56:1Juzuu 27 · uk. 534
إِذَا وَقَعَتِ الْوَاقِعَةُ1
Kitakaposimama Kiyama.
Al-Waqi'ah
سورة الواقعة
Sura 56 · Makki · 96 aya
56:2Juzuu 27 · uk. 534
لَيْسَ لِوَقْعَتِهَا كَاذِبَةٌ2
Hakutakuwa na yoyote mwenye kukanusha kusimama kwake.
56:3Juzuu 27 · uk. 534
خَافِضَةٌ رَافِعَةٌ3
Ni chenye kuwainamisha chini maadui wa Mwenyezi Mungu ndani ya Moto na ni chenye kuwainua juu Peponi wale wenye kumtegemea.
56:4Juzuu 27 · uk. 534
إِذَا رُجَّتِ الْأَرْضُ رَجًّا4
Itakapotikiswa ardhi mtikiso wa nguvu.
56:5Juzuu 27 · uk. 534
وَبُسَّتِ الْجِبَالُ بَسًّا5
Na yakamumunyuliwa majabali mmumunyuo wa kina.
56:6Juzuu 27 · uk. 534
فَكَانَتْ هَبَاءً مُنْبَثًّا6
Yakawa vumbi lenye kuruka angani lililosukumwa na upepo.
56:7Juzuu 27 · uk. 534
وَكُنْتُمْ أَزْوَاجًا ثَلَاثَةً7
Na mkawa, enyi viumbe, makundi matatu:
56:8Juzuu 27 · uk. 534
فَأَصْحَابُ الْمَيْمَنَةِ مَا أَصْحَابُ الْمَيْمَنَةِ8
Kundi la watu wa upande wa kulia, wenye daraja kubwa. Ni kikubwa kilioje cheo chao!
56:9Juzuu 27 · uk. 534
وَأَصْحَابُ الْمَشْأَمَةِ مَا أَصْحَابُ الْمَشْأَمَةِ9
Kuna na kundi la watu wa upande wa kushoto, wenye daraja duni. Ni mbaya iliyoje hali yao!
56:10Juzuu 27 · uk. 534
وَالسَّابِقُونَ السَّابِقُونَ10
Na wale waliotangulia mbele kwenye kheri duniani ndio wenye kutangulia mbele kwenye daraja za juu huko Akhera.
56:11Juzuu 27 · uk. 534
أُولَٰئِكَ الْمُقَرَّبُونَ11
Wao ndio walioletwa karibu kwa Mwenyezi Mungu,
56:12Juzuu 27 · uk. 534
فِي جَنَّاتِ النَّعِيمِ12
Mola wao Atawatia kwenye mabustani ya Pepo ya starehe.
56:13Juzuu 27 · uk. 534
ثُلَّةٌ مِنَ الْأَوَّلِينَ13
Watayaingia watu wengi watu wa mwanzo wa ummah huu, na ummah wengineo wasiokuwa wao,
56:14Juzuu 27 · uk. 534
وَقَلِيلٌ مِنَ الْآخِرِينَ14
na wachache miongoni mwa watu mwisho wa ummah huu,
56:15Juzuu 27 · uk. 534
عَلَىٰ سُرُرٍ مَوْضُونَةٍ15
wakiwa juu ya vitanda vilivyofumwa kwa dhahabu,
56:16Juzuu 27 · uk. 534
مُتَّكِئِينَ عَلَيْهَا مُتَقَابِلِينَ16
na wakiwa katika hali ya kuvitegemea na huku wanaelekeana na kukutana.
56:17Juzuu 27 · uk. 535
يَطُوفُ عَلَيْهِمْ وِلْدَانٌ مُخَلَّدُونَ17
Wanawazunguka wao kuwatumikia watumishi vijana wasiozeeka wala kufa,
56:18Juzuu 27 · uk. 535
بِأَكْوَابٍ وَأَبَارِيقَ وَكَأْسٍ مِنْ مَعِينٍ18
wakiwa na vikombe, mabirika na gilasi kutoka kwenye chemchemi ya pombe yenye kupita ndani ya Pepo,
56:19Juzuu 27 · uk. 535
لَا يُصَدَّعُونَ عَنْهَا وَلَا يُنْزِفُونَ19
na hawaumwi na vichwa kutokana nayo wala hawarukwi na akili.
56:20Juzuu 27 · uk. 535
وَفَاكِهَةٍ مِمَّا يَتَخَيَّرُونَ20
Na watawazunguka wao watumishi vijana na kila kitu wanachokichagua miongoni mwa matunda,
56:21Juzuu 27 · uk. 535
وَلَحْمِ طَيْرٍ مِمَّا يَشْتَهُونَ21
nyama ya ndege ambayo nafsi zao inavutika nayo.
56:22Juzuu 27 · uk. 535
وَحُورٌ عِينٌ22
Na watakuwa na wanawake wenye macho makubwa kama kwamba wao,
56:23Juzuu 27 · uk. 535
كَأَمْثَالِ اللُّؤْلُؤِ الْمَكْنُونِ23
kwa usafi wao na uzuri wao, ni lulu iliyohifadhiwa ndani ya mashaza yake,
56:24Juzuu 27 · uk. 535
جَزَاءً بِمَا كَانُوا يَعْمَلُونَ24
hali hayo yakiwa ni malipo yao kwa yale waliokuwa wakiyafanya duniani.
56:25Juzuu 27 · uk. 535
لَا يَسْمَعُونَ فِيهَا لَغْوًا وَلَا تَأْثِيمًا25
Hawatasikia humo Peponi ubatilifu wala yale ya kuwatia madhambini kuyasikia,
56:26Juzuu 27 · uk. 535
إِلَّا قِيلًا سَلَامًا سَلَامًا26
isipokuwa maneno yasiyokuwa na kasoro hizi na kusalimiana wao kwa wao.
56:27Juzuu 27 · uk. 535
وَأَصْحَابُ الْيَمِينِ مَا أَصْحَابُ الْيَمِينِ27
Na watu wa upande wa kulia,
56:28Juzuu 27 · uk. 535
فِي سِدْرٍ مَخْضُودٍ28
ni kikubwa kilioje cheo chao na malipo yao!
56:29Juzuu 27 · uk. 535
وَطَلْحٍ مَنْضُودٍ29
Watakuwa kwenye mikunazi isiyo na miba, na ndizi zilizopandana na kupangika,
56:30Juzuu 27 · uk. 535
وَظِلٍّ مَمْدُودٍ30
kila ndizi juu ya nyingine, na vivuli vya daima visivyoondoka,
56:31Juzuu 27 · uk. 535
وَمَاءٍ مَسْكُوبٍ31
na maji yanayotembea yasiyokatika,
56:32Juzuu 27 · uk. 535
وَفَاكِهَةٍ كَثِيرَةٍ32
na matunda mengi
56:33Juzuu 27 · uk. 535
لَا مَقْطُوعَةٍ وَلَا مَمْنُوعَةٍ33
yasiyomalizika wala kuwaishia wala hakuna kizuizi chochote kinachowazuia wao kuyafikia,
56:34Juzuu 27 · uk. 535
وَفُرُشٍ مَرْفُوعَةٍ34
na matandiko yaliyoinuliwa juu ya vitanda.
56:35Juzuu 27 · uk. 535
إِنَّا أَنْشَأْنَاهُنَّ إِنْشَاءً35
Sisi tumewaumba wanawake wa watu wa Peponi umbile ambalo silo lile umbile lililokuwa duniani, umbile lililokamilika lisilokubali kutoweka,
56:36Juzuu 27 · uk. 535
فَجَعَلْنَاهُنَّ أَبْكَارًا36
na tumewafanya ni wanawali wenye kujipendekeza kwa waume zao,
56:37Juzuu 27 · uk. 535
عُرُبًا أَتْرَابًا37
hali ya kuwa ni marika na wao kimiaka.
56:38Juzuu 27 · uk. 535
لِأَصْحَابِ الْيَمِينِ38
Tumewaumbia wanawake hao watu wa upande wa kulia.
56:39Juzuu 27 · uk. 535
ثُلَّةٌ مِنَ الْأَوَّلِينَ39
Nao ni kundi la watu wengi wa mwanzo
56:40Juzuu 27 · uk. 535
وَثُلَّةٌ مِنَ الْآخِرِينَ40
na kundi la watu wengi wa mwisho.
56:41Juzuu 27 · uk. 535
وَأَصْحَابُ الشِّمَالِ مَا أَصْحَابُ الشِّمَالِ41
Na watu wa upande wa kushoto, ni mbaya iliyoje hali yao na malipo yao!
56:42Juzuu 27 · uk. 535
فِي سَمُومٍ وَحَمِيمٍ42
Watakuwa kwenye upepo ulio moto utokanao na joto la Moto wa Jahanamu utakaozuia pumzi zao, na maji moto yanayochemka,
56:43Juzuu 27 · uk. 535
وَظِلٍّ مِنْ يَحْمُومٍ43
na kivuli cha moshi mweusi sana,
56:44Juzuu 27 · uk. 535
لَا بَارِدٍ وَلَا كَرِيمٍ44
usio na mashukio baridi wala mandhari mazuri.
56:45Juzuu 27 · uk. 535
إِنَّهُمْ كَانُوا قَبْلَ ذَٰلِكَ مُتْرَفِينَ45
Kwani wao walikuwa duniani wakijistarehesha kwa vitu vya haramu wakijiepusha na yale ambayo Mitume walikuja nayo.
56:46Juzuu 27 · uk. 535
وَكَانُوا يُصِرُّونَ عَلَى الْحِنْثِ الْعَظِيمِ46
Na walikuwa wamesimama wima katika kumkanusha Mwenyezi Mungu na kumshirikisha na kumuasi, na hawakuwa na nia ya kutubia kwa hayo.
56:47Juzuu 27 · uk. 535
وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ47
Na walikuwa wakisema hali ya kukanusha Ufufuzi, «Je hivi sisi tutafufuliwa tutakapokufa na tukawa mchanga na mifupa iliyochakaa?» Maneno yao hayo yanaonesha kuwa wao walikuwa wakiliona jambo hili la kufufuliwa kuwa liko mbali na ukweli na wakilikanusha.
56:48Juzuu 27 · uk. 535
أَوَآبَاؤُنَا الْأَوَّلُونَ48
«Je tutafufuliwa sisi na hali baba zetu waliotangulia wamekuwa mchanga uliotapakaa kwenye ardhi?»
56:49Juzuu 27 · uk. 535
قُلْ إِنَّ الْأَوَّلِينَ وَالْآخِرِينَ49
Sema uwaambie, «Hakika wa mwanzo na wa mwisho miongoni mwa binadamu
56:50Juzuu 27 · uk. 535
لَمَجْمُوعُونَ إِلَىٰ مِيقَاتِ يَوْمٍ مَعْلُومٍ50
watakusanywa katika Siku iliyowekewa wakati maalumu, nayo ni Siku ya Kiyama.
56:51Juzuu 27 · uk. 536
ثُمَّ إِنَّكُمْ أَيُّهَا الضَّالُّونَ الْمُكَذِّبُونَ51
«Kisha nyinyi, enyi mliopotea njia ya uongofu mnaokanusha onyo la Mwenyezi Mungu na agizo Lake,
56:52Juzuu 27 · uk. 536
لَآكِلُونَ مِنْ شَجَرٍ مِنْ زَقُّومٍ52
ni wenye kula kutokana na mti wa zaqqūm,
56:53Juzuu 27 · uk. 536
فَمَالِئُونَ مِنْهَا الْبُطُونَ53
nao ni katika miti mibaya zaidi, na ni wenye kujaza matumbo yenu kutokana nao kwa sababu ya ukali wa njaa,
56:54Juzuu 27 · uk. 536
فَشَارِبُونَ عَلَيْهِ مِنَ الْحَمِيمِ54
na ni wenye kunywa juu yake maji yaliyo moto hadi ya mwisho, yasiyomaliza kiu.
56:55Juzuu 27 · uk. 536
فَشَارِبُونَ شُرْبَ الْهِيمِ55
Mtayanywa maji hayo kwa wingi kama vile ngamia wenye kiu wasioshiba maji kwa ugonjwa uliowapata.»
56:56Juzuu 27 · uk. 536
هَٰذَا نُزُلُهُمْ يَوْمَ الدِّينِ56
Adhabu hii watakayoipata ndiyo zawadi Aliyowaandalia Siku ya Kiyama. Katika haya kuna kuwalaumu na kuwacheza shere.
56:57Juzuu 27 · uk. 536
نَحْنُ خَلَقْنَاكُمْ فَلَوْلَا تُصَدِّقُونَ57
Sisi tumewaumba, enyi watu, na hamkuwa kitu chochote. Basi si msadiki kuwa kuna kufufuliwa?
56:58Juzuu 27 · uk. 536
أَفَرَأَيْتُمْ مَا تُمْنُونَ58
Mnayaonaje maji ya manii mnayoyatupa ndani ya vizazi vya wake zenu,
56:59Juzuu 27 · uk. 536
أَأَنْتُمْ تَخْلُقُونَهُ أَمْ نَحْنُ الْخَالِقُونَ59
je nyinyi ndio mnaomuumba mwanadamu kutokana na hayo au ni sisi ndio wenye kuumba?
56:60Juzuu 27 · uk. 536
نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ60
Sisi tumekadiria kifo kwenu,
56:61Juzuu 27 · uk. 536
عَلَىٰ أَنْ نُبَدِّلَ أَمْثَالَكُمْ وَنُنْشِئَكُمْ فِي مَا لَا تَعْلَمُونَ61
na sisi si wenye kushindwa kubadilisha umbo lenu Siku ya Kiyama na kuwaumba kwa sifa na namna msizozijua.
56:62Juzuu 27 · uk. 536
وَلَقَدْ عَلِمْتُمُ النَّشْأَةَ الْأُولَىٰ فَلَوْلَا تَذَكَّرُونَ62
Na hakika mlijua kuwa Mwenyezi Mungu Aliwaumba uumbaji wa kwanza na hamkuwa kitu chochote. Basi si mkumbuke uweza wa Mwenyezi Mungu wa kuwaumba mara nyingine?
56:63Juzuu 27 · uk. 536
أَفَرَأَيْتُمْ مَا تَحْرُثُونَ63
Mnazionaje mbegu mnazozipanda?
56:64Juzuu 27 · uk. 536
أَأَنْتُمْ تَزْرَعُونَهُ أَمْ نَحْنُ الزَّارِعُونَ64
Je ni nyinyi mnaoziotesha kutoka ardhini? Sisi ndio tuaozituliza na kuziotesha ardhini.
56:65Juzuu 27 · uk. 536
لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ65
Lau tungalitaka tungaliifanya mimea inayotokana na mbegu hizo kuwa mapepe, haimkiniki kunufaika nayo kwa kula,
56:66Juzuu 27 · uk. 536
إِنَّا لَمُغْرَمُونَ66
mkawa mnaona ajabu kwa kilichoshukia mimea yenu na mnasema, «Sisi tumepata hasara na ni wenye kuungulika.
56:67Juzuu 27 · uk. 536
بَلْ نَحْنُ مَحْرُومُونَ67
Bali sisi tumekoseshwa riziki.»
56:68Juzuu 27 · uk. 536
أَفَرَأَيْتُمُ الْمَاءَ الَّذِي تَشْرَبُونَ68
Mnayaonaje maji mnayokunywa ili mhuike kwayo?
56:69Juzuu 27 · uk. 536
أَأَنْتُمْ أَنْزَلْتُمُوهُ مِنَ الْمُزْنِ أَمْ نَحْنُ الْمُنْزِلُونَ69
Je ni nyinyi mliyoyateremsha kutoka kwenye mawingu hadi kwenye kituo cha ardhi au ni sisi tuliyoyateremsha ili kuwarehemu nyinyi?
56:70Juzuu 27 · uk. 536
لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ70
Lau tungalitaka tungaliyafanya maji haya yawe na chumvi sana, ikiwa haiwezekani kunufaika nayo kwa kunywa wala kwa mimea. Basi si mumshukuru Mola wenu kwa kuteremsha maji tamu kwa kuwanufaisha nyinyi.
56:71Juzuu 27 · uk. 536
أَفَرَأَيْتُمُ النَّارَ الَّتِي تُورُونَ71
Mnaouonaje moto mnaouwasha?
56:72Juzuu 27 · uk. 536
أَأَنْتُمْ أَنْشَأْتُمْ شَجَرَتَهَا أَمْ نَحْنُ الْمُنْشِئُونَ72
Je ni nyinyi mlioufanya mti wake, unaozalisha moto kwa kukwaruzwa, upatikane au ni sisi tulioufanya upatikane?
56:73Juzuu 27 · uk. 536
نَحْنُ جَعَلْنَاهَا تَذْكِرَةً وَمَتَاعًا لِلْمُقْوِينَ73
Sisi tumeufanya moto wenu mnaouwasha ni ukumbusho kwenu wa Moto wa Jahanamu na pia ni manufaa kwa wasafiri.
56:74Juzuu 27 · uk. 536
فَسَبِّحْ بِاسْمِ رَبِّكَ الْعَظِيمِ74
Basi mtakase Mola wako, ewe Nabii, Aliye mtukufu Mwenye ukamilifu wa majina na sifa, Mwingi wa wema na kheri.
56:75Juzuu 27 · uk. 536
۞ فَلَا أُقْسِمُ بِمَوَاقِعِ النُّجُومِ75
Mwenyezi Mungu Anaapa kwa mapomoko ya nyota nyakati za kuzama kwake mbinguni.
56:76Juzuu 27 · uk. 536
وَإِنَّهُ لَقَسَمٌ لَوْ تَعْلَمُونَ عَظِيمٌ76
Nacho ni kiapo kikubwa lau mnajua kadiri yake.
56:77Juzuu 27 · uk. 537
إِنَّهُ لَقُرْآنٌ كَرِيمٌ77
Hakika hii Qur’ani iliyoteremshiwa Muhammad ni Qur’ani yenye manufaa makubwa, yenye kheri nyingi na yenye elimu tele,
56:78Juzuu 27 · uk. 537
فِي كِتَابٍ مَكْنُونٍ78
iliyo ndani ya Kitabu kilichohifadhiwa, kilichofichwa na macho ya viumbe, nacho ni Kitabu ambacho kiko mikononi mwa Malaika.
56:79 · None touch it except the purifiedJuzuu 27 · uk. 537
لَا يَمَسُّهُ إِلَّا الْمُطَهَّرُونَ79
Hawaigusi Qur’ani isipokuwa malaika watukufu ambao Mwenyezi Mungu Amewasafisha na aibu na madhambi. Na pia hawaigusi isipokuwa watu waliojitohirisha na ushirikina na janaba na ukosefu wa udhu.
56:80Juzuu 27 · uk. 537
تَنْزِيلٌ مِنْ رَبِّ الْعَالَمِينَ80
Na hii Qur’ani tukufu imeteremshwa kutoka kwa Mola wa viumbe vyote, kwani hiyo ndiyo haki isiyo na shaka ndani yake.
56:81Juzuu 27 · uk. 537
أَفَبِهَٰذَا الْحَدِيثِ أَنْتُمْ مُدْهِنُونَ81
je hii Qur’ani, enyi washirikina, mnaikanusha?
56:82Juzuu 27 · uk. 537
وَتَجْعَلُونَ رِزْقَكُمْ أَنَّكُمْ تُكَذِّبُونَ82
Na je mnaifanya shukrani yenu kwa neema za Mola wenu ni kuwa nyinyi mnazikanusha na kukufuru? Hapa pana makaripio kwa anayedharau amri za Qur’ani na kutojali mwito wake.
56:83Juzuu 27 · uk. 537
فَلَوْلَا إِذَا بَلَغَتِ الْحُلْقُومَ83
Basi je mnaweza pindi roho ya mmoja wenu inapofika kwenye koo katika uchungu wa kifo,
56:84Juzuu 27 · uk. 537
وَأَنْتُمْ حِينَئِذٍ تَنْظُرُونَ84
na hali nyinyi mmehudhuria mnamtazama, kuizuia roho yake ndani ya mwili wake? Hamtaweza hilo!
56:85Juzuu 27 · uk. 537
وَنَحْنُ أَقْرَبُ إِلَيْهِ مِنْكُمْ وَلَٰكِنْ لَا تُبْصِرُونَ85
Na sisi tuko karibu na yeye zaidi, kupitia Malaika wetu, kuliko nyinyi, lakini nyinyi hamuwaoni.
56:86Juzuu 27 · uk. 537
فَلَوْلَا إِنْ كُنْتُمْ غَيْرَ مَدِينِينَ86
Na je mnaweza, iwapo nyinyi si wenye kuhesabiwa wala kulipwa kwa matendo yenu,
56:87Juzuu 27 · uk. 537
تَرْجِعُونَهَا إِنْ كُنْتُمْ صَادِقِينَ87
kuirudisha roho kwenye mwili, iwapo nyinyi ni wakweli? Hamtaweza kuirudisha.
56:88Juzuu 27 · uk. 537
فَأَمَّا إِنْ كَانَ مِنَ الْمُقَرَّبِينَ88
Basi iwapo yule anayekufa ni kati ya watu wa upande wa kulia, atapata rehema kunjufu na furaha,
56:89Juzuu 27 · uk. 537
فَرَوْحٌ وَرَيْحَانٌ وَجَنَّتُ نَعِيمٍ89
wakati wa kufa kwake, na kila kinachoifurahisha nafsi yake, Na atapata Pepo ya starehe huko Akhera.
56:90Juzuu 27 · uk. 537
وَأَمَّا إِنْ كَانَ مِنْ أَصْحَابِ الْيَمِينِ90
Na iwapo yule anayekufa ni kati ya watu wa upande wa kulia,
56:91Juzuu 27 · uk. 537
فَسَلَامٌ لَكَ مِنْ أَصْحَابِ الْيَمِينِ91
ataambiwa, «Umesalimika na kuwa kwenye amani, kwa kuwa wewe ni miongoni mwa watu wa upande wa kulia.»
56:92Juzuu 27 · uk. 537
وَأَمَّا إِنْ كَانَ مِنَ الْمُكَذِّبِينَ الضَّالِّينَ92
Na iwapo yule anayekufa ni miongoni mwa wenye kukanusha kufufuliwa, waliopotoka na njia ya uongofu,
56:93Juzuu 27 · uk. 537
فَنُزُلٌ مِنْ حَمِيمٍ93
basi atapata makaribisho ya kinywaji cha moto wa Jahanamu kilichochemshwa, kilicho na joto hadi ya mwisho,
56:94Juzuu 27 · uk. 537
وَتَصْلِيَةُ جَحِيمٍ94
na atachomwa na Moto na aungulike na adhabu yake kali.
56:95Juzuu 27 · uk. 537
إِنَّ هَٰذَا لَهُوَ حَقُّ الْيَقِينِ95
Hakika habari hii tumezokuelezea, ewe Mtume, ni ukweli wa yakini usio na shaka.
56:96Juzuu 27 · uk. 537
فَسَبِّحْ بِاسْمِ رَبِّكَ الْعَظِيمِ96
Basi litakase jina la Mola wako Aliyetukuka na umtakase na yale ambayo madhalimu na wenye kukanusha wanayasema. Mwenyezi Mungu Yuko juu ya yale wanayoyasema ujuu mkubwa sana.