92:1Juzuu 30 · uk. 595
وَاللَّيْلِ إِذَا يَغْشَىٰ1
Mwenyezi Mungu Anaapa kwa usiku unapoifinika ardhi na vilivyoko juu yake kwa giza lake.
Al-Layl
سورة الليل
Sura 92 · Makki · 21 aya
92:2Juzuu 30 · uk. 595
وَالنَّهَارِ إِذَا تَجَلَّىٰ2
Na kwa mchana unapofunuka mwangaza wake kutoka kwenye giza la usiku.
92:3Juzuu 30 · uk. 595
وَمَا خَلَقَ الذَّكَرَ وَالْأُنْثَىٰ3
Na kwa kuumba mbea mbili: ya kiume na ya kike,
92:4Juzuu 30 · uk. 595
إِنَّ سَعْيَكُمْ لَشَتَّىٰ4
Kuwa vitendo vyenu vinatofautiana: kuna wenye kufanyia dunia na wenye kufanyia Akhera.
92:5Juzuu 30 · uk. 595
فَأَمَّا مَنْ أَعْطَىٰ وَاتَّقَىٰ5
Ama mwenye kutoa kwenye mali yake, akamcha Mwenyezi Mungu katika huko kutoa,
92:6Juzuu 30 · uk. 595
وَصَدَّقَ بِالْحُسْنَىٰ6
akaamini «Lā Ilāha Illā Allāh» na yanayotakiwa na Imani hiyo na akaamini malipo yanayofungamana nayo,
92:7Juzuu 30 · uk. 595
فَسَنُيَسِّرُهُ لِلْيُسْرَىٰ7
Tutamuongoza na kumuafikia njia za kheri na wema na kumsahilishia mambo yake.
92:8Juzuu 30 · uk. 595
وَأَمَّا مَنْ بَخِلَ وَاسْتَغْنَىٰ8
Na ama mwenye kuyafanyia ubakhili mali yake, asiwe na haja ya malipo ya Mola wake,
92:9Juzuu 30 · uk. 595
وَكَذَّبَ بِالْحُسْنَىٰ9
akakanusha neno la «Lā Ilāha Illā Allāh» na yanayotakiwa na neno hilo na akakanusha malipo yanayofungamana nalo,
92:10Juzuu 30 · uk. 596
فَسَنُيَسِّرُهُ لِلْعُسْرَىٰ10
Tutamnyoshea njia za mateso.
92:11Juzuu 30 · uk. 596
وَمَا يُغْنِي عَنْهُ مَالُهُ إِذَا تَرَدَّىٰ11
Wala hayatamfaa yeye mali yake aliyoyafanyia ubakhili atakapotumbukia Motoni.
92:12Juzuu 30 · uk. 596
إِنَّ عَلَيْنَا لَلْهُدَىٰ12
Ni juu Yetu, kwa fadhila Zetu na busara Yetu, kueleza njia ya uongofu yenye kufikisha kwa Mwenyezi Mungu na ya upotevu.
92:13Juzuu 30 · uk. 596
وَإِنَّ لَنَا لَلْآخِرَةَ وَالْأُولَىٰ13
Na Sisi Tuna mamlaka ya maisha ya Akhera na maisha ya ulimwenguni.
92:14Juzuu 30 · uk. 596
فَأَنْذَرْتُكُمْ نَارًا تَلَظَّىٰ14
Ndipo nikawaonya , enyi watu, na kuwatisha moto wenye kuwaka, nao ni moto wa Jahanamu.
92:15Juzuu 30 · uk. 596
لَا يَصْلَاهَا إِلَّا الْأَشْقَى15
Hataingia Moto huo isipokuwa aliyekuwa mbaya sana. Mwenye kumkanusha Nabii Muhammad, rehema ya Mwenyezi Mungu na amani zimshukie,
92:16Juzuu 30 · uk. 596
الَّذِي كَذَّبَ وَتَوَلَّىٰ16
na akakataa kumwamini na kumtii Mwenyezi Mungu na Mtume wake.
92:17Juzuu 30 · uk. 596
وَسَيُجَنَّبُهَا الْأَتْقَى17
Na ataepushwa nao mchaji Mwenyezi Mungu sana.
92:18Juzuu 30 · uk. 596
الَّذِي يُؤْتِي مَالَهُ يَتَزَكَّىٰ18
Ambaye hutoa mali yake kwa kutaka nyongeza za kheri
92:19Juzuu 30 · uk. 596
وَمَا لِأَحَدٍ عِنْدَهُ مِنْ نِعْمَةٍ تُجْزَىٰ19
kutoa Kwake si kwa kulipa zema alizofanyiwa na mtu.
92:20Juzuu 30 · uk. 596
إِلَّا ابْتِغَاءَ وَجْهِ رَبِّهِ الْأَعْلَىٰ20
Lakini anatoa kwa kutaka uso wa Mola wake na radhi zake. Basi Mwenyezi Mungu atampa,
92:21Juzuu 30 · uk. 596
وَلَسَوْفَ يَرْضَىٰ21
huko Peponi, malipo ya kumridhisha.