74:1Juzuu 29 · uk. 575
يَا أَيُّهَا الْمُدَّثِّرُ1
Ewe uliojifinika nguo zako!
Al-Muddaththir
سورة المدثر
Sura 74 · Makki · 56 aya
74:2Juzuu 29 · uk. 575
قُمْ فَأَنْذِرْ2
Inuka kutoka kwenye malazi yako owaonye watu adhabu ya Menyezi Mungu.
74:3Juzuu 29 · uk. 575
وَرَبَّكَ فَكَبِّرْ3
Na umkusudie Mola wako, Peke Yake, kwa kumtukuza, kumpwekesha na kumuabudu.
74:4Juzuu 29 · uk. 575
وَثِيَابَكَ فَطَهِّرْ4
Na usafishe nguo zako kutokana na najisi, kwani usafi wa nje ni katika kutimia usafi wa ndani.
74:5Juzuu 29 · uk. 575
وَالرُّجْزَ فَاهْجُرْ5
Na uendelee daima kuyaepuka masanamu na mizimu, na matendo ya ushirikina yote usiyakaribie.
74:6Juzuu 29 · uk. 575
وَلَا تَمْنُنْ تَسْتَكْثِرُ6
Na usitoe kitu kumpa mtu kwa lengo la kupata zaidi ya hiko. Na kwa ajili ya kupata radhi ya Mwenyezi Mungu,
74:7Juzuu 29 · uk. 575
وَلِرَبِّكَ فَاصْبِرْ7
vumilia juu ya maamrisho na makatazo.
74:8Juzuu 29 · uk. 575
فَإِذَا نُقِرَ فِي النَّاقُورِ8
Pindi patakapopulizwa kwenye barugumu mpulizo wa Ufufuzi na Uenezaji,
74:9Juzuu 29 · uk. 575
فَذَٰلِكَ يَوْمَئِذٍ يَوْمٌ عَسِيرٌ9
wakati huo ni wakati ambao ni mgumu kwa makafiri;
74:10Juzuu 29 · uk. 575
عَلَى الْكَافِرِينَ غَيْرُ يَسِيرٍ10
si rahisi kwao kusalimika na yale walionayo ya kujadiliwa hesabu zao na vituko vingine vikubwa.
74:11Juzuu 29 · uk. 575
ذَرْنِي وَمَنْ خَلَقْتُ وَحِيدًا11
Niache mimi, ewe Mtume, na huyu niliyemuumba ndani ya tumbo la mamake akiwa peke yake, hana mali wala watoto.
74:12Juzuu 29 · uk. 575
وَجَعَلْتُ لَهُ مَالًا مَمْدُودًا12
Nikamfanya awe na mali mengi yenye kuenea na watoto waliyoko na yeye hapo Makkah hawamuondokei. Na
74:13Juzuu 29 · uk. 575
وَبَنِينَ شُهُودًا13
nikamsahilishia kwa kumrahisishia njia za maisha. Kisha yeye anatarajia, baada ya vitu hivi alivyopewa,
74:14Juzuu 29 · uk. 575
وَمَهَّدْتُ لَهُ تَمْهِيدًا14
nimuongezee kwenye mali yake na watoto wake na huku yeye amenikanusha. Mambo sivyo kama anavyodai huyu mwenye kuasi, mtenda dhambi.
74:15Juzuu 29 · uk. 575
ثُمَّ يَطْمَعُ أَنْ أَزِيدَ15
Simuongezei zaidi ya hiko nilichompa,
74:16Juzuu 29 · uk. 575
كَلَّا ۖ إِنَّهُ كَانَ لِآيَاتِنَا عَنِيدًا16
kwa kuwa yeye alikuwa mshindani mkanushaji wa Qur’ani na hoja za Mwenyezi Mungu kwa viumbe Wake.
74:17Juzuu 29 · uk. 575
سَأُرْهِقُهُ صَعُودًا17
Nitambebesha mateso magumu na usumbufu usio na mapumziko. Anayekusudiwa hapa ni Al-Walid mwana wa Al-Mughi rah aliyekuwa akishindana na haki na akijitokeza kupigana vita na Mwenyezi Mungu na Mtume Wake. Haya ndiyo malipo ya kila mwenye kushindana na haki na kuipiga vita.
74:18Juzuu 29 · uk. 575
إِنَّهُ فَكَّرَ وَقَدَّرَ18
Kwa kweli yeye aliwaza ndani ya nafsi yake akatayarisha la kusema kumtukana Mtume, rehema ya Mwenyezi Mungu na amani zimshukie, na Qur’ani.
74:19Juzuu 29 · uk. 576
فَقُتِلَ كَيْفَ قَدَّرَ19
Hivyo basi akalaaniwa na akastahili, kwa hilo, maangamivu: alijiandaa vipi ndani ya nafsi yake kwa hayo matukano?
74:20Juzuu 29 · uk. 576
ثُمَّ قُتِلَ كَيْفَ قَدَّرَ20
Kisha pia akalaaniwa.
74:21Juzuu 29 · uk. 576
ثُمَّ نَظَرَ21
Kisha yeye alifikiria kuhusu kile alichokipanga na kukitayarisha cha kuitia dosari Qur’ani.
74:22Juzuu 29 · uk. 576
ثُمَّ عَبَسَ وَبَسَرَ22
Kisha akafinya uso wake na akazidi katika hali ile ya ukunjaji uso kwa kukosa hila za kufanya na kutopata ila yoyote ya kuitia dosari Qur’ani.
74:23Juzuu 29 · uk. 576
ثُمَّ أَدْبَرَ وَاسْتَكْبَرَ23
Kisha akarudi kuipa mgongo haki na akajiona ni mkubwa wa kutofaa kuikubali,
74:24Juzuu 29 · uk. 576
فَقَالَ إِنْ هَٰذَا إِلَّا سِحْرٌ يُؤْثَرُ24
hapo akasema kuhusu Qur’ani, «Haya anayoyasema Muhammad si chochote isipokuwa ni uchawi uliopokewa kutoka kwa watu wa mwanzo waliopita.
74:25Juzuu 29 · uk. 576
إِنْ هَٰذَا إِلَّا قَوْلُ الْبَشَرِ25
Haikuwa hi Qur’ani isipokuwa ni maneno ya viumbe ambayo Muhammad amejifunza kutoka kwao kisha akadai kuwa yanatoka kwa Mwenyezi Mungu.»
74:26Juzuu 29 · uk. 576
سَأُصْلِيهِ سَقَرَ26
Basi nitamuingiza kwenye moto wa Jahanamu ili alionje joto lake na achomeke kwa moto wake.
74:27Juzuu 29 · uk. 576
وَمَا أَدْرَاكَ مَا سَقَرُ27
Na ni lipi lililokujulisha wewe ni kitu gani hiyo Jahanamu?
74:28Juzuu 29 · uk. 576
لَا تُبْقِي وَلَا تَذَرُ28
Haibakishi nyama wala haiachi mfupa isipokuwa huvichoma.
74:29Juzuu 29 · uk. 576
لَوَّاحَةٌ لِلْبَشَرِ29
Unageuza ngozi ya mwili, unazifanya ngozi kuwa nyeusi na unazichoma.
74:30Juzuu 29 · uk. 576
عَلَيْهَا تِسْعَةَ عَشَرَ30
Wanasimamia mambo yake na kushikilia kazi ya kuwatesa watu wake Malaika kumi na tisa katika washika zamu wa Motoni wenye nguvu.
74:31Juzuu 29 · uk. 576
وَمَا جَعَلْنَا أَصْحَابَ النَّارِ إِلَّا مَلَائِكَةً ۙ وَمَا جَعَلْنَا عِدَّتَهُمْ إِلَّا فِتْنَةً لِلَّذِينَ كَفَرُوا لِيَسْتَيْقِنَ الَّذِينَ أُوتُوا الْكِتَابَ وَيَزْدَادَ الَّذِينَ آمَنُوا إِيمَانًا ۙ وَلَا يَرْتَابَ الَّذِينَ أُوتُوا الْكِتَابَ وَالْمُؤْمِنُونَ ۙ وَلِيَقُولَ الَّذِينَ فِي قُلُوبِهِمْ مَرَضٌ وَالْكَافِرُونَ مَاذَا أَرَادَ اللَّهُ بِهَٰذَا مَثَلًا ۚ كَذَٰلِكَ يُضِلُّ اللَّهُ مَنْ يَشَاءُ وَيَهْدِي مَنْ يَشَاءُ ۚ وَمَا يَعْلَمُ جُنُودَ رَبِّكَ إِلَّا هُوَ ۚ وَمَا هِيَ إِلَّا ذِكْرَىٰ لِلْبَشَرِ31
Na hatukuwafanya washika hazina wa Motoni isipokuwa miongoni mwa Malaika washupavu. Na hatukuiweka idadi hiyo isipokuwa kuwatahini wale waliomkufuru Mwenyezi Mungu, na ili imani ya yakini ipatikane kwa wale Mayahudi na Wanaswara waliopewa Vitabu kwamba yaliyokuja ndani ya Qur’ani juu ya washika hazina wa Motoni ni ukweli utokao kwa Mwenyezi Mungu Aliyetukuka, kwani hayo yanaafikiana na vitabu vyao, na ili Waumini wazidi kumuamini Mwenyezi Mungu na Mtume Wake na waifuate Sheria Yake kivitendo, na ili wasilifanyie shaka hilo wale Mayahudi na Wanaswara waliopewa Vitabu wala wale wenye kumuamini Mwenyezi Mungu na Mtume Wake, na ili wapate kusema wale wenye unafiki ndani ya nyoyo zao na makafiri, «Ni lipi alilolikusudia Mwenyezi Mungu kwa idadi hii ya ajabu?» Kwa mfano wa hayo yaliyotajwa, Mwenyezi Mungu Anampoteza Anayetaka kumpoteza na Anamuongoza Anayetaka kumuongoza. Na hakuna ajuwaye idadi ya askari wa Mola wako, na miongoni mwao ni Malaika, isipokuwa Mwenyezi Mungu Peke Yake. Na haukuwa huu Moto isipokuwa ni ukumbusho na mazingatio kwa watu.
74:32Juzuu 29 · uk. 576
كَلَّا وَالْقَمَرِ32
Mambo sivyo kama walivyotaja ya ukanushaji Mtume katika yale aliyokuja nayo! Anaapa Mwenyezi Mungu, Aliyetakasika na kila sifa ya upungufu, kwa mwezi,
74:33Juzuu 29 · uk. 576
وَاللَّيْلِ إِذْ أَدْبَرَ33
na kwa usiku unapogeuka kwenda zake,
74:34Juzuu 29 · uk. 576
وَالصُّبْحِ إِذَا أَسْفَرَ34
na kwa asubuhi inapotoa mwangaza na kufunuka,
74:35Juzuu 29 · uk. 576
إِنَّهَا لَإِحْدَى الْكُبَرِ35
hakika Moto ni mojawapo ya mambo makubwa,
74:36Juzuu 29 · uk. 576
نَذِيرًا لِلْبَشَرِ36
kwa ajili ya kuwaonya na kuwatisha watu,
74:37Juzuu 29 · uk. 576
لِمَنْ شَاءَ مِنْكُمْ أَنْ يَتَقَدَّمَ أَوْ يَتَأَخَّرَ37
kwa anayetaka miongoni mwenu kujiweka karibu na Mola wake kwa kufanya matendo ya utiifu, au kujikalisha nyuma kwa kufanya matendo ya uasi.
74:38Juzuu 29 · uk. 576
كُلُّ نَفْسٍ بِمَا كَسَبَتْ رَهِينَةٌ38
Kila nafsi imefungwa na kuwekwa rahani kwa ilichokitenda, miongoni mwa matendo mema au mabaya, kwa kukichuma. Haifunguliwi mpaka itekeleze haki zilizo juu ya lazima yake na ipatiwe mateso yanayostahili kupatiwa.
74:39Juzuu 29 · uk. 576
إِلَّا أَصْحَابَ الْيَمِينِ39
Isipokuwa Waislamu waliotakaswa, watu wa upande wa kulia waliojikomboa shingo zao kwa utiifu.
74:40Juzuu 29 · uk. 576
فِي جَنَّاتٍ يَتَسَاءَلُونَ40
Wao watakuwa kwenye mabustani ya Peponi ambayo sifa zake hazifikiwi ukomo. Watakuwa wakiulizana wao kwa wao
74:41Juzuu 29 · uk. 576
عَنِ الْمُجْرِمِينَ41
kuhusu makafiri waliojikosea nafsi zao,
74:42Juzuu 29 · uk. 576
مَا سَلَكَكُمْ فِي سَقَرَ42
«Ni lipi lililowaingiza kwenye moto wa Jahanamu na likawafanya
74:43Juzuu 29 · uk. 576
قَالُوا لَمْ نَكُ مِنَ الْمُصَلِّينَ43
mlionje joto lake lililo kali sana?» Wahalifu waseme , «Hatukuwa ni miongoni mwa wanaoswali duniani,
74:44Juzuu 29 · uk. 576
وَلَمْ نَكُ نُطْعِمُ الْمِسْكِينَ44
na hatukuwa tukitoa sadaka na kuwafanyia wema wahitaji na maskini,
74:45Juzuu 29 · uk. 576
وَكُنَّا نَخُوضُ مَعَ الْخَائِضِينَ45
na tulikuwa tukizungumza maneno ya ubatilifu na watu wa upotofu na upotevu,
74:46Juzuu 29 · uk. 576
وَكُنَّا نُكَذِّبُ بِيَوْمِ الدِّينِ46
na tulikuwa tukiikanusha Siku ya kuhesabiwa na kulipwa,
74:47Juzuu 29 · uk. 576
حَتَّىٰ أَتَانَا الْيَقِينُ47
mpaka kifo kikatujia na hali sisi tuko kwenye mambo hayo mabaya ya upotevu.
74:48Juzuu 29 · uk. 577
فَمَا تَنْفَعُهُمْ شَفَاعَةُ الشَّافِعِينَ48
Basi hayatawafalia neno maombezi ya wenye kuombea wote, miongoni mwa Malaika, Manabii na wengineo, kwa kuwa aombewaye ni yule aliyechaguliwa na Mwenyezi Mungu na akamuidhinisha mwenye kumuombea.
74:49Juzuu 29 · uk. 577
فَمَا لَهُمْ عَنِ التَّذْكِرَةِ مُعْرِضِينَ49
Basi wana nini hawa washirikina wamejiepusha na Qur’ani na
74:50Juzuu 29 · uk. 577
كَأَنَّهُمْ حُمُرٌ مُسْتَنْفِرَةٌ50
mawaidha yaliyomo ndani yake? Kama kwamba wao ni pundamilia wanaobabaika
74:51Juzuu 29 · uk. 577
فَرَّتْ مِنْ قَسْوَرَةٍ51
wanaomkimbia simba mshambulizi.
74:52Juzuu 29 · uk. 577
بَلْ يُرِيدُ كُلُّ امْرِئٍ مِنْهُمْ أَنْ يُؤْتَىٰ صُحُفًا مُنَشَّرَةً52
Lakini kila mmoja, miongoni mwa hawa washirikina, ana matumaini ateremshiwe kitabu kutoka mbinguni kilichokunjuliwa kama kile kilichoteremshiwa Muhammad, rehema ya Mwenyezi Mungu na amani zimshukie.
74:53Juzuu 29 · uk. 577
كَلَّا ۖ بَلْ لَا يَخَافُونَ الْآخِرَةَ53
Mambo si hivyo kama wanavyodai. Ukweli ni kwamba wao hawaiogopi Akhera wala hawaamini kuwa kuna kufufuliwa na kulipwa.
74:54Juzuu 29 · uk. 577
كَلَّا إِنَّهُ تَذْكِرَةٌ54
Ni kweli kwamba Qur’ani ni mawaidha yenye ufasaha, yanayotosha kuwafanya wao wawaidhike.
74:55Juzuu 29 · uk. 577
فَمَنْ شَاءَ ذَكَرَهُ55
Anayetaka kuwaidhika, basi na awaidhike kwa yaliyomo ndani yake na anufaike na uongofu wake.
74:56Juzuu 29 · uk. 577
وَمَا يَذْكُرُونَ إِلَّا أَنْ يَشَاءَ اللَّهُ ۚ هُوَ أَهْلُ التَّقْوَىٰ وَأَهْلُ الْمَغْفِرَةِ56
Na hawawaidhiki kwayo isipokuwa iwapo Mwenyezi Mungu Amewatakia kuongoka. Yeye, kutakasika na sifa za upungufu ni Kwake, Ndiye Anayestahiki kuogopewa na kutiiwa, na Ndiye Anayestahiki kumsamehe anayemuamini Yeye na kumtii.