69:1ஜுஸ் 29 · ப. 566
الْحَاقَّةُ1
நிச்சயமானது.
Al-Haqqah
سورة الحاقة
சூரா 69 · மக்கிய்யா · 52 வசனங்கள்
69:2ஜுஸ் 29 · ப. 566
مَا الْحَاقَّةُ2
நிச்சயமானது எது?
69:3ஜுஸ் 29 · ப. 566
وَمَا أَدْرَاكَ مَا الْحَاقَّةُ3
அன்றியும் நிச்சயமானது என்னவென்று உமக்கு அறிவித்தது எது?
69:4ஜுஸ் 29 · ப. 566
كَذَّبَتْ ثَمُودُ وَعَادٌ بِالْقَارِعَةِ4
ஸமூது (கூட்டத்தாரு)ம், ஆது (கூட்டத்தாரு)ம் திடுக்கிடச் செய்வதை (கியாம நாளைப்) பொய்ப்பித்தனர்.
69:5ஜுஸ் 29 · ப. 566
فَأَمَّا ثَمُودُ فَأُهْلِكُوا بِالطَّاغِيَةِ5
எனவே, ஸமூது கூட்டத்தார் (அண்டம் கிடுகிடச் செய்யும்) பெரும் சப்தத்தால் அழிக்கப்பட்டனர்.
69:6ஜுஸ் 29 · ப. 566
وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ6
இன்னும், ஆது கூட்டத்தாரோ பேரொலியோடு வேகமாகச் சுழன்று அடித்த கொடுங்காற்றினால் அழிக்கப்பட்டனர்.
69:7ஜுஸ் 29 · ப. 566
سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ7
அவர்கள் மீது, அதை ஏழு இரவுகளும், எட்டுப் பகல்களும் தொடர்ந்து வீசச் செய்தான், எனவே அந்த சமூகத்தினரை, அடியுடன் சாய்ந்துவிட்ட ஈச்சமரங்களைப் போல் (பூமியில்) விழுந்து கிடப்பதை (அக்காலை நீர் இருந்திருந்தால்) பார்ப்பீர்.
69:8ஜுஸ் 29 · ப. 566
فَهَلْ تَرَىٰ لَهُمْ مِنْ بَاقِيَةٍ8
ஆகவே, அவர்களில் எஞ்சிய எவரையும் நீர் காண்கிறீரா?
69:9ஜுஸ் 29 · ப. 567
وَجَاءَ فِرْعَوْنُ وَمَنْ قَبْلَهُ وَالْمُؤْتَفِكَاتُ بِالْخَاطِئَةِ9
அன்றியும் ஃபிர்அவ்னும், அவனுக்கு முன் இருந்தோரும் தலை கீழாய்ப்புரட்டப்பட்ட ஊராரும், (மறுமையை மறுத்து) பாவங்களைச் செய்து வந்தனர்.
69:10ஜுஸ் 29 · ப. 567
فَعَصَوْا رَسُولَ رَبِّهِمْ فَأَخَذَهُمْ أَخْذَةً رَابِيَةً10
அதனால், அவர்கள் தம் இறைவனின் தூதருக்கு மாறு செய்தனர், ஆதலால் அவன் அவர்களைப் பலமான பிடியாகப் பிடித்துக் கொண்டான்.
69:11ஜுஸ் 29 · ப. 567
إِنَّا لَمَّا طَغَى الْمَاءُ حَمَلْنَاكُمْ فِي الْجَارِيَةِ11
தண்ணீர் பொங்கிய போது நிச்சயமாக நாம் உங்களைக் கப்பலில் ஏற்றி(க் காப்பாற்றி)னோம்.
69:12ஜுஸ் 29 · ப. 567
لِنَجْعَلَهَا لَكُمْ تَذْكِرَةً وَتَعِيَهَا أُذُنٌ وَاعِيَةٌ12
அதை உங்களுக்கு நினைவூட்டும் ஒரு படிப்பினையாக்குவதற்கும், பேணிக்காக்கும் செவி (அதை நினைவில் ஞாபகத்தில் வைத்து)ப் பேணிக்கொள்வதற்கும் (ஆக அவ்வாறு செய்தோம்).
69:13ஜுஸ் 29 · ப. 567
فَإِذَا نُفِخَ فِي الصُّورِ نَفْخَةٌ وَاحِدَةٌ13
எனவே, ஸூரில் (எக்காளத்தில்) ஊதல் ஒருமுறை ஊதப்படும் போது:
69:14ஜுஸ் 29 · ப. 567
وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً14
இன்னும் பூமியும் மலைகளும் தூக்கி (எறியப்பட்டு) பின்னர் ஒன்றோடு ஒன்று மோதி அவையிரண்டும் ஒரே தூளாக ஆக்கப்பட்டால் -
69:15ஜுஸ் 29 · ப. 567
فَيَوْمَئِذٍ وَقَعَتِ الْوَاقِعَةُ15
அந்த நாளில் தாம் நிகழ வேண்டிய (மாபெரும் சம்பவம்) நிகழும்.
69:16ஜுஸ் 29 · ப. 567
وَانْشَقَّتِ السَّمَاءُ فَهِيَ يَوْمَئِذٍ وَاهِيَةٌ16
வானமும் பிளந்து, அன்னாளில் அது அடியோடு தன் சக்தியை இழந்து விடும்.
69:17ஜுஸ் 29 · ப. 567
وَالْمَلَكُ عَلَىٰ أَرْجَائِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ17
இன்னும் மலக்குகள் அதன் கோடியிலிருப்பார்கள், அன்றியும், அந்நாளில் உம்முடைய இறைவனின் அர்ஷை (வானவர்) எட்டுப்பேர் தம் மேல் சுமந்திருப்பார்கள்.
69:18ஜுஸ் 29 · ப. 567
يَوْمَئِذٍ تُعْرَضُونَ لَا تَخْفَىٰ مِنْكُمْ خَافِيَةٌ18
(மானிடர்களே!) அந்நாளில் நீங்கள் (இறைவன் முன்) கொண்டுபோகப்படுவீர்கள், மறைவான உங்களுடைய எந்த விஷயமும் அவனுக்கு மறைந்து விடாது.
69:19ஜுஸ் 29 · ப. 567
فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَءُوا كِتَابِيَهْ19
ஆகவே, எவருடைய பட்டோலை அவருடைய வலக்கையில் கொடுக்கப்படுமோ, அவர் (மகிழ்வுடன்), "இதோ! என் பட்டோலையைப் படியுங்கள்" எனக் கூறுவார்.
69:20ஜுஸ் 29 · ப. 567
إِنِّي ظَنَنْتُ أَنِّي مُلَاقٍ حِسَابِيَهْ20
"நிச்சயமாக, நாம் உன்னுடைய கேள்வி கணக்கை, திட்டமாக சந்திப்பேன் என்று எண்ணியே இருந்தேன்."
69:21ஜுஸ் 29 · ப. 567
فَهُوَ فِي عِيشَةٍ رَاضِيَةٍ21
ஆகவே, அவர் திருப்தியான சுக வாழ்க்கையில் -
69:22ஜுஸ் 29 · ப. 567
فِي جَنَّةٍ عَالِيَةٍ22
உயர்ந்த சுவர்க்கத்தில் இருப்பார்.
69:23ஜுஸ் 29 · ப. 567
قُطُوفُهَا دَانِيَةٌ23
அதன் கனி(வகை)கள் (கைக்கு எட்டியதாக) சமீபத்திருக்கும்.
69:24ஜுஸ் 29 · ப. 567
كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ24
"சென்று போன நாட்களில் நீங்கள் முற்படுத்தி(யனுப்பி)ய (நல்ல அமல்களின்) காரணத்தால், நீங்கள் இப்போது மகிழ்வோடு புசியுங்கள்; இன்னும் பருகுங்கள்" (என அவர்களுக்குக் கூறப்படும்).
69:25ஜுஸ் 29 · ப. 567
وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيَهْ25
ஆனால் எவனுடைய பட்டோலை அவனுடைய இடக்கையில் கொடுக்கப்படுமோ அவன் கூறுவான்; "என்னுடைய பட்டோலை எனக்குக் கொடுக்கப்படாமல் இருந்திருக்க வேண்டுமே!
69:26ஜுஸ் 29 · ப. 567
وَلَمْ أَدْرِ مَا حِسَابِيَهْ26
"அன்றியும், என் கேள்வி கணக்கு என்ன என்பதை நான் அறியவில்லையே-
69:27ஜுஸ் 29 · ப. 567
يَا لَيْتَهَا كَانَتِ الْقَاضِيَةَ27
"(நான் இறந்த போதே) இது முற்றிலும் முடிந்திருக்கக் கூடாதா?
69:28ஜுஸ் 29 · ப. 567
مَا أَغْنَىٰ عَنِّي مَالِيَهْ ۜ28
"என் செல்வம் எனக்குப் பயன்படவில்லையே!
69:29ஜுஸ் 29 · ப. 567
هَلَكَ عَنِّي سُلْطَانِيَهْ29
"என் செல்வாக்கும் அதிகாரமும் என்னை விட்டு அழிந்து விட்டதே!" (என்று அரற்றுவான்).
69:30ஜுஸ் 29 · ப. 567
خُذُوهُ فَغُلُّوهُ30
"(அப்போது) அவனைப் பிடித்து, பிறகு அவனுக்கு அரிகண்டமும் (விலங்கும்) மாட்டுங்கள்."
69:31ஜுஸ் 29 · ப. 567
ثُمَّ الْجَحِيمَ صَلُّوهُ31
"பின், அவனை நரகத்தில் தள்ளுங்கள்.
69:32ஜுஸ் 29 · ப. 567
ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ32
"பின்னர், எழுபது முழ நீளமுள்ள சங்கிலியால் அவனைக் கட்டுங்கள்" (என்று உத்தரவிடப்படும்).
69:33ஜுஸ் 29 · ப. 567
إِنَّهُ كَانَ لَا يُؤْمِنُ بِاللَّهِ الْعَظِيمِ33
"நிச்சயமாக அவன் மகத்துவமிக்க அல்லாஹ்வின் மீது ஈமான் கொள்ளாதிருந்தான்."
69:34ஜுஸ் 29 · ப. 567
وَلَا يَحُضُّ عَلَىٰ طَعَامِ الْمِسْكِينِ34
"அன்றியும், அவன் ஏழைகளுக்கு(த் தானும் உணவளிக்கவில்லை, பிறரையும்) உணவளிக்கத் தூண்டவில்லை."
69:35ஜுஸ் 29 · ப. 567
فَلَيْسَ لَهُ الْيَوْمَ هَاهُنَا حَمِيمٌ35
"எனவே, அவனுக்கு இன்றைய தினம் இங்கே (அனுதாபப்படும்) எந்த நண்பனும் இல்லை."
69:36ஜுஸ் 29 · ப. 568
وَلَا طَعَامٌ إِلَّا مِنْ غِسْلِينٍ36
"சீழ் நீரைத் தவிர, அவனுக்கு வேறு எந்த உணவுமில்லை."
69:37ஜுஸ் 29 · ப. 568
لَا يَأْكُلُهُ إِلَّا الْخَاطِئُونَ37
"குற்றவாளிகளைத் தவிர, வேறு எவரும் அதைப் புசியார்."
69:38ஜுஸ் 29 · ப. 568
فَلَا أُقْسِمُ بِمَا تُبْصِرُونَ38
ஆகவே, நீங்கள் பார்ப்பவற்றின் மீதும் சத்தியம் செய்கிறேன்.
69:39ஜுஸ் 29 · ப. 568
وَمَا لَا تُبْصِرُونَ39
நீங்கள் பார்க்காதவற்றின் மீதும், (சத்தியம் செய்கிறேன்.)
69:40ஜுஸ் 29 · ப. 568
إِنَّهُ لَقَوْلُ رَسُولٍ كَرِيمٍ40
நிச்சயமாக, இது (நாம் அருளியவாறு ஓதி வரும்) கண்ணியமிக்க தூதரின் சொல்லாகும்.
69:41ஜுஸ் 29 · ப. 568
وَمَا هُوَ بِقَوْلِ شَاعِرٍ ۚ قَلِيلًا مَا تُؤْمِنُونَ41
இது ஒரு கவிஞனின் சொல்லன்று (எனினும்) நீங்கள் மிகவும் சொற்பமாகவே நம்புகிறீர்கள்.
69:42ஜுஸ் 29 · ப. 568
وَلَا بِقَوْلِ كَاهِنٍ ۚ قَلِيلًا مَا تَذَكَّرُونَ42
(இது) ஒரு குறிகாரனின் சொல்லுமன்று (எனினும்) நீங்கள் சொற்பமாகவே (இதை நினைந்து) நல்லறிவு பெறுகிறீர்கள்.
69:43ஜுஸ் 29 · ப. 568
تَنْزِيلٌ مِنْ رَبِّ الْعَالَمِينَ43
அகிலத்தாருக்கெல்லாம் இறைவனிடமிருந்து (இது) இறக்கியருளப்பட்டதாகும்.
69:44ஜுஸ் 29 · ப. 568
وَلَوْ تَقَوَّلَ عَلَيْنَا بَعْضَ الْأَقَاوِيلِ44
அன்றியும், நம்மீது சொற்களில் சிலவற்றை இட்டுக் கட்டிக் கூறியிருப்பாரானால் -
69:45ஜுஸ் 29 · ப. 568
لَأَخَذْنَا مِنْهُ بِالْيَمِينِ45
அவருடைய வலக்கையை நாம் பற்றிப் பிடித்துக் கொண்டு-
69:46ஜுஸ் 29 · ப. 568
ثُمَّ لَقَطَعْنَا مِنْهُ الْوَتِينَ46
பின்னர், அவருடைய நாடி நரம்பை நாம் தரித்திருப்போம்.
69:47ஜுஸ் 29 · ப. 568
فَمَا مِنْكُمْ مِنْ أَحَدٍ عَنْهُ حَاجِزِينَ47
அன்றியும், உங்களில் எவரும் (நாம்) அ(வ்வாறு செய்வ)தைத் தடுப்பவர்களில்லை.
69:48ஜுஸ் 29 · ப. 568
وَإِنَّهُ لَتَذْكِرَةٌ لِلْمُتَّقِينَ48
ஆகவே, நிச்சயமாக அது (குர்ஆன்) பயபக்தியுடையவர்களுக்கு நல்லுபதேசமாகும்.
69:49ஜுஸ் 29 · ப. 568
وَإِنَّا لَنَعْلَمُ أَنَّ مِنْكُمْ مُكَذِّبِينَ49
ஆயினும், (அதைப்) பொய்ப்பிப்பவர்களும் உங்களில் இருக்கின்றார்கள் என்பதை நிச்சயமாக நாம் அறிவோம்.
69:50ஜுஸ் 29 · ப. 568
وَإِنَّهُ لَحَسْرَةٌ عَلَى الْكَافِرِينَ50
அன்றியும், நிச்சயமாக அது காஃபிர்களுக்கு கைசேதமாக இருக்கிறது.
69:51ஜுஸ் 29 · ப. 568
وَإِنَّهُ لَحَقُّ الْيَقِينِ51
மேலும், அது நிச்சயமாக உறுதியான உண்மையாகும்.
69:52ஜுஸ் 29 · ப. 568
فَسَبِّحْ بِاسْمِ رَبِّكَ الْعَظِيمِ52
ஆகவே, மகத்தான உம்முடைய இறைவனின் திருப்பெயரைக் கொண்டு (துதி செய்து) தஸ்பீஹு செய்வீராக.