77:1Juzuu 29 · uk. 580
وَالْمُرْسَلَاتِ عُرْفًا1
Anaapa Mwenyezi Mungu kwa upepo unapovuma kwa mfululizo, huu baada ya huu.
Al-Mursalat
سورة المرسلات
Sura 77 · Makki · 50 aya
77:2Juzuu 29 · uk. 580
فَالْعَاصِفَاتِ عَصْفًا2
Na kwa upepo wenye kuvuma kwa ukali wenye kuangamiza.
77:3Juzuu 29 · uk. 580
وَالنَّاشِرَاتِ نَشْرًا3
Na kwa Malaika waliopewa jukumu la mawingu, wakawa wayapeleka pale anapotaka Mwenyezi Mungu.
77:4Juzuu 29 · uk. 580
فَالْفَارِقَاتِ فَرْقًا4
Na kwa Malaika wanaoshuka, kutoka kwa Mwenyezi Mungu,
77:5Juzuu 29 · uk. 580
فَالْمُلْقِيَاتِ ذِكْرًا5
na amri zinazopambanua baina ya haki na batili na halali na haramu.
77:6Juzuu 29 · uk. 580
عُذْرًا أَوْ نُذْرًا6
Na kwa Malaika wanaoupokea wahyi kutoka kwa Mwenyezi Mungu na kuuteremsha kwa Manabii Wake, unaowapa viumbe wake udhuru kutoka kwa Mwenyezi Mungu na pia onyo kutoka Kwake, ili watu wasiwe na hoja.
77:7Juzuu 29 · uk. 580
إِنَّمَا تُوعَدُونَ لَوَاقِعٌ7
Hakika jambo la Kiyama mnaloahidiwa pamoja na lile la kuhesabiwa na kulipwa ni lenye kuwa hapana shaka.
77:8Juzuu 29 · uk. 580
فَإِذَا النُّجُومُ طُمِسَتْ8
Basi nyota zitakapofutwa na mwangaza wake ukaondoka,
77:9Juzuu 29 · uk. 580
وَإِذَا السَّمَاءُ فُرِجَتْ9
na mbingu zitakapopasuka,
77:10Juzuu 29 · uk. 580
وَإِذَا الْجِبَالُ نُسِفَتْ10
na majabali yatakapopeperuka na kukueanea huku na kule na yakawa ni mapepe yanayorushwa na upepo,
77:11Juzuu 29 · uk. 580
وَإِذَا الرُّسُلُ أُقِّتَتْ11
Na Mitume watapowekewa wakati na muda wa baina yao na ummah wao na kusemwe,
77:12Juzuu 29 · uk. 580
لِأَيِّ يَوْمٍ أُجِّلَتْ12
«Ni Siku kubwa gani Mitume wameahirishiwa?»
77:13Juzuu 29 · uk. 580
لِيَوْمِ الْفَصْلِ13
Wameahirishiwa Siku ya hukumu na uamuzi baina ya viumbe.
77:14Juzuu 29 · uk. 580
وَمَا أَدْرَاكَ مَا يَوْمُ الْفَصْلِ14
Na nilipi lililokujulisha wewe, ewe binadamu, ni siku gani hiyo ya kutolewa uamuzi na ni zipi shida zake na vituko vyake?
77:15Juzuu 29 · uk. 580
وَيْلٌ يَوْمَئِذٍ لِلْمُكَذِّبِينَ15
Maangamivu makubwa Siku hiyo ni ya wale waliyoikanusha Siku hii iliyoahidiwa.
77:16Juzuu 29 · uk. 580
أَلَمْ نُهْلِكِ الْأَوَّلِينَ16
Kwani hatukuawaangamiza walitangulia kati ya umma waliopita kwa kuwakanusha kwao Mitume, kama vile watu wa Nūḥ, ‘Ād na Thamūd?
77:17Juzuu 29 · uk. 580
ثُمَّ نُتْبِعُهُمُ الْآخِرِينَ17
Kisha tutawakutanisha na wao wale waliokuja nyuma kati ya wale waliokuwa ni kama wao katika ukanushaji na uasi.
77:18Juzuu 29 · uk. 580
كَذَٰلِكَ نَفْعَلُ بِالْمُجْرِمِينَ18
Mfano wa uangamizaji huo mkali ndivyo tutakavyowafanya wahalifu kati ya makafiri wa Makkah, kwa kumkanusha kwao Mtume, rehema ya Mwenyezi Mungu na amani zimshukie.
77:19Juzuu 29 · uk. 580
وَيْلٌ يَوْمَئِذٍ لِلْمُكَذِّبِينَ19
Maangamivu na adhabu kali Siku ya Kiyama kwa kila mwenye kuukanusha upweke wa Mwenyezi Mungu, unabii, kufufuliwa na kuhesabiwa.
77:20Juzuu 29 · uk. 581
أَلَمْ نَخْلُقْكُمْ مِنْ مَاءٍ مَهِينٍ20
Je kwani sisi hatukuwaumba nyinyi, enyi mkusanyiko wa makafiri, kutokana na maji dhaifu yaliyo matwevu nayo ni tone la manii,
77:21Juzuu 29 · uk. 581
فَجَعَلْنَاهُ فِي قَرَارٍ مَكِينٍ21
tukayaweka maji haya kwenye mahali palipohifadhika, napo ni kizazi cha mwanamke,
77:22Juzuu 29 · uk. 581
إِلَىٰ قَدَرٍ مَعْلُومٍ22
mpaka kipindi maalumu kinachojulikana na Mwenyezi Mungu Aliyetukuka?
77:23Juzuu 29 · uk. 581
فَقَدَرْنَا فَنِعْمَ الْقَادِرُونَ23
Tukaweza kumuumba, kumtia sura na kumtoa. Basi bora wa wenye kuweza ni s isi.
77:24Juzuu 29 · uk. 581
وَيْلٌ يَوْمَئِذٍ لِلْمُكَذِّبِينَ24
Maangamivu na adhabu kali Siku ya Kiyama kwa wenye kukanusha uweza wetu.
77:25Juzuu 29 · uk. 581
أَلَمْ نَجْعَلِ الْأَرْضَ كِفَاتًا25
Je kwani hatukuifanya hii ardhi mnayoishi juu yake
77:26Juzuu 29 · uk. 581
أَحْيَاءً وَأَمْوَاتًا26
ikusanye juu ya mgongo wake walio hai wasiohesabika, na ndani ya matumbo yake wafu wasiodhibitika, na
77:27Juzuu 29 · uk. 581
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُمْ مَاءً فُرَاتًا27
tukajaalia iwe na majabali yaliyojikita yaliyo marefu ili isitikisike na nyinyi, na tukawanywesha maji tamu yaliyo mazuri?
77:28Juzuu 29 · uk. 581
وَيْلٌ يَوْمَئِذٍ لِلْمُكَذِّبِينَ28
Maangamivu na adhabu kali Siku ya Kiyama kwa waliozikanusha neema hizi.
77:29Juzuu 29 · uk. 581
انْطَلِقُوا إِلَىٰ مَا كُنْتُمْ بِهِ تُكَذِّبُونَ29
Wataambiwa makafiri Siku ya Kiyama, «Endeni kwenye adhabu ya moto wa Jahanamu mliokuwa mkiukanusha duniani.
77:30Juzuu 29 · uk. 581
انْطَلِقُوا إِلَىٰ ظِلٍّ ذِي ثَلَاثِ شُعَبٍ30
Endeni mjifinike kwenye kivuli cha moshi wa moto wa Jahanamu ambacho hapo panachembuka vipande vitatu.
77:31Juzuu 29 · uk. 581
لَا ظَلِيلٍ وَلَا يُغْنِي مِنَ اللَّهَبِ31
Kivuli hiko hakimfanyi mtu ahifadhike na joto la Siku hiyo wala hakizuii muwako wa Moto chochote.
77:32Juzuu 29 · uk. 581
إِنَّهَا تَرْمِي بِشَرَرٍ كَالْقَصْرِ32
Hakika moto wa Jahanamu unarusha macheche makubwa ya moto, kila cheche moja katika hayo ni kama jengo lililoimarishwa katika ukubwa na urefu wa kuenda juu.
77:33Juzuu 29 · uk. 581
كَأَنَّهُ جِمَالَتٌ صُفْرٌ33
Kama kwamba hizo cheche za moto wa Jahanamu zinazopaa juu ni ngamia weusi ambao rangi yao imeingia kwenye umanjano.»
77:34Juzuu 29 · uk. 581
وَيْلٌ يَوْمَئِذٍ لِلْمُكَذِّبِينَ34
Maangamivu na adhabu kali kwa wenye kukanusha mateso yaliyoahidiwa na Mwenyezi Mungu.
77:35Juzuu 29 · uk. 581
هَٰذَا يَوْمُ لَا يَنْطِقُونَ35
Hii ndiyo Siku ya Kiyama ambayo wakanushaji hawatatamka maneno ya kuwanufaisha
77:36Juzuu 29 · uk. 581
وَلَا يُؤْذَنُ لَهُمْ فَيَعْتَذِرُونَ36
wala hawatapewa idhini ya kusema wakatoa nyudhuru, kwa kuwa hawatakuwa na udhuru wowote.
77:37Juzuu 29 · uk. 581
وَيْلٌ يَوْمَئِذٍ لِلْمُكَذِّبِينَ37
Maangamivu na adhabu kali kwa wenye kuikanusha siku hii na yaliyomo ndani yake.
77:38Juzuu 29 · uk. 581
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ38
Hii ni Siku ambayo Mwenyezi Mungu Atatoa uamuzi baina ya viumbe, na ukweli na ubatilifu utapambanuka. Tutawakusanya nyinyi Siku hiyo, enyi makafiri wa ummah huu, pamoja na makafiri wa mwanzo miongoni mwa ummah waliopita.
77:39Juzuu 29 · uk. 581
فَإِنْ كَانَ لَكُمْ كَيْدٌ فَكِيدُونِ39
Basi mkiwa na hila za kujitoa na adhabu, tumieni hila zenu na mziokoe nafsi zenu na msukosuko wa Mwenyezi Mungu na mateso Yake.
77:40Juzuu 29 · uk. 581
وَيْلٌ يَوْمَئِذٍ لِلْمُكَذِّبِينَ40
Maangamivu na adhabu kali Siku ya Kiyama kwa wenye kuikanusha Siku ya Kiyama.
77:41Juzuu 29 · uk. 581
إِنَّ الْمُتَّقِينَ فِي ظِلَالٍ وَعُيُونٍ41
Hakika ya wale waliomuogopa Mola wao duniani na wakaiogopa adhabu Yake kwa kufuata amri Zake na kujiepusha na makatazo Yake. Wao Siku ya Kiyama watakuwa kwenye vivuli vya miti vilivyonyoka, na chemchemi za maji zinazotembea,
77:42Juzuu 29 · uk. 581
وَفَوَاكِهَ مِمَّا يَشْتَهُونَ42
na matunda mengi yanayopendwa na nafsi zao ambayo wao wanastarehe nayo. Hapo waambiwe,
77:43Juzuu 29 · uk. 581
كُلُوا وَاشْرَبُوا هَنِيئًا بِمَا كُنْتُمْ تَعْمَلُونَ43
«Kuleni chakula chenye ladha na mnyweni kinywaji chenye kufurahisha kwa sababu ya matendo mema mliyoyatanguliza duniani.»
77:44Juzuu 29 · uk. 581
إِنَّا كَذَٰلِكَ نَجْزِي الْمُحْسِنِينَ44
Sisi, kwa mfano wa malipo hayo makubwa, tutawalipa watu wema katika matendo yao na utiifu wao kwetu.
77:45Juzuu 29 · uk. 581
وَيْلٌ يَوْمَئِذٍ لِلْمُكَذِّبِينَ45
Maangamivu na adhabu kali Siku ya Kiyama kwa wenye kuikanusha Siku ya Malipo na Hesabu, na kuzikanusha sterehe na mateso yaliyomo Siku hiyo.
77:46Juzuu 29 · uk. 581
كُلُوا وَتَمَتَّعُوا قَلِيلًا إِنَّكُمْ مُجْرِمُونَ46
Kisha Mwenyezi Mungu Akawaonya makafiri kwa kusema, «Kuleni aina ya vyakula vya ladha duniani na stareheni kwa matamanio yake yenye kumalizika kwa muda mchache, hakika nyinyi ni wahalifu kwa kumshirikisha kwenu Mwenyezi Mungu.»
77:47Juzuu 29 · uk. 581
وَيْلٌ يَوْمَئِذٍ لِلْمُكَذِّبِينَ47
Maangamivu na adhabu kali Siku ya Kiyama kwa wenye kuikanusha Siku ya kuhesabiwa na kulipwa.
77:48Juzuu 29 · uk. 581
وَإِذَا قِيلَ لَهُمُ ارْكَعُوا لَا يَرْكَعُونَ48
Na wanapoambiwa hawa washirikina, «Mswalieni Mwenyezi Mungu na mnyenyekeeni,» hawanyenyekei wala hawaswali, bali wanaendelea kuonyesha kiburi chao.
77:49Juzuu 29 · uk. 581
وَيْلٌ يَوْمَئِذٍ لِلْمُكَذِّبِينَ49
Maangamivu na adhabu kali Siku ya Kiyama kwa wenye kuzikanusha aya za Mwenyezi Mungu.
77:50Juzuu 29 · uk. 581
فَبِأَيِّ حَدِيثٍ بَعْدَهُ يُؤْمِنُونَ50
Iwapo wao hawataiamini hii Qur’ani, basi wataamini kitabu gani na maneno gani baada yake? Na Qur’ani yenyewe ni Kitabu kilichobainisha kila kitu, kilicho wazi katika hekima zake, hukumu zake na habari zake, chenye kushinda katika matamko yake na maana yake.