82:1Juzuu 30 · uk. 587
إِذَا السَّمَاءُ انْفَطَرَتْ1
Pindi mbingu zitakapopasuka na ukaharibika mpango wake.
Al-Infitar
سورة الإنفطار
Sura 82 · Makki · 19 aya
82:2Juzuu 30 · uk. 587
وَإِذَا الْكَوَاكِبُ انْتَثَرَتْ2
Na pindi nyota zitakapoangukiana.
82:3Juzuu 30 · uk. 587
وَإِذَا الْبِحَارُ فُجِّرَتْ3
Na pindi Mwenyezi Mungu Atakapozifanya bahari kulipuka na maji yake kutoweka.
82:4Juzuu 30 · uk. 587
وَإِذَا الْقُبُورُ بُعْثِرَتْ4
Na pindi makaburi yatakapogeuzwa kwa kufufuliwa waliokuwamo ndani yake.
82:5Juzuu 30 · uk. 587
عَلِمَتْ نَفْسٌ مَا قَدَّمَتْ وَأَخَّرَتْ5
Wakati huo itajua kila nafsi vitendo vyake vyote ilivyovifanya, vilivyotangulia na vilivyoahirika na italipwa kwa vitendo hivyo.
82:6Juzuu 30 · uk. 587
يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ6
Ewe binadamu unayekanusha kufufuliwa! Ni kipi kilichokufanya uhadaike na ughurike kuhusu Mola wako Mpaji Mwenye kheri nyingi, Anayestahiki kushukuriwa na kutiiwa?
82:7Juzuu 30 · uk. 587
الَّذِي خَلَقَكَ فَسَوَّاكَ فَعَدَلَكَ7
Kwani si Yeye Aliyekuumba, Akalisawazisha umbo lako, Akakuweka katika hali ya sawa na Akakurekibisha ili uweze kutekeleza nyadhifa zako,
82:8Juzuu 30 · uk. 587
فِي أَيِّ صُورَةٍ مَا شَاءَ رَكَّبَكَ8
katika sura yoyote ile Aliyoitaka Akakuumba?
82:9Juzuu 30 · uk. 587
كَلَّا بَلْ تُكَذِّبُونَ بِالدِّينِ9
Mambo hayako kama vile mnavyosema kwamba nyinyi mna haki ya kumuabudu asiyekuwa Mwenyezi Mungu. Bali nyinyi mnaikanusha Siku ya Hesabu na Malipo.
82:10Juzuu 30 · uk. 587
وَإِنَّ عَلَيْكُمْ لَحَافِظِينَ10
Na mjue kuwa wako na nyinyi Malaika wachunguzi,
82:11Juzuu 30 · uk. 587
كِرَامًا كَاتِبِينَ11
watukufu kwa Mwenyezi Mungu, waandishi wa yale waliyowakilishwa kuyadhibiti. Hakiwapiti, katika vitendo vyenu na siri zenu, chochote.
82:12Juzuu 30 · uk. 587
يَعْلَمُونَ مَا تَفْعَلُونَ12
Wanayajua mnayoyafanya, ya kheri au ya shari.
82:13Juzuu 30 · uk. 587
إِنَّ الْأَبْرَارَ لَفِي نَعِيمٍ13
Hakika wachamungu wanaotekeleza haki za Mwenyezi Mungu na haki za waja wake watakuwa kwenye neema.
82:14Juzuu 30 · uk. 587
وَإِنَّ الْفُجَّارَ لَفِي جَحِيمٍ14
Hakika watu waovu waliopuuza haki za Mwenyezi Mungu na haki za waja wake watakuwa katika Moto mkali.
82:15Juzuu 30 · uk. 587
يَصْلَوْنَهَا يَوْمَ الدِّينِ15
Ukali wake, Moto huo, utawapata Siku ya Malipo.Na wala wao hawatakuwa ni wenye kughibu,
82:16Juzuu 30 · uk. 587
وَمَا هُمْ عَنْهَا بِغَائِبِينَ16
wakawa hawamo ndani ya Moto wa Jahanamu, si kwa kutoka wala kwa kufa.
82:17Juzuu 30 · uk. 587
وَمَا أَدْرَاكَ مَا يَوْمُ الدِّينِ17
Ni kipi kinachokujuza ni upi utukufu wa Siku ya Hesabu?
82:18Juzuu 30 · uk. 587
ثُمَّ مَا أَدْرَاكَ مَا يَوْمُ الدِّينِ18
Kisha ni kipi kinachokujuza ni upi utukufu wa Siku ya Hesabu?
82:19Juzuu 30 · uk. 587
يَوْمَ لَا تَمْلِكُ نَفْسٌ لِنَفْسٍ شَيْئًا ۖ وَالْأَمْرُ يَوْمَئِذٍ لِلَّهِ19
Siku ya Hesabu, hataweza yoyote kumnufaisha yoyote. Na amri zote Siku Hiyo ni za Mwenyezi Mungu Peke yake Ambaye hakuna mwenye kumshinda, wala hakuna mwenye kumtendesha nguvu, wala hakuna mwenye kushindana na Yeye.