సూరా 66 · జుజ్ 28
At-Tahrim · 66:8
يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا عَسَىٰ رَبُّكُمْ أَنْ يُكَفِّرَ عَنْكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِنْ تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ ۖ نُورُهُمْ يَسْعَىٰ بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا ۖ إِنَّكَ عَلَىٰ كُلِّ شَيْءٍ قَدِيرٌ
ఓ విశ్వాసులారా! మీరు అల్లాహ్ వైపునకు మనః పూర్వకమైన పశ్చాత్తాపంతో, క్షమాపణ కొరకు మరలితే! మీ ప్రభువు మీ పాపాలను తొలగించి, మిమ్మల్ని క్రింద సెలయేళ్ళు ప్రవహించే స్వర్గవనాలలో ప్రవేశింపజేస్తాడు; ఆ రోజు అల్లాహ్ తన ప్రవక్తను మరియు అతనితో పాటు విశ్వసించిన వారిని అవమానం పాలు చేయడు. వారి కాంతి, వారి ముందు మరియు వారి కుడి వైపు నుండి ప్రసరిస్తూ ఉంటుంది. వారి ఇలా ప్రార్థిస్తారు: "ఓ మా ప్రభూ! మా కాంతిని మా కొరకు పరిపూర్ణం చేయి మరియు మమ్మల్ని క్షమించు. నిశ్చయంగా, నీవే ప్రతిదీ చేయగల సమర్ధుడవు!"
తఫ్సీర్
ఓ అల్లాహ్ పై విశ్వాసమును కనబరచి ఆయన తమ కొరకు ధర్మ బద్ధం చేసిన వాటిని ఆచరించేవారా మీరు అల్లాహ్ వద్ద మీ పాపముల నుండి నిజమైన తౌబా చేయండి. బహుశా మీ ప్రభువు మీ నుండి మీ పాపములను తుడిచివేసి మిమ్మల్ని స్వర్గ వనాలలో ప్రవేశింపజేస్తాడు. వాటి భవనముల క్రింది నుండి ప్రళయదినమున కాలువలు ప్రవహిస్తూ ఉంటాయి. ఆ రోజు అల్లాహ్ ప్రవక్త సల్లల్లాహు అలైహి వసల్లంను మరియు ఆయనతో పాటు విశ్వసించిన వారిని నరకములో ప్రవేశింపజేసి అవమానమును కలిగించడు. సిరాత్ వంతెనపై వారి కాంతి వారి ముందట మరియు వారి కుడివైపున పరుగెడుతూ ఉంటుంది. వారు ఇలా పలుకుతారు : ఓ మా ప్రభువా మేము స్వర్గంలో ప్రవేశించే వరకు,సిరాత్ వంతెనపై తమ వెలుగును పోగొట్టుకున్న కపటుల మాదిరిగా మేము కానంత వరకు మా వెలుగును నీవు మా కొరకు పూర్తి చేయి. మరియు నీవు మా పాపములను మన్నించు. నిశ్చయంగా నీవు ప్రతీది చేసే సామర్ధ్యం కలవాడివి. కావున నీవు మా వెలుగును పూర్తి చేయటం నుండి మరియు మా పాపములను మన్నించటం నుండి అశక్తుడివి కావు.
రీడర్‌లో తెరవండి - పూర్తి సూరాను చదవండి