75:1Juzuu 29 · uk. 577
لَا أُقْسِمُ بِيَوْمِ الْقِيَامَةِ1
Anaapa Mwenyezi Mungu kwa Siku ya Hesabu na Malipo,
Al-Qiyamah
سورة القيامة
Sura 75 · Makki · 40 aya
75:2Juzuu 29 · uk. 577
وَلَا أُقْسِمُ بِالنَّفْسِ اللَّوَّامَةِ2
na Anaapa kwa nafsi yenye kuamini na kuchamungu, inayomlaumu mwenyewe kwa kuacha matendo ya utiifu na kufanya matendo yenye kuangamiza, kwamba watu watafufuliwa.
75:3Juzuu 29 · uk. 577
أَيَحْسَبُ الْإِنْسَانُ أَلَّنْ نَجْمَعَ عِظَامَهُ3
Je anadhanihuyu binadamu kafiri kuwa sisi hatutaweza kuikusanya mifupa yake baada ya kuwa mbalimbali.?
75:4Juzuu 29 · uk. 577
بَلَىٰ قَادِرِينَ عَلَىٰ أَنْ نُسَوِّيَ بَنَانَهُ4
Ndio! Tutaikusanya na tunaweza kufanya vidole vyake au ncha za vidole vyake- baada ya kuvikusanya na kuzioanisha- viwe kwenye umbo la sawasawa, kama vilivyokuwa kabla ya kufa.
75:5Juzuu 29 · uk. 577
بَلْ يُرِيدُ الْإِنْسَانُ لِيَفْجُرَ أَمَامَهُ5
Bali binadamu anakanusha kufufuliwa, anataka asalie kwenye kufanya ubaya kwa siku za mbeleni za maisha yake.
75:6Juzuu 29 · uk. 577
يَسْأَلُ أَيَّانَ يَوْمُ الْقِيَامَةِ6
Kafiri huyu huwa akiuliza, akiliona jambo la kusimama Kiyama kuwa liko mbali, «Ni lini Siku ya Kiyama?’
75:7Juzuu 29 · uk. 577
فَإِذَا بَرِقَ الْبَصَرُ7
Basi macho yatakapoduwaa na yakashituka kwa kutishika na kile yalichokiona cha vituko vya Siku ya Kiyama,
75:8Juzuu 29 · uk. 577
وَخَسَفَ الْقَمَرُ8
na ukafutika mwangaza wa mwezi,
75:9Juzuu 29 · uk. 577
وَجُمِعَ الشَّمْسُ وَالْقَمَرُ9
na vikakusanywa jua na mwezi katika kukosa mwangaza, kikawa kila mojawapo ya hivyo viwili hakina mwangaza,
75:10Juzuu 29 · uk. 577
يَقُولُ الْإِنْسَانُ يَوْمَئِذٍ أَيْنَ الْمَفَرُّ10
wakati huo binadamu atasema, «Pa kukimbilia ni wapi kuiepuka adhabu?»
75:11Juzuu 29 · uk. 577
كَلَّا لَا وَزَرَ11
Mambo sivyo kama unavyotamani yawe, ewe binadamu, ya kutaka kukimbia. Huna mahali pa kukimbilia wala pa kupata uokozinfsi yake.
75:12Juzuu 29 · uk. 577
إِلَىٰ رَبِّكَ يَوْمَئِذٍ الْمُسْتَقَرُّ12
Kwa Mwenyezi Mungu Peke Yake ndio mwisho wa viumbe Siku ya Kiyama na ndipo mahali pao pa kutulia, na hapo Amlipe kila mtu kwa kile alichostahiki.
75:13Juzuu 29 · uk. 577
يُنَبَّأُ الْإِنْسَانُ يَوْمَئِذٍ بِمَا قَدَّمَ وَأَخَّرَ13
Atapashwa habari binadamu Siku hiyo kwa matendo yake yote, mema na mabaya, aliyoyatanguliza miongoni mwa hayo katika maisha yake na aliyoyachelewesha.
75:14Juzuu 29 · uk. 577
بَلِ الْإِنْسَانُ عَلَىٰ نَفْسِهِ بَصِيرَةٌ14
Bali binadamu ni hoja iliyo wazi juu ya nafsi yake, yenye kumfuata kwa alichokitenda na alichokiacha,
75:15Juzuu 29 · uk. 577
وَلَوْ أَلْقَىٰ مَعَاذِيرَهُ15
hata kama atakuja na kila udhuru wa kuelezea sababu ya uhalifu wake, hilo halitamfaa.
75:16Juzuu 29 · uk. 577
لَا تُحَرِّكْ بِهِ لِسَانَكَ لِتَعْجَلَ بِهِ16
Usitikise, ewe Nabii, ulimi wako kwa Qur’ani wakati wahyi unapoteremka ili ufanye haraka kuihifadhi kwa kuogopa isikuponyoke.
75:17Juzuu 29 · uk. 577
إِنَّ عَلَيْنَا جَمْعَهُ وَقُرْآنَهُ17
Kwani ni juu yetu sisi kuikusanya kwenye kifua chako kisha uisome kwa ulimi wako wakati utakapo. Mjumbe wetu Jibrili akikusomea,
75:18Juzuu 29 · uk. 577
فَإِذَا قَرَأْنَاهُ فَاتَّبِعْ قُرْآنَهُ18
basi kisikilize kisomo chake na umpulikize. Kisha isome kama alivyokusomea,
75:19Juzuu 29 · uk. 577
ثُمَّ إِنَّ عَلَيْنَا بَيَانَهُ19
kisha ni juu yetu kukuelezea kilichokutatiza kukifahamu katika maana yake na hukumu zake.
75:20Juzuu 29 · uk. 578
كَلَّا بَلْ تُحِبُّونَ الْعَاجِلَةَ20
Mambo sivyo kama mlivyodai, enyi mkusanyiko wa washirikina, kuwa hakuna kufufuliwa wala kulipwa.
75:21Juzuu 29 · uk. 578
وَتَذَرُونَ الْآخِرَةَ21
Bali nyinyi ni watu mnaopenda dunia na pambo lake na mnaacha Akhera na starehe zake.
75:22Juzuu 29 · uk. 578
وُجُوهٌ يَوْمَئِذٍ نَاضِرَةٌ22
Nyuso za watu wema Siku ya Kiyama zitakuwa ni zenye kung’ara, nzuri na zenye furaha,
75:23Juzuu 29 · uk. 578
إِلَىٰ رَبِّهَا نَاظِرَةٌ23
zitamuona Mola Aliyeziumba na Anayezimiliki, na zitastarehe kwa hilo.
75:24Juzuu 29 · uk. 578
وَوُجُوهٌ يَوْمَئِذٍ بَاسِرَةٌ24
Nyuso za watu wabaya Silku ya Kiyama zitakuwa ni zenye kukunjana na kusinyaa,
75:25Juzuu 29 · uk. 578
تَظُنُّ أَنْ يُفْعَلَ بِهَا فَاقِرَةٌ25
zinatazamia kushukiwa na msiba mkubwa wenye kuvunja.
75:26Juzuu 29 · uk. 578
كَلَّا إِذَا بَلَغَتِ التَّرَاقِيَ26
Ni kweli! Pindi roho itakapofika sehemu za juu za kifua,
75:27Juzuu 29 · uk. 578
وَقِيلَ مَنْ ۜ رَاقٍ27
na wakasema baadhi ya waliohudhuria kuwaambia wengine, «Je kuna mtu wa kumzungua na kumpoza kutokana na hali hii aliyonayo?»
75:28Juzuu 29 · uk. 578
وَظَنَّ أَنَّهُ الْفِرَاقُ28
Na yule ambaye yuko katika hali ya kufa akajua kwamba lile lililomshukia ni kuaga dunia, kwa kuwa anawaona Malaika wa mauti.
75:29Juzuu 29 · uk. 578
وَالْتَفَّتِ السَّاقُ بِالسَّاقِ29
Na ikashikana shida ya mwisho wa duniani na shida ya mwanzo wa Akhera. Kwa Mwenyezi Mungu, Aliyetukuka.
75:30Juzuu 29 · uk. 578
إِلَىٰ رَبِّكَ يَوْمَئِذٍ الْمَسَاقُ30
Watu watapelekwa Siku ya Kiyama: ima Peponi au Motoni.
75:31Juzuu 29 · uk. 578
فَلَا صَدَّقَ وَلَا صَلَّىٰ31
Hakuwa kafiri ni mwenye kumuamini Mtume na Qur’ani, wala hakuwa ni mwenye kumtekelezea Mwenyezi Mungu Aliyetukuka Swala za faradhi.
75:32Juzuu 29 · uk. 578
وَلَٰكِنْ كَذَّبَ وَتَوَلَّىٰ32
Lakini aliikanusha Qur’ani na akaipa mgongo Imani,
75:33Juzuu 29 · uk. 578
ثُمَّ ذَهَبَ إِلَىٰ أَهْلِهِ يَتَمَطَّىٰ33
kisha akaenda kwa watu wake akijiona hali ya kujigamba katika kutembea kwake. Basi maangamivu
75:34Juzuu 29 · uk. 578
أَوْلَىٰ لَكَ فَأَوْلَىٰ34
ni yako baada ya maangamivu!
75:35Juzuu 29 · uk. 578
ثُمَّ أَوْلَىٰ لَكَ فَأَوْلَىٰ35
Kisha maangamivu ni yako baada ya maangamivu!
75:36Juzuu 29 · uk. 578
أَيَحْسَبُ الْإِنْسَانُ أَنْ يُتْرَكَ سُدًى36
Je anadhani huyu binadamu anayekanusha kufufuliwa kuwa ataachwa bure: haamrishwi wala hakatazwi, hahesabiwi wala hateswi?
75:37Juzuu 29 · uk. 578
أَلَمْ يَكُ نُطْفَةً مِنْ مَنِيٍّ يُمْنَىٰ37
Kwani hakuwa binadamu huyu ni tone la manii dhaifu linalotokana na maji matwevu yanayomwagwa na kumiminwa kwenye kizazi,
75:38Juzuu 29 · uk. 578
ثُمَّ كَانَ عَلَقَةً فَخَلَقَ فَسَوَّىٰ38
kisha yakawa ni kipande cha damu iliyo kavu. Mwenyezi Mungu Akaliumba kwa uweza Wake na Akazilinganisha sura zake katika umbo la mwili lililo zuri kabisa?
75:39Juzuu 29 · uk. 578
فَجَعَلَ مِنْهُ الزَّوْجَيْنِ الذَّكَرَ وَالْأُنْثَىٰ39
Akafanya kutokana na binadamu huyu jinsi mbili: ya kiume na ya kike. Je kwani hakuwa Mola huyo Muumba wa vitu hivyo ni Muweza wa kuwarudisha viumbe wakiwa hai baada ya kutoweka kwao.
75:40Juzuu 29 · uk. 578
أَلَيْسَ ذَٰلِكَ بِقَادِرٍ عَلَىٰ أَنْ يُحْيِيَ الْمَوْتَىٰ40
Ndio! Anaweza. Yeye, kutakasika na sifa za upungufu ni Kwake, kwa hakika ni Muweza wa hilo.