وَالْعَادِيَاتِ ضَبْحًا1
Mwenyezi Mungu Anaapa kwa farasi wenye kwenda shoti katika njia Yake kumkabili adui, wakitoa sauti kwa kasi ya kukimbia. Haifai kwa kiumbe kuapa kwa asiyekuwa Mwenyezi Mungu. Kuapa kwa asiyekuwa Mwenyezi Mungu ni ushirikina.
فَالْمُورِيَاتِ قَدْحًا2
Na wenye kutoa cheche za moto kwa kwato zao ngumu wanapokimbia kwa kasi.
فَالْمُغِيرَاتِ صُبْحًا3
Wenye kushambulia maadui kipindi cha asubuhi.
فَأَثَرْنَ بِهِ نَقْعًا4
Wakarusha vumbi kwa mbio zao.
فَوَسَطْنَ بِهِ جَمْعًا5
Wakautia kati, kwa kuuzunguka kwa vipando vyao, mkusanyiko wa maadui.
إِنَّ الْإِنْسَانَ لِرَبِّهِ لَكَنُودٌ6
Hakika binadamu ni mkanushaji sana neema za Mola wake.
وَإِنَّهُ عَلَىٰ ذَٰلِكَ لَشَهِيدٌ7
Na yeye anakubali ukanushaji wake.
وَإِنَّهُ لِحُبِّ الْخَيْرِ لَشَدِيدٌ8
Na yeye ana pupa sana la mali.
۞ أَفَلَا يَعْلَمُ إِذَا بُعْثِرَ مَا فِي الْقُبُورِ9
Kwani binadamu hajui linalomngojea mbele yake, pindi Mwenyezi Mungu Atakapowatoa wafu makaburini waende kuhesabiwa na kulipwa?
وَحُصِّلَ مَا فِي الصُّدُورِ10
Na (kwani yeye hajui) yakatolewa yaliyo ndani ya vifua: mema au maovu?.
إِنَّ رَبَّهُمْ بِهِمْ يَوْمَئِذٍ لَخَبِيرٌ11
Hakika Mola wao kwao na kwa amali zao, Siku Hiyo, ni Mtambuzi; hakuna chenye kufichamana Kwake.
