84:1Juzuu 30 · uk. 589
إِذَا السَّمَاءُ انْشَقَّتْ1
Pindi mbingu itakapopasuka na kudhihiri mawingu katika pasuko zake Siku ya Kiyama.
Al-Inshiqaq
سورة الإنشقاق
Sura 84 · Makki · 25 aya
84:2Juzuu 30 · uk. 589
وَأَذِنَتْ لِرَبِّهَا وَحُقَّتْ2
Na ikatii amri ya Mola wake ya kuwa ipasuke, na inastahili kufuata amri hiyo.
84:3Juzuu 30 · uk. 589
وَإِذَا الْأَرْضُ مُدَّتْ3
Na pindi ardhi itakapotandikwa na kukunjuliwa.
84:4Juzuu 30 · uk. 589
وَأَلْقَتْ مَا فِيهَا وَتَخَلَّتْ4
Na milima yake kuvunjwa-vunjwa Siku hiyo.
84:5Juzuu 30 · uk. 589
وَأَذِنَتْ لِرَبِّهَا وَحُقَّتْ5
Na ikatii amri ya Mola wake ya kuwa ifanye hivyo, na inastahili kufuata amri hiyo.
84:6Juzuu 30 · uk. 589
يَا أَيُّهَا الْإِنْسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ6
Ewe binadamu, wewe unaenda kwa Mwenyezi Mungu na unafanya amali nzuri na mbaya, kisha utakutana na Yeye Siku ya Kiyama. Na huna budi kupata kutoka Kwake malipo mazuri zaidi ya amali yako njema au yanayolingana na amali yako mbaya.
84:7Juzuu 30 · uk. 589
فَأَمَّا مَنْ أُوتِيَ كِتَابَهُ بِيَمِينِهِ7
Yule mwenye kupewa waraka wa amali zake kwa mkono wake wa kulia,
84:8Juzuu 30 · uk. 589
فَسَوْفَ يُحَاسَبُ حِسَابًا يَسِيرًا8
naye ni yule aliyemuamini Mola wake, atahesabiwa hesabu pesi.
84:9Juzuu 30 · uk. 589
وَيَنْقَلِبُ إِلَىٰ أَهْلِهِ مَسْرُورًا9
Na atarudi kwa watu wake Peponi akiwa ni mwenye furaha.
84:10Juzuu 30 · uk. 589
وَأَمَّا مَنْ أُوتِيَ كِتَابَهُ وَرَاءَ ظَهْرِهِ10
Na yule mwenye kupewa waraka wa amali zake kwa nyuma ya mgongo wake,
84:11Juzuu 30 · uk. 589
فَسَوْفَ يَدْعُو ثُبُورًا11
naye ni yule aliyemkanusha Mwenyezi Mungu, ataita maangamvu na hasara,
84:12Juzuu 30 · uk. 589
وَيَصْلَىٰ سَعِيرًا12
na ataingia Motoni.
84:13Juzuu 30 · uk. 589
إِنَّهُ كَانَ فِي أَهْلِهِ مَسْرُورًا13
Hakika yeye alikuwa kwa watu wake ulimwenguni ni mwenye furaha na majivuno, hafikirii mwisho wake utakuwa namna gani.
84:14Juzuu 30 · uk. 589
إِنَّهُ ظَنَّ أَنْ لَنْ يَحُورَ14
Alidhani hatarudi kwa Muumba wake, akiwa hai, kwa kuhesabiwa.
84:15Juzuu 30 · uk. 589
بَلَىٰ إِنَّ رَبَّهُ كَانَ بِهِ بَصِيرًا15
Sivyo hivyo! Mwenyezi Mungu Atamrudisha kama alivomuumba na kumlipa kwa amali zake. Kwani Yeye kwake ni Mtambuzi na kwa hali yake ni Mjuzi kuanzia Alipomuumba mpaka kumfufua.
84:16Juzuu 30 · uk. 589
فَلَا أُقْسِمُ بِالشَّفَقِ16
Mwenyezi Mungu Ameapa kwa wekundu wa pambizo za mbingu wakati wa kutwa jua.
84:17Juzuu 30 · uk. 589
وَاللَّيْلِ وَمَا وَسَقَ17
Na kwa usiku na viunbe tofauti - tofauti vya kutambaa, kuruka na kutembea kwa miguu, uliokusanya.
84:18Juzuu 30 · uk. 589
وَالْقَمَرِ إِذَا اتَّسَقَ18
Na kwa mwezi ukamilikapo mwangaza wake.
84:19Juzuu 30 · uk. 589
لَتَرْكَبُنَّ طَبَقًا عَنْ طَبَقٍ19
Mtapitia, enyi watu, miongo mbalimbali na hali tofauti :kutoka kwenye tone la manii, kuptia pande la damu, nofu la nyama hadi kutiwa roho, mpaka kufa na mpaka kufufuliwa. Haifai kwa kiumbe kuapa kwa asiyekuwa Mwenyezi Mungu, afanyapo hilo atakuwa ameingia kwenye ushirikina.
84:20Juzuu 30 · uk. 589
فَمَا لَهُمْ لَا يُؤْمِنُونَ20
Ni kitu gani kinachowazuia kumwamini baada ya aya zake kufafanuliwa kwao?
84:21Juzuu 30 · uk. 589
وَإِذَا قُرِئَ عَلَيْهِمُ الْقُرْآنُ لَا يَسْجُدُونَ ۩21
Na wana nini wao wanaposomewa Qur’ani hawamsujudii Mwenyezi Mungu wala hawajisalimishi kufuata yaliyokuja ndani yake?
84:22Juzuu 30 · uk. 589
بَلِ الَّذِينَ كَفَرُوا يُكَذِّبُونَ22
Hakika tabia ya waliokufuru ni kuikanusha na kuikataa haki.
84:23Juzuu 30 · uk. 589
وَاللَّهُ أَعْلَمُ بِمَا يُوعُونَ23
Na Mwenyezi Mungu ni Mjuzi zaidi wa ukaidi wao wanaouficha kwenye nyoyo zao hali wao wanajua kuwa yale yaliyoletwa na Qur’ani ni kweli.
84:24Juzuu 30 · uk. 589
فَبَشِّرْهُمْ بِعَذَابٍ أَلِيمٍ24
Basi wape bishara, ewe Mtume, kuwa Mwenyezi Mungu, Aliyetukuka na kuwa juu, Amewaandalia adhabu yenye uchungu.
84:25Juzuu 30 · uk. 590
إِلَّا الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ25
Lakini wale wanaomuamini Mwenyezi Mungu na Mtume wake na wakatekeleza amri waliyofaradhiwa na Mwenyezi Mungu watakuwa na malipo, Siku ya Akhera, yasiyokatika wala kupungua.