70:1Juzuu 29 · uk. 568
سَأَلَ سَائِلٌ بِعَذَابٍ وَاقِعٍ1
Ameapiza mwenye kuapiza miongoni mwa washirikina, kujiapiza mwenyewe na kuwaapiza watu wake kuteremkiwa na adhabu,
Al-Ma'arij
سورة المعارج
Sura 70 · Makki · 44 aya
70:2Juzuu 29 · uk. 568
لِلْكَافِرِينَ لَيْسَ لَهُ دَافِعٌ2
nayo ni yenye kuwashukia bila shaka Siku ya Kiyama.
70:3Juzuu 29 · uk. 568
مِنَ اللَّهِ ذِي الْمَعَارِجِ3
Hakuna mzuiaji yoyote wa kuizuia isipokuwa Mwenyezi Mungu, Mwenye utukufu na haiba.
70:4Juzuu 29 · uk. 568
تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ4
Malaika na Jibrili wanapanda kuenda Kwake, Aliyetukuka, kwa siku moja ambayo kadiri yake ni myaka elfu hamsini katika myaka ya duniani, nayo kwa aliyeamini ni kama muda wa Swala moja ya faradhi.
70:5Juzuu 29 · uk. 568
فَاصْبِرْ صَبْرًا جَمِيلًا5
Basi vumilia, ewe Mtume, kule kufanya kwao shere na kutaka kwao wafikiwe na adhabu kwa haraka, uvumilivu usiokuwa na babaiko wala kumshtakia asiyekuwa Mwenyezi Mungu.
70:6Juzuu 29 · uk. 568
إِنَّهُمْ يَرَوْنَهُ بَعِيدًا6
Kwa kweli makafiri wanaiona adhabu kuwa iko mbali na wanaona kuwa si yenye kutukia.
70:7Juzuu 29 · uk. 568
وَنَرَاهُ قَرِيبًا7
Na sisi tunaiona ni yenye kutukia kwa kipindi cha karibu bila shaka.
70:8Juzuu 29 · uk. 568
يَوْمَ تَكُونُ السَّمَاءُ كَالْمُهْلِ8
Siku ambayo mbingu itayayuka iwe ni kama rojo la mafuta,
70:9Juzuu 29 · uk. 568
وَتَكُونُ الْجِبَالُ كَالْعِهْنِ9
na majabali yawe ni kama sufi iliyochanganywa na iliyoshanuliwa na kupeperushwa na upepo.
70:10Juzuu 29 · uk. 568
وَلَا يَسْأَلُ حَمِيمٌ حَمِيمًا10
Wala mtu hatamuuliza jamaa yake wa karibu kuhusu jambo lake, kwani kila mmoja ameshughulishwa na nafsi yake.
70:11Juzuu 29 · uk. 569
يُبَصَّرُونَهُمْ ۚ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ11
Watawaona na watawajua, na hakuna yoyote atakayeweza kumnufaisha yoyote. Kafiri atatamani lau ajikomboa nafsi yake na adhabu ya Siku ya Kiyama kwa watoto wake,
70:12Juzuu 29 · uk. 569
وَصَاحِبَتِهِ وَأَخِيهِ12
mkewe, nduguye,
70:13Juzuu 29 · uk. 569
وَفَصِيلَتِهِ الَّتِي تُؤْوِيهِ13
jamaa zake wanaomuhami na ambao anajinasibisha nao kwa ujamaa
70:14Juzuu 29 · uk. 569
وَمَنْ فِي الْأَرْضِ جَمِيعًا ثُمَّ يُنْجِيهِ14
na kwa wote walio kwenye ardhi miongoni mwa binadamu na wengineo ili aokoke na adhabu ya Mwenyezi Mungu.
70:15Juzuu 29 · uk. 569
كَلَّا ۖ إِنَّهَا لَظَىٰ15
Mambo siyo kama vile unavyotamani yawe, ewe kafiri, ya kujikomboa.
70:16Juzuu 29 · uk. 569
نَزَّاعَةً لِلشَّوَىٰ16
Huo ni moto wa Jahanamu, moto wake unawaka na kuroroma, joto lake linatoa kwa nguvu ngozi ya kichwa na sehemu nyingine za mwili,
70:17Juzuu 29 · uk. 569
تَدْعُو مَنْ أَدْبَرَ وَتَوَلَّىٰ17
unamwita aliyeipa mgongo haki duniani na akaacha kumtii Mwenyezi Mungu na Mtume Wake,
70:18Juzuu 29 · uk. 569
وَجَمَعَ فَأَوْعَىٰ18
na akakusanya mali na kuyaweka kwenye mahazina yake na asitekeleze amri ya Mwenyezi Mungu kwenye mali hayo.
70:19Juzuu 29 · uk. 569
۞ إِنَّ الْإِنْسَانَ خُلِقَ هَلُوعًا19
Hakika binadamu ameumbwa akiwa na tabia ya babaiko na pupa.
70:20Juzuu 29 · uk. 569
إِذَا مَسَّهُ الشَّرُّ جَزُوعًا20
Yakimpata makero na shida, anababaika sana na kufa moyo.
70:21Juzuu 29 · uk. 569
وَإِذَا مَسَّهُ الْخَيْرُ مَنُوعًا21
Na yakimpata mambo mazuri na ukunjufu wa maisha, huwa ni mwingi wa kuzuia na.
70:22Juzuu 29 · uk. 569
إِلَّا الْمُصَلِّينَ22
Isipokuwa wenye kusimamisha Swala,
70:23Juzuu 29 · uk. 569
الَّذِينَ هُمْ عَلَىٰ صَلَاتِهِمْ دَائِمُونَ23
wanaochunga kuitekeleza katika nyakati zake zote, hakuna shughuli yoyote inayowashughulisha nayo.
70:24Juzuu 29 · uk. 569
وَالَّذِينَ فِي أَمْوَالِهِمْ حَقٌّ مَعْلُومٌ24
Na wale ambao katika mali yao kuna fungu maalumu alililowafaradhia Mwenyezi Mungu, nalo ni Zaka
70:25Juzuu 29 · uk. 569
لِلسَّائِلِ وَالْمَحْرُومِ25
wanaozitoa kwa anayeomba msaada na kwa na kwa asiyeomba.
70:26Juzuu 29 · uk. 569
وَالَّذِينَ يُصَدِّقُونَ بِيَوْمِ الدِّينِ26
Na wale ambao wanaiamini Siku ya kuhesabiwa na kulipwa wakajiandaa nayo kwa matendo mema.
70:27Juzuu 29 · uk. 569
وَالَّذِينَ هُمْ مِنْ عَذَابِ رَبِّهِمْ مُشْفِقُونَ27
Na wale ambao wao wanaiogopa adhabu ya Mwenyezi Mungu,
70:28Juzuu 29 · uk. 569
إِنَّ عَذَابَ رَبِّهِمْ غَيْرُ مَأْمُونٍ28
kwani adhabu ya Mola wao haipaswi kwa yoyote kujiaminisha nayo.
70:29Juzuu 29 · uk. 569
وَالَّذِينَ هُمْ لِفُرُوجِهِمْ حَافِظُونَ29
Na wale ambao wao ni wenye kutunza tupu zao na kila alichokiharamishia Mwenyezi Mungu,
70:30Juzuu 29 · uk. 569
إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ30
isipokuwa wake zao na vijakazi vyao, hakika wao kwa hao hawapatilizwi.
70:31Juzuu 29 · uk. 569
فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ31
Basi mwenye kutaka kumaliza matamanio yake ya kimwili kwa wasiokuwa wake zake au vijakazi vyake, basi hao ndio wenye kukiuka mipaka ya halali kuingia kwenye haramu.
70:32Juzuu 29 · uk. 569
وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ32
Na wale ambao wanazitunza amana za Mwenyezi Mungu na amana za waja, na wanatunza ahadi zao pamoja na Mwenyezi Munmgu, Aliyetukuka, na pamoja na waja.
70:33Juzuu 29 · uk. 569
وَالَّذِينَ هُمْ بِشَهَادَاتِهِمْ قَائِمُونَ33
Na wale ambao wanatekeleza ushahidi wao kwa ukweli bila kubadilisha au kuficha.
70:34Juzuu 29 · uk. 569
وَالَّذِينَ هُمْ عَلَىٰ صَلَاتِهِمْ يُحَافِظُونَ34
Na wale ambao wanatunza utekelezaji Swala wala hawaharibu chochote cha wajibu katika hiyo Swala.
70:35Juzuu 29 · uk. 569
أُولَٰئِكَ فِي جَنَّاتٍ مُكْرَمُونَ35
Hao waliosifika kwa sifa hizo njema, ni wenye kutulia kwenye mabustani ya Pepo ya starehe, ni wenye kukirimiwa humo kwa kila aina ya takrima.
70:36Juzuu 29 · uk. 569
فَمَالِ الَّذِينَ كَفَرُوا قِبَلَكَ مُهْطِعِينَ36
Ni msukumo gani unaowasukuma makafiri watembee kwa haraka kuelekea upande wako, ewe Mtume, na huku wamenyosha shingo zao kwako, wamekukabili kwa macho yao,
70:37Juzuu 29 · uk. 569
عَنِ الْيَمِينِ وَعَنِ الشِّمَالِ عِزِينَ37
wanajikusanya kuliani kwako na kushotoni kwako, wakiwa wamekaa kwa kupiga maduara na wamejigawa vikundi mbalimbali, wanazungumza na kuona ajabu?
70:38Juzuu 29 · uk. 569
أَيَطْمَعُ كُلُّ امْرِئٍ مِنْهُمْ أَنْ يُدْخَلَ جَنَّةَ نَعِيمٍ38
Je ana tamaa kila mmoja miongoni mwa makafiri kuwa Mwenyezi Mungui Atamuingiza kwenye Pepo ya starehe ya daima? Mambo siyo kama vile wanavyotazamia. Wao hawataiingia hiyo Pepo kabisa.
70:39Juzuu 29 · uk. 569
كَلَّا ۖ إِنَّا خَلَقْنَاهُمْ مِمَّا يَعْلَمُونَ39
Hakika sisi tumewaumba kwa kile wanachokijua cha maji matwevu kama wengineo, na vilevile hawakuamini. Basi vipi watapata heshima ya kuingia Pepo ya sterehe?
70:40Juzuu 29 · uk. 569
فَلَا أُقْسِمُ بِرَبِّ الْمَشَارِقِ وَالْمَغَارِبِ إِنَّا لَقَادِرُونَ40
Sivyo hivyo. Najiapia Mimi Mwenyewe niliye Mola wa pande za kuchomoza na kutua jua, mwezi na sayari nyinginezo, kwa yanayopatikana humo miongoni mwa dalili waziwazi za kujulisha kufufuliwa,
70:41Juzuu 29 · uk. 570
عَلَىٰ أَنْ نُبَدِّلَ خَيْرًا مِنْهُمْ وَمَا نَحْنُ بِمَسْبُوقِينَ41
kuwa Sisi tunaweza kuwaleta watu badala yao walio bora zaidi kuliko wao na watiifu zaidi wa Mwenyezi Mungu. Na hakuna yoyote atakayetushinda na kutuponyoka na kutuelemea iwapo tunataka kumrudisha uhai baada ya kufa.
70:42Juzuu 29 · uk. 570
فَذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ42
Basi waache wavame kwenye ubatilifu wao na wacheze kwenye ulimwengu wao mpaka wakutane na Siku ya Kiyama ambayo wanaahidiwa kuwa wataadhibiwa.
70:43Juzuu 29 · uk. 570
يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَىٰ نُصُبٍ يُوفِضُونَ43
Siku watakapotoka makaburini wakienda kwa haraka, kama wlivyokuwa duniani wakienda mbio na haraka kwa waungu wao wakiwaabudu badala ya Mwenyezi Mungu,
70:44Juzuu 29 · uk. 570
خَاشِعَةً أَبْصَارُهُمْ تَرْهَقُهُمْ ذِلَّةٌ ۚ ذَٰلِكَ الْيَوْمُ الَّذِي كَانُوا يُوعَدُونَ44
hali ya kuwa macho yao ni madhalilifu yanatazama chini, wamefinikwa na unyonge na utwevu. Hiyo ndiyo Siku waliyoahidiwa duniani na walikuwa wakiifanyia shere na kuikanusha.