарган иде кояш кеби якты булып күренде).
79:21Para 30 · b. 584
فَكَذَّبَ وَعَصَىٰ21
Фиргаун Мусаның пәйгамбәрлеген һәм күрсәткән могҗизасын ялганга санады һәм Мусага каршы дошманлык кылды.
79:22Para 30 · b. 584
ثُمَّ أَدْبَرَ يَسْعَىٰ22
Соңра Мусадан йөз чөереп, борылып китте дә теләгән кадәр бозык эшләрне кыла торган булды.
79:23Para 30 · b. 584
فَحَشَرَ فَنَادَىٰ23
Һәм үзенең кавемен вә ґәскәрсн җыйды вә кычкырып нида кылды.
79:24Para 30 · b. 584
فَقَالَ أَنَا رَبُّكُمُ الْأَعْلَىٰ24
Әйтте: "Мин сезнең олугъ Раббыгызмын, миннән башка сезнең һич Илаһәгез юктыр", – дип.
79:25Para 30 · b. 584
فَأَخَذَهُ اللَّهُ نَكَالَ الْآخِرَةِ وَالْأُولَىٰ25
Аллаһ, ул Фиргаунне тотты дөньяда суга батырып, ахирәттә җәһәннәмгә салу беләк.
79:26Para 30 · b. 584
إِنَّ فِي ذَٰلِكَ لَعِبْرَةً لِمَنْ يَخْشَىٰ26
Тәхкыйк бу вакыйгада гыйбрәт бардыр Аллаһудан курыккан кешегә.
79:27Para 30 · b. 584
أَأَنْتُمْ أَشَدُّ خَلْقًا أَمِ السَّمَاءُ ۚ بَنَاهَا27
Халык кылуда сезнең яратылуыгыз читенрәкме, әллә күкне ярату читенрәкме? Ул күкне Аллаһ бина кылды.
79:28Para 30 · b. 584
رَفَعَ سَمْكَهَا فَسَوَّاهَا28
Ул күкнең бөеклеген бик югары кылды, ул күкне һич кимчелексез төзеп тәмам итте.
79:29Para 30 · b. 584
وَأَغْطَشَ لَيْلَهَا وَأَخْرَجَ ضُحَاهَا29
Ул күкнең кичен караңгы кылды вә аның көндезен якты кылды.
79:30Para 30 · b. 584
وَالْأَرْضَ بَعْدَ ذَٰلِكَ دَحَاهَا30
Моның соңында Аллаһ, торырга яраклы итеп җирне түшәде.
79:31Para 30 · b. 584
أَخْرَجَ مِنْهَا مَاءَهَا وَمَرْعَاهَا31
Җирнең суын һәм хайваннар утлый торган үләннәрне чыгарды.
79:32Para 30 · b. 584
وَالْجِبَالَ أَرْسَاهَا32
Дәхи тауларны мәхкәм сабит кылды.
79:33Para 30 · b. 584
مَتَاعًا لَكُمْ وَلِأَنْعَامِكُمْ33
Сезгә вә сезнең хайваннарыгызга файда өчен.
79:34Para 30 · b. 584
فَإِذَا جَاءَتِ الطَّامَّةُ الْكُبْرَىٰ34
Әгәр олугъ җыелыш көне кыямәт килсә,
79:35Para 30 · b. 584
يَوْمَ يَتَذَكَّرُ الْإِنْسَانُ مَا سَعَىٰ35
ул көндә кеше дөньяда кылган яман эшләрен искәрер күз алдына китерер.
79:36Para 30 · b. 584
وَبُرِّزَتِ الْجَحِيمُ لِمَنْ يَرَىٰ36
Вә күзе күргән кешеләргә җәһәннәм күрсәтелер.
79:37Para 30 · b. 584
فَأَمَّا مَنْ طَغَىٰ37
Әмма берәү шәригать чигеннән чыгып бозыклык кылса,
79:38Para 30 · b. 584
وَآثَرَ الْحَيَاةَ الدُّنْيَا38
дәхи дөньяга бирелеп ахирәт гамәленә кимчелек китерсә,
79:39Para 30 · b. 584
فَإِنَّ الْجَحِيمَ هِيَ الْمَأْوَىٰ39
Шиксез, ул кешегә урын җәһәннәмдер.
79:40Para 30 · b. 584
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ40
Вә әмма берәү Аллаһ алдына басып Аңа җавап бирүдән курыкса, вә үзен нәфесе теләгән гөнаһлы эшләрдән тыйса,
79:41Para 30 · b. 584
فَإِنَّ الْجَنَّةَ هِيَ الْمَأْوَىٰ41
әлбәттә җәннәт аңа урындыр.
79:42Para 30 · b. 584
يَسْأَلُونَكَ عَنِ السَّاعَةِ أَيَّانَ مُرْسَاهَا42
Кәферләр синнән кыямәт кайчан була, дип сорыйлар.
79:43Para 30 · b. 584
فِيمَ أَنْتَ مِنْ ذِكْرَاهَا43
Кыямәтнең кайчан булачагын әйтүдә сиңа нинди файда? Әйтсәң дә фәкать көферлекләрен арттырачаклар.
79:44Para 30 · b. 584
إِلَىٰ رَبِّكَ مُنْتَهَاهَا44
Кыямәт вакытының ахыр чиге Аллаһуга хастыр.
79:45Para 30 · b. 584
إِنَّمَا أَنْتَ مُنْذِرُ مَنْ يَخْشَاهَا45
Ий Мухәммәд г-м, син фәкать ул кыямәттән курыккан кешене куркытучысың.
79:46Para 30 · b. 584
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا46
Алар кыямәтне күргәндә гүя дөньяда бер дә тормаган кеби булырлар, мәгәр төшкә хәтле ярты көн яки төштән соң ярты көн торган кеби булырлар.