86:1Juzuu 30 · uk. 591
وَالسَّمَاءِ وَالطَّارِقِ1
Mwenyezi Mungu Anaapa kwa mbingu na nyota yenye kuchomoza usiku.
At-Tariq
سورة الطارق
Sura 86 · Makki · 17 aya
86:2Juzuu 30 · uk. 591
وَمَا أَدْرَاكَ مَا الطَّارِقُ2
Na ni lipi lilokujulisha ni ukubwa gani wa nyota hiyo?
86:3Juzuu 30 · uk. 591
النَّجْمُ الثَّاقِبُ3
Hiyo ni nyota ing’arao na kuzagaa.
86:4Juzuu 30 · uk. 591
إِنْ كُلُّ نَفْسٍ لَمَّا عَلَيْهَا حَافِظٌ4
Hakuna nafsi yoyote isipokuwa amewakilishwa kwayo Malaika mwenye kuchunguza na kusjili amali zake ili ihesabiwe Siku ya Kiyama.
86:5Juzuu 30 · uk. 591
فَلْيَنْظُرِ الْإِنْسَانُ مِمَّ خُلِقَ5
Basi aangalie binadamu mwenye kukanusha kufufuliwa ameumbwa kwa kitu gani? Ili ajue kuwa kurudisha umbo lake mara ya pili si vigumu kama kuumbwa mara ya kwanza.
86:6Juzuu 30 · uk. 591
خُلِقَ مِنْ مَاءٍ دَافِقٍ6
Aliumbwa kwa manii yenye kupenyeza ndani ya uzao kwa haraka.
86:7Juzuu 30 · uk. 591
يَخْرُجُ مِنْ بَيْنِ الصُّلْبِ وَالتَّرَائِبِ7
Yatokayo kwenye mgongo wa mwnamume na kifua cha mwanamke.
86:8Juzuu 30 · uk. 591
إِنَّهُ عَلَىٰ رَجْعِهِ لَقَادِرٌ8
Hakika yule Aliyemuumba binadamu kwa maji haya ni muweza wa kumrudisha kwenye uhai baada ya kufa.
86:9Juzuu 30 · uk. 591
يَوْمَ تُبْلَى السَّرَائِرُ9
Siku zitakapofunuliwa wazi siri ziliofichwa na nafsi na kupambanuliwa njema na mbovu.
86:10Juzuu 30 · uk. 591
فَمَا لَهُ مِنْ قُوَّةٍ وَلَا نَاصِرٍ10
Binadamu hatakuwa na nguvu ya kuitetea nafsi yake wala hatakuwa na mtetezi wa kumwepushia adhabu ya Mwenyezi Mungu.
86:11Juzuu 30 · uk. 591
وَالسَّمَاءِ ذَاتِ الرَّجْعِ11
Na Anaapa kwa mbingu yenye mvua ya kukaririka.
86:12Juzuu 30 · uk. 591
وَالْأَرْضِ ذَاتِ الصَّدْعِ12
Na ardhi yenye pasuko za kufanya mimea ichipuke.
86:13Juzuu 30 · uk. 591
إِنَّهُ لَقَوْلٌ فَصْلٌ13
Hakika Qur’ani ni neno lenye kupambanua baina ya haki na batili.
86:14Juzuu 30 · uk. 591
وَمَا هُوَ بِالْهَزْلِ14
Na si upuuzi. Haifai kiumbe kuapa kwa asiyekuwa Mwenyezi Mungu. Akifanya hivyo atakuwa amemshirikisha Mwenyezi Mungu.
86:15Juzuu 30 · uk. 591
إِنَّهُمْ يَكِيدُونَ كَيْدًا15
Hakika wenye kumkanusha Mtume, rehema ya Mwenyezi Mungu na amani zimshukie, na Qur’ani wanafanya vitimbi na mipango ili kuipinga haki na kuitilia nguvu batili.
86:16Juzuu 30 · uk. 591
وَأَكِيدُ كَيْدًا16
Na Mimi nafanya vitimbi kuidhihirisha haki ingawa makafiri wanatukia.Usiwe na haraka nao, ewe Mtume, kutaka wateremshiwe adhabu.
86:17Juzuu 30 · uk. 591
فَمَهِّلِ الْكَافِرِينَ أَمْهِلْهُمْ رُوَيْدًا17
Wape muhula uwangojee muda mchache wala usiwafanyie haraka, utaona adhabu itakayowafikia, mateso na maangamivu.