85:1Juzuu 30 · uk. 590
وَالسَّمَاءِ ذَاتِ الْبُرُوجِ1
Mwenyezi Mungu Anaapa kwa mbingu zenye njia za kupitia jua na mwezi.
Al-Buruj
سورة البروج
Sura 85 · Makki · 22 aya
85:2Juzuu 30 · uk. 590
وَالْيَوْمِ الْمَوْعُودِ2
Na kwa Siku ya Kiyama ambayo Amewaahidi viumbe kuwa Atawakusanya.
85:3Juzuu 30 · uk. 590
وَشَاهِدٍ وَمَشْهُودٍ3
Na kwa shahidi, mwenye kutoa ushahidi, na mwenye kutolewa ushahidi juu yake. Mwenyezi Mungu Huapa kwa Anachokitaka. Lakini kiumbe hafai kuapa kwa asiyekuwa Mwenyezi Mungu. Kuapa kwa asiyekuwa Mwenyezi Mungu ni ushirikina.
85:4Juzuu 30 · uk. 590
قُتِلَ أَصْحَابُ الْأُخْدُودِ4
Wamelaaniwa waliofukua chini ya ardhi shimo kubwa ili kuwatesa Waumini.
85:5Juzuu 30 · uk. 590
النَّارِ ذَاتِ الْوَقُودِ5
Wakawasha moto mkubwa wenye kuni nyingi.
85:6Juzuu 30 · uk. 590
إِذْ هُمْ عَلَيْهَا قُعُودٌ6
Wakawa wamekaa kwenye kingo za shimo hilo.
85:7Juzuu 30 · uk. 590
وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ7
Wakishuhudia vitendo vya mateso na adhabu wanavyowafanyia Waumini.
85:8Juzuu 30 · uk. 590
وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ8
Na hawakuwatesa mateso hayo isipokuwa wenye kuteswa walikuwa wanamuamini Mwenyezi Mungu Mshindi Asiyeshindwa, Mhimidiwa wa maneno Yake vitendo Vyake na sifa Zake.
85:9Juzuu 30 · uk. 590
الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ9
Mwenye ufalme wa mbingu na ardhi Ambaye, kutakasika na sifa za upungufu ni kwake, Anashuhudia kila kitu, hakuna kinachofichika kwake.
85:10Juzuu 30 · uk. 590
إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ10
Hakika, wale waliowachoma kwa moto Waumini, wa kike na wa kiume, ili kuwazuia watu na dini ya Mwenyezi Mungu, kisha wasitubie, watapata, Siku ya Akhera, adhabu ya Jahanamu na watapata adhabu kali yenye kuchoma.
85:11Juzuu 30 · uk. 590
إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِنْ تَحْتِهَا الْأَنْهَارُ ۚ ذَٰلِكَ الْفَوْزُ الْكَبِيرُ11
Wale waliomuamini Mwenyezi Mungu na Mtume Wake na wakafanya amali njema, watapata Pepo ambayo chini ya majumba yake ya kifahari yapita mito. Huko ni kufaulu kukubwa.
85:12Juzuu 30 · uk. 590
إِنَّ بَطْشَ رَبِّكَ لَشَدِيدٌ12
Hakika malipizo ya Mola wako kwa maadui Zake na mateso Yake juu yao ni mazito.
85:13Juzuu 30 · uk. 590
إِنَّهُ هُوَ يُبْدِئُ وَيُعِيدُ13
Ndiye Yeye Mwenye kuanzisha kuumba na kisha kurudisha.
85:14Juzuu 30 · uk. 590
وَهُوَ الْغَفُورُ الْوَدُودُ14
Ndiye Yeye Mwingi wa kusamehe kwa wenye kutubia, Mwingi wa mapenzi kwa wanaoikurubisha kwake.
85:15Juzuu 30 · uk. 590
ذُو الْعَرْشِ الْمَجِيدُ15
Mwenye Arshi tukufu.
85:16Juzuu 30 · uk. 590
فَعَّالٌ لِمَا يُرِيدُ16
Mfanya Alitakalo: hakuna kitu Anachotaka kiwe kisiwe.
85:17Juzuu 30 · uk. 590
هَلْ أَتَاكَ حَدِيثُ الْجُنُودِ17
Je, ewe Mtume, imekufikia habari ya makundi yaliyokufuru na kukanusha Mitume walioletwa, ya
85:18Juzuu 30 · uk. 590
فِرْعَوْنَ وَثَمُودَ18
Firauni na Thamūd, misiba na adhabu iliyowashukia? Hawakuzingatia kwa habari hiyo.
85:19Juzuu 30 · uk. 590
بَلِ الَّذِينَ كَفَرُوا فِي تَكْذِيبٍ19
Bali waliokufuru waendelea kukanusha kwao, kama walivyokuwa waliokuja kabla yao.
85:20Juzuu 30 · uk. 590
وَاللَّهُ مِنْ وَرَائِهِمْ مُحِيطٌ20
Na Mwenyezi Mungu Amewazunguka kwa Ujuzi na Uweza Wake, hakuna chenye kufichika Kwake kuhusu wao na vitendo vyao. Hii Qu’ani siyo kama wanavyodai wenye kukanusha katika washirikina kuwa ni mashairi na uchawi ndipo wakaikanusha.
85:21Juzuu 30 · uk. 590
بَلْ هُوَ قُرْآنٌ مَجِيدٌ21
Bali hii ni Qur’ani kubwa iliyo tukufu,
85:22Juzuu 30 · uk. 590
فِي لَوْحٍ مَحْفُوظٍ22
iliyomo kwenye Ubao Uliohifadhiwa, haufikiwi na kubadilishwa wala kupotoshwa.