79:1Juzuu 30 · uk. 583
وَالنَّازِعَاتِ غَرْقًا1
Anaapa Mwenyezi Mungu kwa Malaika ambao huzing’oa roho za makafiri mng’oo mkali.
An-Nazi'at
سورة النازعات
Sura 79 · Makki · 46 aya
79:2Juzuu 30 · uk. 583
وَالنَّاشِطَاتِ نَشْطًا2
Na kwa Malaika ambao huzitukua roho za Waumini kwa uchangamfu na upole.
79:3Juzuu 30 · uk. 583
وَالسَّابِحَاتِ سَبْحًا3
Na kwa Malaika wanaoogelea katika kushuka kwao kutoka mbinguni na kupaa kwao kwenda mbinguni.
79:4Juzuu 30 · uk. 583
فَالسَّابِقَاتِ سَبْقًا4
Na kwa Mlaika ambao wanakimbilia kutekeleza amri za Mwenyezi Mungu.
79:5Juzuu 30 · uk. 583
فَالْمُدَبِّرَاتِ أَمْرًا5
Na kwa Malaika wanaopitisha amri za Mola wao katika mambo ya ulimwengu waliowakilishwa kuyafanya na kuyasimamia, - Wala haifai kwa kiumbe kukiapia chochote kile, bali yapasa kiapo chake kiwe ni kwa jina la Mola wake Muumba au sifa Zake. Na lau ataapa kwa asiye Muumba wake, basi huyo amekuwa mshirikina - Watafufuliwa viumbe bila shaka na watahesabiwa.
79:6Juzuu 30 · uk. 583
يَوْمَ تَرْجُفُ الرَّاجِفَةُ6
Siku ambayo ardhi itatetemeka kwa mvuvuo wa kwanza:
79:7Juzuu 30 · uk. 583
تَتْبَعُهَا الرَّادِفَةُ7
mvuvio wa kufisha, ukifuatiwa na mvuvio mwingine wa kuhuisha.
79:8Juzuu 30 · uk. 583
قُلُوبٌ يَوْمَئِذٍ وَاجِفَةٌ8
Nyoyo za makafiri, Siku hiyo, zitakuwa na papatiko kwa kicho kikubwa.
79:9Juzuu 30 · uk. 583
أَبْصَارُهَا خَاشِعَةٌ9
Macho ya makafiri hao yatakuwa madhalilifu kwa kitisho watakachokiona.
79:10Juzuu 30 · uk. 583
يَقُولُونَ أَإِنَّا لَمَرْدُودُونَ فِي الْحَافِرَةِ10
Wanasema hawa wakanushao kufufuliwa:
79:11Juzuu 30 · uk. 583
أَإِذَا كُنَّا عِظَامًا نَخِرَةً11
«Je, tutarudishwa baada ya kufa kwetu kwenye yale tuliyokuwa nayo katika ardhi? Je, tutarudishwa na hali tushakuwa mifupa iliochakaa?»
79:12Juzuu 30 · uk. 583
قَالُوا تِلْكَ إِذًا كَرَّةٌ خَاسِرَةٌ12
Wakasema: «Kurejea kwetu huko kutakuwa kutupu kusikokuwa kweli.’
79:13Juzuu 30 · uk. 583
فَإِنَّمَا هِيَ زَجْرَةٌ وَاحِدَةٌ13
Hakika tukio hilo litakuwa kwa mvivio mmoja tu.
79:14Juzuu 30 · uk. 583
فَإِذَا هُمْ بِالسَّاهِرَةِ14
Wakitahamaki wao wako hai juu ya ardhi baada ya kuwa walikuwa ndani yake.
79:15Juzuu 30 · uk. 583
هَلْ أَتَاكَ حَدِيثُ مُوسَىٰ15
Je imekujilia, ewe Mtume, habari ya Mūsā?
79:16Juzuu 30 · uk. 583
إِذْ نَادَاهُ رَبُّهُ بِالْوَادِ الْمُقَدَّسِ طُوًى16
Pindi Mola wake Alipomwita katika bonde lililotakaswa na kubarikiwa, la Ṭuwā. Akamwambia:
79:17Juzuu 30 · uk. 584
اذْهَبْ إِلَىٰ فِرْعَوْنَ إِنَّهُ طَغَىٰ17
«Enda kwa Firauni. Hakika yeye amekiuka mno katika kuasi.
79:18Juzuu 30 · uk. 584
فَقُلْ هَلْ لَكَ إِلَىٰ أَنْ تَزَكَّىٰ18
Ukamwambie, ‘Je, unapendelea kuitakasa nafsi yako na upungufu na kuipamba na imani?
79:19Juzuu 30 · uk. 584
وَأَهْدِيَكَ إِلَىٰ رَبِّكَ فَتَخْشَىٰ19
Na nikuelekeze njia ya kumtii Mola wako, upate kumcha na kumuogopa?’»
79:20Juzuu 30 · uk. 584
فَأَرَاهُ الْآيَةَ الْكُبْرَىٰ20
Mūsā alimuonyesha Firauni alama kubwa: fimbo na mkono.
79:21Juzuu 30 · uk. 584
فَكَذَّبَ وَعَصَىٰ21
Hapo Firauni alimkanusha Nabii wa Mwenyezi Mungu , naye ni Mtume Mūsā, amani imshukie, na alimuasi Mola wake Aliyetukuka.
79:22Juzuu 30 · uk. 584
ثُمَّ أَدْبَرَ يَسْعَىٰ22
Kisha alikengeuka hali ya kuipa mgongo Imani na kufanya bidii katika kumpinga Mūsā.
79:23Juzuu 30 · uk. 584
فَحَشَرَ فَنَادَىٰ23
Hapo aliwakusanya raia wa utawala wake na akawaita kwa
79:24Juzuu 30 · uk. 584
فَقَالَ أَنَا رَبُّكُمُ الْأَعْلَىٰ24
kuwaambia,»Mimi ndiye mola wenu ambaye hakuna mola mwengine aliye juu yake.»
79:25Juzuu 30 · uk. 584
فَأَخَذَهُ اللَّهُ نَكَالَ الْآخِرَةِ وَالْأُولَىٰ25
Hapo Mwenyezi Mungu Alimtesa kwa adhabu ya duniani na ya Akhera.
79:26Juzuu 30 · uk. 584
إِنَّ فِي ذَٰلِكَ لَعِبْرَةً لِمَنْ يَخْشَىٰ26
Na Akaifanya adhabu hiyo iwe ni mazingatio na ni onyo kwa watu mfano wake kati ya wale waasi. Hakika Firauni na kile kilichompata cha adhabu ni mawaidha kwa mwenye kuwaidhika na kutishika.
79:27Juzuu 30 · uk. 584
أَأَنْتُمْ أَشَدُّ خَلْقًا أَمِ السَّمَاءُ ۚ بَنَاهَا27
Je, kufufuliwa kwenu, enyi watu, baada ya kufa ni kugumu zaidi, katika vipimo vyenu, au ni kuumbwa kwa mbingu?
79:28Juzuu 30 · uk. 584
رَفَعَ سَمْكَهَا فَسَوَّاهَا28
Amezipanga juu yenu kama jengo. Na Ameinua sakafu yake angani, haina tofauti wala nyufa.
79:29Juzuu 30 · uk. 584
وَأَغْطَشَ لَيْلَهَا وَأَخْرَجَ ضُحَاهَا29
Na Ameutia giza usiku wake kwa kutwa kwa jua lake. Na Ameweka wazi mchana wake kwa kuchomoza kwake.
79:30Juzuu 30 · uk. 584
وَالْأَرْضَ بَعْدَ ذَٰلِكَ دَحَاهَا30
Na ardhi baada ya kuumba mbingu Ameitandaza. Na Ameweka humo manufaa yake.
79:31Juzuu 30 · uk. 584
أَخْرَجَ مِنْهَا مَاءَهَا وَمَرْعَاهَا31
Na Ametumbua humo chemchemu za maji. Na Ameotesha humo mimea inayolishwa.
79:32Juzuu 30 · uk. 584
وَالْجِبَالَ أَرْسَاهَا32
Na Ameyakita humo majabali yakiwa ni vigingi vyake. Ameumba, Aliyetakasika na kila upungufu,
79:33Juzuu 30 · uk. 584
مَتَاعًا لَكُمْ وَلِأَنْعَامِكُمْ33
neema zote hizi zikiwa ni manufaa kwenu na kwa wanyama wenu. (Hakika kurudisha kuumbwa kwenu, Siku ya Kiyama, ni sahali kwa Mwenyezi Mungu kushinda kuumba viumbe hivyo vyingine. Na vyote hivyo, kwa Mwenyezi Mungu, ni rahisi na ni vipesi).
79:34Juzuu 30 · uk. 584
فَإِذَا جَاءَتِ الطَّامَّةُ الْكُبْرَىٰ34
Pindi kitakapokuja Kiyama Kikubwa na balaa nzito, nao ni Mvuvio wa pili. Kipindi hicho zitaoneshwa kwa binadamu vitendo vyake vyote, za kheri na za shari.
79:35Juzuu 30 · uk. 584
يَوْمَ يَتَذَكَّرُ الْإِنْسَانُ مَا سَعَىٰ35
Hapo atazikumbuka na kuzitambua.
79:36Juzuu 30 · uk. 584
وَبُرِّزَتِ الْجَحِيمُ لِمَنْ يَرَىٰ36
Na utaoneshwa Moto wa Jahanamu kwa kila aonaye, uwe waonekana waziwazi.
79:37Juzuu 30 · uk. 584
فَأَمَّا مَنْ طَغَىٰ37
Ama yule atakayekiuka amri ya Mwenyezi Mungu
79:38Juzuu 30 · uk. 584
وَآثَرَ الْحَيَاةَ الدُّنْيَا38
na akapendelea maisha ya ulimwenguni kuliko ya Akhera,
79:39Juzuu 30 · uk. 584
فَإِنَّ الْجَحِيمَ هِيَ الْمَأْوَىٰ39
basi kwa kweli marejeo yake ni Motoni.
79:40Juzuu 30 · uk. 584
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ40
Na ama yule atakayeogopa kusimama mbele ya Mwenyezi Mungu kuhesabiwa na akaikanya nafsi yake na matamanio mapotofu,
79:41Juzuu 30 · uk. 584
فَإِنَّ الْجَنَّةَ هِيَ الْمَأْوَىٰ41
basi Peponi ndiko makazi yake.
79:42Juzuu 30 · uk. 584
يَسْأَلُونَكَ عَنِ السَّاعَةِ أَيَّانَ مُرْسَاهَا42
Wanakuuliza washirikina, ewe Mtume, kwa madharau, kuhusu wakati wa kuanzia Kiyama unachowaonya.
79:43Juzuu 30 · uk. 584
فِيمَ أَنْتَ مِنْ ذِكْرَاهَا43
Wewe huna kamwe ujuzi nacho.
79:44Juzuu 30 · uk. 584
إِلَىٰ رَبِّكَ مُنْتَهَاهَا44
Bali mambo ya ujuzi huo yarejeshwe kwa Mwenyezi Mungu, Mwenye Sifa Tukufu.
79:45Juzuu 30 · uk. 584
إِنَّمَا أَنْتَ مُنْذِرُ مَنْ يَخْشَاهَا45
Wewe linalokuhusu katika habari zake ni kumuonya nacho yule anayekiogopa.
79:46Juzuu 30 · uk. 584
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا46
Kama kwamba wao siku watakapouona Kiyama kimesimama, watakuwa hawakukaa katika maisha yao ya duniani, kwa vituko vya hiko Kiyama, isipokuwa ni kama kwamba wamkaa kati ya adhuhuri mpaka kutwa juwa, au ni kama kati ya kuchomoza jua mpaka nusu ya mchana.