Surah 24 · Juz 18
An-Nur · 24:43
أَلَمْ تَرَ أَنَّ اللَّهَ يُزْجِي سَحَابًا ثُمَّ يُؤَلِّفُ بَيْنَهُ ثُمَّ يَجْعَلُهُ رُكَامًا فَتَرَى الْوَدْقَ يَخْرُجُ مِنْ خِلَالِهِ وَيُنَزِّلُ مِنَ السَّمَاءِ مِنْ جِبَالٍ فِيهَا مِنْ بَرَدٍ فَيُصِيبُ بِهِ مَنْ يَشَاءُ وَيَصْرِفُهُ عَنْ مَنْ يَشَاءُ ۖ يَكَادُ سَنَا بَرْقِهِ يَذْهَبُ بِالْأَبْصَارِ
Hindi mo ba nakita na si Allāh ay nagpapausad sa mga ulap. Pagkatapos ay nagbubuklod Siya sa mga ito. Pagkatapos ay gumagawa Siya sa mga ito na isang bunton, at nakikita mo ang ulan na lumalabas mula sa loob ng mga ito. Nagpapababa Siya mula sa langit [tulad ng laki ] ng mga bundok [ng mga ulap] na nasa loob ng mga iyon ay may mga yelong ulan, at nagpapatama Siya ng mga ito sa kaninumang niloloob Niya at nagbabaling Siya ng mga ito palayo sa kaninumang niloloob Niya. Halos ang kislap ng kidlat nito ay tumangay sa mga paningin.
Tafsir
Hindi ka ba nakaalam, O Sugo, na si Allāh ay nag-aakay ng mga ulap, pagkatapos ay nagpapasanib Siya ng mga parte ng isang bahagi ng mga ito sa ibang bahagi? Pagkatapos ay gumagawa Siya sa mga ito na nagkabuntun-bunton, na pumapatong ang iba sa mga ito sa iba pa, saka nakikita mo ang ulan na lumalabas mula sa loob ng mga ulap. Nagbababa Siya mula sa dako ng langit mula sa mga ulap na nagkakapalan sa loob ng mga ito – na nakawawangis ng mga bundok sa laki ng mga ito – ng mga pirasong nagsayelong tubig gaya ng mga munting bato. Nagpapatama Siya ng yelong iyon sa sinumang niloloob Niya sa mga lingkod Niya at naglilihis Siya niyon palayo sa sinumang niloloob Niya sa kanila. Halos ang kinang ng kidlat ng mga ulap, dahil sa tindi ng kislap nito, ay nag-aalis ng mga paningin.
Buksan sa mambabasa - Basahin ang buong surah