37:1ജുസ്‌അ് 23 · പേ. 446
وَالصَّافَّاتِ صَفًّا1
ശരിക്ക് അണിനിരന്നു നില്‍ക്കുന്നവരും,
As-Saffat
سورة الصافات
സൂറ 37 · മക്കി · 182 ആയത്തുകൾ
37:2ജുസ്‌അ് 23 · പേ. 446
فَالزَّاجِرَاتِ زَجْرًا2
എന്നിട്ട് ശക്തിയായി തടയുന്നവരും,
37:3ജുസ്‌അ് 23 · പേ. 446
فَالتَّالِيَاتِ ذِكْرًا3
എന്നിട്ട് കീര്‍ത്തനം ചൊല്ലുന്നവരുമായ മലക്കുകളെ തന്നെയാണ സത്യം;
37:4ജുസ്‌അ് 23 · പേ. 446
إِنَّ إِلَٰهَكُمْ لَوَاحِدٌ4
തീര്‍ച്ചയായും നിങ്ങളുടെ ദൈവം ഏകന്‍ തന്നെയാകുന്നു.
37:5ജുസ്‌അ് 23 · പേ. 446
رَبُّ السَّمَاوَاتِ وَالْأَرْضِ وَمَا بَيْنَهُمَا وَرَبُّ الْمَشَارِقِ5
അതെ, ആകാശങ്ങളുടെയും ഭൂമിയുടെയും അവയ്ക്കിടയിലുള്ളതിന്‍റെയും രക്ഷിതാവും, ഉദയസ്ഥാനങ്ങളുടെ രക്ഷിതാവും ആയിട്ടുള്ളവന്‍.
37:6ജുസ്‌അ് 23 · പേ. 446
إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ6
തീര്‍ച്ചയായും അടുത്തുള്ള ആകാശത്തെ നാം നക്ഷത്രാലങ്കാരത്താല്‍ മോടിപിടിപ്പിച്ചിരിക്കുന്നു.
37:7ജുസ്‌അ് 23 · പേ. 446
وَحِفْظًا مِنْ كُلِّ شَيْطَانٍ مَارِدٍ7
ധിക്കാരിയായ ഏതു പിശാചില്‍ നിന്നും (അതിനെ) സുരക്ഷിതമാക്കുകയും ചെയ്തിരിക്കുന്നു.
37:8ജുസ്‌അ് 23 · പേ. 446
لَا يَسَّمَّعُونَ إِلَى الْمَلَإِ الْأَعْلَىٰ وَيُقْذَفُونَ مِنْ كُلِّ جَانِبٍ8
അത്യുന്നതമായ സമൂഹത്തിന്‍റെ നേരെ അവര്‍ക്ക് (പിശാചുക്കള്‍ക്ക്‌) ചെവികൊടുത്തു കേള്‍ക്കാനാവില്ല. എല്ലാവശത്തു നിന്നും അവര്‍ എറിഞ്ഞ് ഓടിക്കപ്പെടുകയും ചെയ്യും;
37:9ജുസ്‌അ് 23 · പേ. 446
دُحُورًا ۖ وَلَهُمْ عَذَابٌ وَاصِبٌ9
ബഹിഷ്കൃതരായിക്കൊണ്ട് അവര്‍ക്ക് ശാശ്വതമായ ശിക്ഷയുമുണ്ട്‌.
37:10ജുസ്‌അ് 23 · പേ. 446
إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ10
പക്ഷെ, ആരെങ്കിലും പെട്ടെന്ന് വല്ലതും റാഞ്ചിഎടുക്കുകയാണെങ്കില്‍ തുളച്ച് കടക്കുന്ന ഒരു തീജ്വാല അവനെ പിന്തുടരുന്നതാണ്‌.
37:11ജുസ്‌അ് 23 · പേ. 446
فَاسْتَفْتِهِمْ أَهُمْ أَشَدُّ خَلْقًا أَمْ مَنْ خَلَقْنَا ۚ إِنَّا خَلَقْنَاهُمْ مِنْ طِينٍ لَازِبٍ11
ആകയാല്‍ (നബിയേ,) നീ അവരോട് (ആ നിഷേധികളോട്‌) അഭിപ്രായം ആരായുക: സൃഷ്ടിക്കാന്‍ ഏറ്റവും പ്രയാസമുള്ളത് അവരെയാണോ, അതല്ല, നാം സൃഷ്ടിച്ചിട്ടുള്ള മറ്റു സൃഷ്ടികളെയാണോ? തീര്‍ച്ചയായും നാം അവരെ സൃഷ്ടിച്ചിരിക്കുന്നത് പശിമയുള്ള കളിമണ്ണില്‍ നിന്നാകുന്നു.
37:12ജുസ്‌അ് 23 · പേ. 446
بَلْ عَجِبْتَ وَيَسْخَرُونَ12
പക്ഷെ, നിനക്ക് അത്ഭുതം തോന്നി. അവരാകട്ടെ പരിഹസിക്കുകയും ചെയ്യുന്നു.
37:13ജുസ്‌അ് 23 · പേ. 446
وَإِذَا ذُكِّرُوا لَا يَذْكُرُونَ13
അവര്‍ക്ക് ഉപദേശം നല്‍കപ്പെട്ടാല്‍ അവര്‍ ആലോചിക്കുന്നില്ല.
37:14ജുസ്‌അ് 23 · പേ. 446
وَإِذَا رَأَوْا آيَةً يَسْتَسْخِرُونَ14
അവര്‍ ഏതൊരു ദൃഷ്ടാന്തം കണ്ടാലും തമാശയാക്കിക്കളയുന്നു.
37:15ജുസ്‌അ് 23 · പേ. 446
وَقَالُوا إِنْ هَٰذَا إِلَّا سِحْرٌ مُبِينٌ15
അവര്‍ പറയും: ഇത് പ്രത്യക്ഷമായ ഒരു ജാലവിദ്യ മാത്രമാകുന്നു എന്ന്.
37:16ജുസ്‌അ് 23 · പേ. 446
أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ16
(അവര്‍ പറയും:) മരിച്ച് മണ്ണും അസ്ഥിശകലങ്ങളുമായിക്കഴിഞ്ഞാല്‍ ഞങ്ങള്‍ ഉയിര്‍ത്തെഴുന്നേല്‍പിക്കപ്പെടുക തന്നെ ചെയ്യുമോ?
37:17ജുസ്‌അ് 23 · പേ. 446
أَوَآبَاؤُنَا الْأَوَّلُونَ17
ഞങ്ങളുടെ പൂര്‍വ്വപിതാക്കളും (ഉയിര്‍ത്തെഴുന്നേല്‍പിക്കപ്പെടുമോ?)
37:18ജുസ്‌അ് 23 · പേ. 446
قُلْ نَعَمْ وَأَنْتُمْ دَاخِرُونَ18
പറയുക: അതെ. (അന്ന്‌) നിങ്ങള്‍ അപമാനിതരാകുകയും ചെയ്യും.
37:19ജുസ്‌അ് 23 · പേ. 446
فَإِنَّمَا هِيَ زَجْرَةٌ وَاحِدَةٌ فَإِذَا هُمْ يَنْظُرُونَ19
എന്നാല്‍ അത് ഒരു ഘോരശബ്ദം മാത്രമായിരിക്കും. അപ്പോഴതാ അവര്‍ (എഴുന്നേറ്റ് നിന്ന്) നോക്കുന്നു.
37:20ജുസ്‌അ് 23 · പേ. 446
وَقَالُوا يَا وَيْلَنَا هَٰذَا يَوْمُ الدِّينِ20
അവര്‍ പറയും: അഹോ! ഞങ്ങള്‍ക്ക് കഷ്ടം! ഇത് പ്രതിഫലത്തിന്‍റെ ദിനമാണല്ലോ!
37:21ജുസ്‌അ് 23 · പേ. 446
هَٰذَا يَوْمُ الْفَصْلِ الَّذِي كُنْتُمْ بِهِ تُكَذِّبُونَ21
(അവര്‍ക്ക് മറുപടി നല്‍കപ്പെടും:) അതെ; നിങ്ങള്‍ നിഷേധിച്ച് തള്ളിക്കളഞ്ഞിരുന്ന നിര്‍ണായകമായ തീരുമാനത്തിന്‍റെ ദിവസമത്രെ ഇത്.
37:22ജുസ്‌അ് 23 · പേ. 446
۞ احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ22
(അപ്പോള്‍ അല്ലാഹുവിന്‍റെ കല്‍പനയുണ്ടാകും;) അക്രമം ചെയ്തവരെയും അവരുടെ ഇണകളെയും അവര്‍ ആരാധിച്ചിരുന്നവയെയും നിങ്ങള്‍ ഒരുമിച്ചുകൂട്ടുക.
37:23ജുസ്‌അ് 23 · പേ. 446
مِنْ دُونِ اللَّهِ فَاهْدُوهُمْ إِلَىٰ صِرَاطِ الْجَحِيمِ23
അല്ലാഹുവിനു പുറമെ. എന്നിട്ട് അവരെ നിങ്ങള്‍ നരകത്തിന്‍റെ വഴിയിലേക്ക് നയിക്കുക.
37:24ജുസ്‌അ് 23 · പേ. 446
وَقِفُوهُمْ ۖ إِنَّهُمْ مَسْئُولُونَ24
അവരെ നിങ്ങളൊന്നു നിര്‍ത്തുക. അവരോട് ചോദ്യം ചെയ്യേണ്ടതാകുന്നു.
37:25ജുസ്‌അ് 23 · പേ. 447
مَا لَكُمْ لَا تَنَاصَرُونَ25
നിങ്ങള്‍ക്ക് എന്തുപറ്റി? നിങ്ങള്‍ പരസ്പരം സഹായിക്കുന്നില്ലല്ലോ എന്ന്
37:26ജുസ്‌അ് 23 · പേ. 447
بَلْ هُمُ الْيَوْمَ مُسْتَسْلِمُونَ26
അല്ല, അവര്‍ ആ ദിവസത്തില്‍ കീഴടങ്ങിയവരായിരിക്കും.
37:27ജുസ്‌അ് 23 · പേ. 447
وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ27
അവരില്‍ ചിലര്‍ ചിലരുടെ നേരെ തിരിഞ്ഞ് പരസ്പരം ചോദ്യം ചെയ്യും.
37:28ജുസ്‌അ് 23 · പേ. 447
قَالُوا إِنَّكُمْ كُنْتُمْ تَأْتُونَنَا عَنِ الْيَمِينِ28
അവര്‍ പറയും: തീര്‍ച്ചയായും നിങ്ങള്‍ ഞങ്ങളുടെ അടുത്ത് കൈയ്യൂക്കുമായി വന്ന് (ഞങ്ങളെ സത്യത്തില്‍ നിന്ന് പിന്തിരിപ്പിക്കുകയായിരുന്നു.)
37:29ജുസ്‌അ് 23 · പേ. 447
قَالُوا بَلْ لَمْ تَكُونُوا مُؤْمِنِينَ29
അവര്‍ മറുപടി പറയും: അല്ല, നിങ്ങള്‍ തന്നെ വിശ്വാസികളാവാതിരിക്കുകയാണുണ്ടായത്‌.
37:30ജുസ്‌അ് 23 · പേ. 447
وَمَا كَانَ لَنَا عَلَيْكُمْ مِنْ سُلْطَانٍ ۖ بَلْ كُنْتُمْ قَوْمًا طَاغِينَ30
ഞങ്ങള്‍ക്കാകട്ടെ നിങ്ങളുടെ മേല്‍ ഒരധികാരവും ഉണ്ടായിരുന്നതുമില്ല. പ്രത്യുത, നിങ്ങള്‍ അതിക്രമകാരികളായ ഒരു ജനവിഭാഗമായിരുന്നു.
37:31ജുസ്‌അ് 23 · പേ. 447
فَحَقَّ عَلَيْنَا قَوْلُ رَبِّنَا ۖ إِنَّا لَذَائِقُونَ31
അങ്ങനെ നമ്മുടെ മേല്‍ നമ്മുടെ രക്ഷിതാവിന്‍റെ വചനം യാഥാര്‍ത്ഥ്യമായിതീര്‍ന്നു. തീര്‍ച്ചയായും നാം (ശിക്ഷ) അനുഭവിക്കാന്‍ പോകുകയാണ്‌.
37:32ജുസ്‌അ് 23 · പേ. 447
فَأَغْوَيْنَاكُمْ إِنَّا كُنَّا غَاوِينَ32
അപ്പോള്‍ ഞങ്ങള്‍ നിങ്ങളെ വഴികേടിലെത്തിച്ചിരിക്കുന്നു.(കാരണം) തീര്‍ച്ചയായും ഞങ്ങള്‍ വഴിതെറ്റിയവരായിരുന്നു.
37:33ജുസ്‌അ് 23 · പേ. 447
فَإِنَّهُمْ يَوْمَئِذٍ فِي الْعَذَابِ مُشْتَرِكُونَ33
അപ്പോള്‍ അന്നേ ദിവസം തീര്‍ച്ചയായും അവര്‍ (ഇരുവിഭാഗവും) ശിക്ഷയില്‍ പങ്കാളികളായിരിക്കും.
37:34ജുസ്‌അ് 23 · പേ. 447
إِنَّا كَذَٰلِكَ نَفْعَلُ بِالْمُجْرِمِينَ34
തീര്‍ച്ചയായും നാം കുറ്റവാളികളെക്കൊണ്ട് ചെയ്യുന്നത് അപ്രകാരമാകുന്നു.
37:35ജുസ്‌അ് 23 · പേ. 447
إِنَّهُمْ كَانُوا إِذَا قِيلَ لَهُمْ لَا إِلَٰهَ إِلَّا اللَّهُ يَسْتَكْبِرُونَ35
അല്ലാഹു അല്ലാതെ ഒരു ദൈവവുമില്ല എന്ന് അവരോട് പറയപ്പെട്ടാല്‍ അവര്‍ അഹങ്കാരം നടിക്കുമായിരുന്നു.
37:36ജുസ്‌അ് 23 · പേ. 447
وَيَقُولُونَ أَئِنَّا لَتَارِكُو آلِهَتِنَا لِشَاعِرٍ مَجْنُونٍ36
ഭ്രാന്തനായ ഒരു കവിക്ക് വേണ്ടി ഞങ്ങള്‍ ഞങ്ങളുടെ ദൈവങ്ങളെ ഉപേക്ഷിച്ച് കളയണമോ എന്ന് ചോദിക്കുകയും ചെയ്യുമായിരുന്നു.
37:37ജുസ്‌അ് 23 · പേ. 447
بَلْ جَاءَ بِالْحَقِّ وَصَدَّقَ الْمُرْسَلِينَ37
അല്ല, സത്യവും കൊണ്ടാണ് അദ്ദേഹം വന്നത്‌. (മുമ്പ് വന്ന) ദൈവദൂതന്‍മാരെ അദ്ദേഹം സത്യപ്പെടുത്തുകയും ചെയ്തിരിക്കുന്നു.
37:38ജുസ്‌അ് 23 · പേ. 447
إِنَّكُمْ لَذَائِقُو الْعَذَابِ الْأَلِيمِ38
തീര്‍ച്ചയായും നിങ്ങള്‍ വേദനയേറിയ ശിക്ഷ ആസ്വദിക്കുക തന്നെ ചെയ്യേണ്ടവരാകുന്നു.
37:39ജുസ്‌അ് 23 · പേ. 447
وَمَا تُجْزَوْنَ إِلَّا مَا كُنْتُمْ تَعْمَلُونَ39
നിങ്ങള്‍ പ്രവര്‍ത്തിച്ചിരുന്നതിനു മാത്രമേ നിങ്ങള്‍ക്ക് പ്രതിഫലം നല്‍കപ്പെടുകയുള്ളു.
37:40ജുസ്‌അ് 23 · പേ. 447
إِلَّا عِبَادَ اللَّهِ الْمُخْلَصِينَ40
അല്ലാഹുവിന്‍റെ നിഷ്കളങ്കരായ ദാസന്‍മാര്‍ ഇതില്‍ നിന്ന് ഒഴിവാകുന്നു.
37:41ജുസ്‌അ് 23 · പേ. 447
أُولَٰئِكَ لَهُمْ رِزْقٌ مَعْلُومٌ41
അങ്ങനെയുള്ളവര്‍ക്കാകുന്നു അറിയപ്പെട്ട ഉപജീവനം.
37:42ജുസ്‌അ് 23 · പേ. 447
فَوَاكِهُ ۖ وَهُمْ مُكْرَمُونَ42
വിവിധ തരം പഴവര്‍ഗങ്ങള്‍. അവര്‍ ആദരിക്കപ്പെടുന്നവരായിരിക്കും.
37:43ജുസ്‌അ് 23 · പേ. 447
فِي جَنَّاتِ النَّعِيمِ43
സൌഭാഗ്യത്തിന്‍റെ സ്വര്‍ഗത്തോപ്പുകളില്‍.
37:44ജുസ്‌അ് 23 · പേ. 447
عَلَىٰ سُرُرٍ مُتَقَابِلِينَ44
അവര്‍ ചില കട്ടിലുകളില്‍ പരസ്പരം അഭിമുഖമായി ഇരിക്കുന്നവരായിരിക്കും.
37:45ജുസ്‌അ് 23 · പേ. 447
يُطَافُ عَلَيْهِمْ بِكَأْسٍ مِنْ مَعِينٍ45
ഒരു തരം ഉറവു ജലം നിറച്ച കോപ്പകള്‍ അവരുടെ ചുറ്റും കൊണ്ടു നടക്കപ്പെടും.
37:46ജുസ്‌അ് 23 · പേ. 447
بَيْضَاءَ لَذَّةٍ لِلشَّارِبِينَ46
വെളുത്തതും കുടിക്കുന്നവര്‍ക്ക് ഹൃദ്യവുമായ പാനീയം.
37:47ജുസ്‌അ് 23 · പേ. 447
لَا فِيهَا غَوْلٌ وَلَا هُمْ عَنْهَا يُنْزَفُونَ47
അതില്‍ യാതൊരു ദോഷവുമില്ല. അത് നിമിത്തം അവര്‍ക്ക് ലഹരി ബാധിക്കുകയുമില്ല.
37:48ജുസ്‌അ് 23 · പേ. 447
وَعِنْدَهُمْ قَاصِرَاتُ الطَّرْفِ عِينٌ48
ദൃഷ്ടി നിയന്ത്രിക്കുന്നവരും വിശാലമായ കണ്ണുകളുള്ളവരുമായ സ്ത്രീകള്‍ അവരുടെ അടുത്ത് ഉണ്ടായിരിക്കും.
37:49ജുസ്‌അ് 23 · പേ. 447
كَأَنَّهُنَّ بَيْضٌ مَكْنُونٌ49
സൂക്ഷിച്ചു വെക്കപ്പെട്ട മുട്ടകള്‍ പോലെയിരിക്കും അവര്‍.
37:50ജുസ്‌അ് 23 · പേ. 447
فَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ50
ആ സ്വര്‍ഗവാസികളില്‍ ചിലര്‍ ചിലരുടെ നേരെ തിരിഞ്ഞു കൊണ്ട് പരസ്പരം (പല ചോദ്യങ്ങളും) ചോദിക്കും
37:51ജുസ്‌അ് 23 · പേ. 447
قَالَ قَائِلٌ مِنْهُمْ إِنِّي كَانَ لِي قَرِينٌ51
അവരില്‍ നിന്ന് ഒരു വക്താവ് പറയും: തീര്‍ച്ചയായും എനിക്ക് ഒരു കൂട്ടുകാരനുണ്ടായിരുന്നു.
37:52ജുസ്‌അ് 23 · പേ. 448
يَقُولُ أَإِنَّكَ لَمِنَ الْمُصَدِّقِينَ52
അവന്‍ പറയുമായിരുന്നു: തീര്‍ച്ചയായും നീ (പരലോകത്തില്‍) വിശ്വസിക്കുന്നവരുടെ കൂട്ടത്തില്‍ തന്നെയാണോ?
37:53ജുസ്‌അ് 23 · പേ. 448
أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَدِينُونَ53
നാം മരിച്ചിട്ട് മണ്ണും അസ്ഥിശകലങ്ങളുമായി കഴിഞ്ഞാലും നമുക്ക് നമ്മുടെ കര്‍മ്മഫലങ്ങള്‍ നല്‍കപ്പെടുന്നതാണോ?
37:54ജുസ്‌അ് 23 · പേ. 448
قَالَ هَلْ أَنْتُمْ مُطَّلِعُونَ54
തുടര്‍ന്ന് ആ വക്താവ് (കൂടെയുള്ളവരോട്‌) പറയും: നിങ്ങള്‍ (ആ കൂട്ടുകാരനെ) എത്തിനോക്കാന്‍ ഉദ്ദേശിക്കുന്നുണ്ടോ?
37:55ജുസ്‌അ് 23 · പേ. 448
فَاطَّلَعَ فَرَآهُ فِي سَوَاءِ الْجَحِيمِ55
എന്നിട്ട് അദ്ദേഹം എത്തിനോക്കും. അപ്പോള്‍ അദ്ദേഹം അവനെ നരകത്തിന്‍റെ മദ്ധ്യത്തില്‍ കാണും.
37:56ജുസ്‌അ് 23 · പേ. 448
قَالَ تَاللَّهِ إِنْ كِدْتَ لَتُرْدِينِ56
അദ്ദേഹം (അവനോട്‌) പറയും: അല്ലാഹുവെ തന്നെയാണ! നീ എന്നെ നാശത്തില്‍ അകപ്പെടുത്തുക തന്നെ ചെയ്തേക്കുമായിരുന്നു.
37:57ജുസ്‌അ് 23 · പേ. 448
وَلَوْلَا نِعْمَةُ رَبِّي لَكُنْتُ مِنَ الْمُحْضَرِينَ57
എന്‍റെ രക്ഷിതാവിന്‍റെ അനുഗ്രഹം ഇല്ലായിരുന്നുവെങ്കില്‍ (ആ നരകത്തില്‍) ഹാജരാക്കപ്പെടുന്നവരില്‍ ഞാനും ഉള്‍പെടുമായിരുന്നു.
37:58ജുസ്‌അ് 23 · പേ. 448
أَفَمَا نَحْنُ بِمَيِّتِينَ58
(സ്വര്‍ഗവാസികള്‍ പറയും:) ഇനി നാം മരണപ്പെടുന്നവരല്ലല്ലോ
37:59ജുസ്‌അ് 23 · പേ. 448
إِلَّا مَوْتَتَنَا الْأُولَىٰ وَمَا نَحْنُ بِمُعَذَّبِينَ59
നമ്മുടെ ആദ്യത്തെ മരണമല്ലാതെ. നാം ശിക്ഷിക്കപ്പെടുന്നവരുമല്ല.
37:60ജുസ്‌അ് 23 · പേ. 448
إِنَّ هَٰذَا لَهُوَ الْفَوْزُ الْعَظِيمُ60
തീര്‍ച്ചയായും ഇതു തന്നെയാണ് മഹത്തായ ഭാഗ്യം.
37:61ജുസ്‌അ് 23 · പേ. 448
لِمِثْلِ هَٰذَا فَلْيَعْمَلِ الْعَامِلُونَ61
ഇതുപോലെയുള്ളതിന് വേണ്ടിയാകട്ടെ പ്രവര്‍ത്തകന്‍മാര്‍ പ്രവര്‍ത്തിക്കുന്നത്‌.
37:62ജുസ്‌അ് 23 · പേ. 448
أَذَٰلِكَ خَيْرٌ نُزُلًا أَمْ شَجَرَةُ الزَّقُّومِ62
അതാണോ വിശിഷ്ടമായ സല്‍ക്കാരം? അതല്ല സഖ്ഖൂം വൃക്ഷമാണോ?
37:63ജുസ്‌അ് 23 · പേ. 448
إِنَّا جَعَلْنَاهَا فِتْنَةً لِلظَّالِمِينَ63
തീര്‍ച്ചയായും അതിനെ നാം അക്രമകാരികള്‍ക്ക് ഒരു പരീക്ഷണമാക്കിയിരിക്കുന്നു.
37:64ജുസ്‌അ് 23 · പേ. 448
إِنَّهَا شَجَرَةٌ تَخْرُجُ فِي أَصْلِ الْجَحِيمِ64
നരകത്തിന്‍റെ അടിയില്‍ മുളച്ചു പൊങ്ങുന്ന ഒരു വൃക്ഷമത്രെ അത്.
37:65ജുസ്‌അ് 23 · പേ. 448
طَلْعُهَا كَأَنَّهُ رُءُوسُ الشَّيَاطِينِ65
അതിന്‍റെ കുല പിശാചുക്കളുടെ തലകള്‍ പോലെയിരിക്കും.
37:66ജുസ്‌അ് 23 · പേ. 448
فَإِنَّهُمْ لَآكِلُونَ مِنْهَا فَمَالِئُونَ مِنْهَا الْبُطُونَ66
തീര്‍ച്ചയായും അവര്‍ അതില്‍ നിന്ന് തിന്ന് വയറ് നിറക്കുന്നവരായിരിക്കും.
37:67ജുസ്‌അ് 23 · പേ. 448
ثُمَّ إِنَّ لَهُمْ عَلَيْهَا لَشَوْبًا مِنْ حَمِيمٍ67
പിന്നീട് അവര്‍ക്ക് അതിനു മീതെ ചുട്ടുതിളക്കുന്ന വെള്ളത്തിന്‍റെ ഒരു ചേരുവയുണ്ട്‌.
37:68ജുസ്‌അ് 23 · പേ. 448
ثُمَّ إِنَّ مَرْجِعَهُمْ لَإِلَى الْجَحِيمِ68
പിന്നീട് തീര്‍ച്ചയായും അവരുടെ മടക്കം നരകത്തിലേക്ക് തന്നെയാകുന്നു.
37:69ജുസ്‌അ് 23 · പേ. 448
إِنَّهُمْ أَلْفَوْا آبَاءَهُمْ ضَالِّينَ69
തീര്‍ച്ചയായും അവര്‍ തങ്ങളുടെ പിതാക്കളെ കണ്ടെത്തിയത് വഴിപിഴച്ചവരായിട്ടാണ്‌.
37:70ജുസ്‌അ് 23 · പേ. 448
فَهُمْ عَلَىٰ آثَارِهِمْ يُهْرَعُونَ70
അങ്ങനെ ഇവര്‍ അവരുടെ (പിതാക്കളുടെ) കാല്‍പാടുകളിലൂടെ കുതിച്ചു പായുന്നു.
37:71ജുസ്‌അ് 23 · പേ. 448
وَلَقَدْ ضَلَّ قَبْلَهُمْ أَكْثَرُ الْأَوَّلِينَ71
ഇവര്‍ക്ക് മുമ്പ് പൂര്‍വ്വികരില്‍ അധികപേരും വഴിപിഴച്ചു പോകുക തന്നെയാണുണ്ടായത്‌.
37:72ജുസ്‌അ് 23 · പേ. 448
وَلَقَدْ أَرْسَلْنَا فِيهِمْ مُنْذِرِينَ72
അവരില്‍ നാം താക്കീതുകാരെ നിയോഗിക്കുകയുമുണ്ടായിട്ടുണ്ട്‌.
37:73ജുസ്‌അ് 23 · പേ. 448
فَانْظُرْ كَيْفَ كَانَ عَاقِبَةُ الْمُنْذَرِينَ73
എന്നിട്ട് നോക്കൂ; ആ താക്കീത് നല്‍കപ്പെട്ടവരുടെ പര്യവസാനം എങ്ങനെയായിരുന്നു വെന്ന്‌.
37:74ജുസ്‌അ് 23 · പേ. 448
إِلَّا عِبَادَ اللَّهِ الْمُخْلَصِينَ74
അല്ലാഹുവിന്‍റെ നിഷ്കളങ്കരായ ദാസന്‍മാര്‍ ഒഴികെ.
37:75ജുസ്‌അ് 23 · പേ. 448
وَلَقَدْ نَادَانَا نُوحٌ فَلَنِعْمَ الْمُجِيبُونَ75
നൂഹ് നമ്മെ വിളിക്കുകയുണ്ടായി. അപ്പോള്‍ ഉത്തരം നല്‍കിയവന്‍ എത്ര നല്ലവന്‍!
37:76ജുസ്‌അ് 23 · പേ. 448
وَنَجَّيْنَاهُ وَأَهْلَهُ مِنَ الْكَرْبِ الْعَظِيمِ76
അദ്ദേഹത്തെയും അദ്ദേഹത്തിന്‍റെ ആളുകളെയും നാം വമ്പിച്ച ദുരന്തത്തില്‍ നിന്ന് രക്ഷപ്പെടുത്തി.
37:77ജുസ്‌അ് 23 · പേ. 449
وَجَعَلْنَا ذُرِّيَّتَهُ هُمُ الْبَاقِينَ77
അദ്ദേഹത്തിന്‍റെ സന്തതികളെ നാം (ഭൂമിയില്‍) നിലനില്‍ക്കുന്നവരാക്കുകയും.
37:78ജുസ്‌അ് 23 · പേ. 449
وَتَرَكْنَا عَلَيْهِ فِي الْآخِرِينَ78
പില്‍ക്കാലത്ത് വന്നവരില്‍ അദ്ദേഹത്തെപറ്റിയുള്ള സല്‍കീര്‍ത്തി നാം അവശേഷിപ്പിക്കുകയും ചെയ്തു.
37:79ജുസ്‌അ് 23 · പേ. 449
سَلَامٌ عَلَىٰ نُوحٍ فِي الْعَالَمِينَ79
ലോകരില്‍ നൂഹിന് സമാധാനം!
37:80ജുസ്‌അ് 23 · പേ. 449
إِنَّا كَذَٰلِكَ نَجْزِي الْمُحْسِنِينَ80
തീര്‍ച്ചയായും അപ്രകാരമാണ് സദ്‌വൃത്തന്‍മാര്‍ക്ക് നാം പ്രതിഫലം നല്‍കുന്നത്‌.
37:81ജുസ്‌അ് 23 · പേ. 449
إِنَّهُ مِنْ عِبَادِنَا الْمُؤْمِنِينَ81
തീര്‍ച്ചയായും അദ്ദേഹം നമ്മുടെ സത്യവിശ്വാസികളായ ദാസന്‍മാരുടെ കൂട്ടത്തിലാകുന്നു.
37:82ജുസ്‌അ് 23 · പേ. 449
ثُمَّ أَغْرَقْنَا الْآخَرِينَ82
പിന്നീട് നാം മറ്റുള്ളവരെ മുക്കിനശിപ്പിച്ചു.
37:83ജുസ്‌അ് 23 · പേ. 449
۞ وَإِنَّ مِنْ شِيعَتِهِ لَإِبْرَاهِيمَ83
തീര്‍ച്ചയായും അദ്ദേഹത്തിന്‍റെ കക്ഷികളില്‍ പെട്ട ആള്‍ തന്നെയാകുന്നു ഇബ്രാഹീം.
37:84ജുസ്‌അ് 23 · പേ. 449
إِذْ جَاءَ رَبَّهُ بِقَلْبٍ سَلِيمٍ84
നിഷ്കളങ്കമായ ഹൃദയത്തോടു കൂടി അദ്ദേഹം തന്‍റെ രക്ഷിതാവിങ്കല്‍ വന്ന സന്ദര്‍ഭം (ശ്രദ്ധേയമാകുന്നു.)
37:85ജുസ്‌അ് 23 · പേ. 449
إِذْ قَالَ لِأَبِيهِ وَقَوْمِهِ مَاذَا تَعْبُدُونَ85
തന്‍റെ പിതാവിനോടും ജനതയോടും അദ്ദേഹം ഇപ്രകാരം പറഞ്ഞ സന്ദര്‍ഭം: എന്തൊന്നിനെയാണ് നിങ്ങള്‍ ആരാധിക്കുന്നത്‌?
37:86ജുസ്‌അ് 23 · പേ. 449
أَئِفْكًا آلِهَةً دُونَ اللَّهِ تُرِيدُونَ86
അല്ലാഹുവിന്നു പുറമെ വ്യാജമായി നിങ്ങള്‍ മറ്റു ദൈവങ്ങളെ ആഗ്രഹിക്കുകയാണോ?
37:87ജുസ്‌അ് 23 · പേ. 449
فَمَا ظَنُّكُمْ بِرَبِّ الْعَالَمِينَ87
അപ്പോള്‍ ലോകരക്ഷിതാവിനെപ്പറ്റി നിങ്ങളുടെ വിചാരമെന്താണ്‌?
37:88ജുസ്‌അ് 23 · പേ. 449
فَنَظَرَ نَظْرَةً فِي النُّجُومِ88
എന്നിട്ട് അദ്ദേഹം നക്ഷത്രങ്ങളുടെ നേരെ ഒരു നോട്ടം നോക്കി.
37:89ജുസ്‌അ് 23 · പേ. 449
فَقَالَ إِنِّي سَقِيمٌ89
തുടര്‍ന്ന് അദ്ദേഹം പറഞ്ഞു: തീര്‍ച്ചയായും എനിക്ക് അസുഖമാകുന്നു.
37:90ജുസ്‌അ് 23 · പേ. 449
فَتَوَلَّوْا عَنْهُ مُدْبِرِينَ90
അപ്പോള്‍ അവര്‍ അദ്ദേഹത്തെ വിട്ട് പിന്തിരിഞ്ഞു പോയി.
37:91ജുസ്‌അ് 23 · പേ. 449
فَرَاغَ إِلَىٰ آلِهَتِهِمْ فَقَالَ أَلَا تَأْكُلُونَ91
എന്നിട്ട് അദ്ദേഹം അവരുടെ ദൈവങ്ങളുടെ നേര്‍ക്ക് തിരിഞ്ഞിട്ടു പറഞ്ഞു: നിങ്ങള്‍ തിന്നുന്നില്ലേ?
37:92ജുസ്‌അ് 23 · പേ. 449
مَا لَكُمْ لَا تَنْطِقُونَ92
നിങ്ങള്‍ക്കെന്തുപറ്റി? നിങ്ങള്‍ മിണ്ടുന്നില്ലല്ലോ?
37:93ജുസ്‌അ് 23 · പേ. 449
فَرَاغَ عَلَيْهِمْ ضَرْبًا بِالْيَمِينِ93
തുടര്‍ന്ന് അദ്ദേഹം അവയുടെ നേരെ തിരിഞ്ഞു വലതുകൈ കൊണ്ട് ഊക്കോടെ അവയെ വെട്ടിക്കളഞ്ഞു.
37:94ജുസ്‌അ് 23 · പേ. 449
فَأَقْبَلُوا إِلَيْهِ يَزِفُّونَ94
എന്നിട്ട് അവര്‍ അദ്ദേഹത്തിന്‍റെ അടുത്തേക്ക് കുതിച്ച് ചെന്നു.
37:95ജുസ്‌അ് 23 · പേ. 449
قَالَ أَتَعْبُدُونَ مَا تَنْحِتُونَ95
അദ്ദേഹം പറഞ്ഞു: നിങ്ങള്‍ തന്നെ കൊത്തിയുണ്ടാക്കുന്നവയെയാണോ നിങ്ങള്‍ ആരാധിക്കുന്നത്‌?
37:96ജുസ്‌അ് 23 · പേ. 449
وَاللَّهُ خَلَقَكُمْ وَمَا تَعْمَلُونَ96
അല്ലാഹുവാണല്ലോ നിങ്ങളെയും നിങ്ങള്‍ നിര്‍മിക്കുന്നവയെയും സൃഷ്ടിച്ചത്‌.
37:97ജുസ്‌അ് 23 · പേ. 449
قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ97
അവര്‍ (അന്യോന്യം) പറഞ്ഞു: നിങ്ങള്‍ അവന്ന് (ഇബ്രാഹീമിന്) വേണ്ടി ഒരു ചൂള പണിയുക. എന്നിട്ടവനെ ജ്വലിക്കുന്ന അഗ്നിയില്‍ ഇട്ടേക്കുക.
37:98ജുസ്‌അ് 23 · പേ. 449
فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ98
അങ്ങനെ അദ്ദേഹത്തിന്‍റെ കാര്യത്തില്‍ അവര്‍ ഒരു തന്ത്രം ഉദ്ദേശിച്ചു. എന്നാല്‍ നാം അവരെ ഏറ്റവും അധമന്‍മാരാക്കുകയാണ് ചെയ്തത്‌.
37:99ജുസ്‌അ് 23 · പേ. 449
وَقَالَ إِنِّي ذَاهِبٌ إِلَىٰ رَبِّي سَيَهْدِينِ99
അദ്ദേഹം പറഞ്ഞു: തീര്‍ച്ചയായും ഞാന്‍ എന്‍റെ രക്ഷിതാവിങ്കലേക്ക് പോകുകയാണ്‌. അവന്‍ എനിക്ക് വഴി കാണിക്കുന്നതാണ്‌.
37:100ജുസ്‌അ് 23 · പേ. 449
رَبِّ هَبْ لِي مِنَ الصَّالِحِينَ100
എന്‍റെ രക്ഷിതാവേ, സദ്‌വൃത്തരില്‍ ഒരാളെ നീ എനിക്ക് (പുത്രനായി) പ്രദാനം ചെയ്യേണമേ.
37:101ജുസ്‌അ് 23 · പേ. 449
فَبَشَّرْنَاهُ بِغُلَامٍ حَلِيمٍ101
അപ്പോള്‍ സഹനശീലനായ ഒരു ബാലനെപ്പറ്റി നാം അദ്ദേഹത്തിന് സന്തോഷവാര്‍ത്ത അറിയിച്ചു.
37:102ജുസ്‌അ് 23 · പേ. 449
فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانْظُرْ مَاذَا تَرَىٰ ۚ قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِنْ شَاءَ اللَّهُ مِنَ الصَّابِرِينَ102
എന്നിട്ട് ആ ബാലന്‍ അദ്ദേഹത്തോടൊപ്പം പ്രയത്നിക്കാനുള്ള പ്രായമെത്തിയപ്പോള്‍ അദ്ദേഹം പറഞ്ഞു: എന്‍റെ കുഞ്ഞുമകനേ! ഞാന്‍ നിന്നെ അറുക്കണമെന്ന് ഞാന്‍ സ്വപ്നത്തില്‍ കാണുന്നു. അതുകൊണ്ട് നോക്കൂ: നീ എന്താണ് അഭിപ്രായപ്പെടുന്നത്‌? അവന്‍ പറഞ്ഞു: എന്‍റെ പിതാവേ, കല്‍പിക്കപ്പെടുന്നതെന്തോ അത് താങ്കള്‍ ചെയ്തുകൊള്ളുക. അല്ലാഹു ഉദ്ദേശിക്കുന്ന പക്ഷം ക്ഷമാശീലരുടെ കൂട്ടത്തില്‍ താങ്കള്‍ എന്നെ കണ്ടെത്തുന്നതാണ്‌.
37:103ജുസ്‌അ് 23 · പേ. 450
فَلَمَّا أَسْلَمَا وَتَلَّهُ لِلْجَبِينِ103
അങ്ങനെ അവര്‍ ഇരുവരും (കല്‍പനക്ക്‌) കീഴ്പെടുകയും, അവനെ നെറ്റി (ചെന്നി) മേല്‍ ചെരിച്ചു കിടത്തുകയും ചെയ്ത സന്ദര്‍ഭം!
37:104ജുസ്‌അ് 23 · പേ. 450
وَنَادَيْنَاهُ أَنْ يَا إِبْرَاهِيمُ104
നാം അദ്ദേഹത്തെ വിളിച്ചുപറഞ്ഞു: ഹേ! ഇബ്രാഹീം,
37:105ജുസ്‌അ് 23 · പേ. 450
قَدْ صَدَّقْتَ الرُّؤْيَا ۚ إِنَّا كَذَٰلِكَ نَجْزِي الْمُحْسِنِينَ105
തീര്‍ച്ചയായും നീ സ്വപ്നം സാക്ഷാത്കരിച്ചിരിക്കുന്നു. തീര്‍ച്ചയായും അപ്രകാരമാണ് നാം സദ്‌വൃത്തര്‍ക്ക് പ്രതിഫലം നല്‍കുന്നത്‌.
37:106ജുസ്‌അ് 23 · പേ. 450
إِنَّ هَٰذَا لَهُوَ الْبَلَاءُ الْمُبِينُ106
തീര്‍ച്ചയായും ഇത് സ്പഷ്ടമായ പരീക്ഷണം തന്നെയാണ്.
37:107ജുസ്‌അ് 23 · പേ. 450
وَفَدَيْنَاهُ بِذِبْحٍ عَظِيمٍ107
അവന്ന് പകരം ബലിയര്‍പ്പിക്കാനായി മഹത്തായ ഒരു ബലിമൃഗത്തെ നാം നല്‍കുകയും ചെയ്തു.
37:108ജുസ്‌അ് 23 · പേ. 450
وَتَرَكْنَا عَلَيْهِ فِي الْآخِرِينَ108
പില്‍ക്കാലക്കാരില്‍ അദ്ദേഹത്തിന്‍റെ (ഇബ്രാഹീമിന്‍റെ) സല്‍കീര്‍ത്തി നാം അവശേഷിപ്പിക്കുകയും ചെയ്തു.
37:109ജുസ്‌അ് 23 · പേ. 450
سَلَامٌ عَلَىٰ إِبْرَاهِيمَ109
ഇബ്രാഹീമിന് സമാധാനം!
37:110ജുസ്‌അ് 23 · പേ. 450
كَذَٰلِكَ نَجْزِي الْمُحْسِنِينَ110
അപ്രകാരമാണ് നാം സദ്‌വൃത്തര്‍ക്ക് പ്രതിഫലം നല്‍കുന്നത്‌.
37:111ജുസ്‌അ് 23 · പേ. 450
إِنَّهُ مِنْ عِبَادِنَا الْمُؤْمِنِينَ111
തീര്‍ച്ചയയും അദ്ദേഹം നമ്മുടെ സത്യവിശ്വാസികളായ ദാസന്‍മാരില്‍ പെട്ടവനാകുന്നു.
37:112ജുസ്‌അ് 23 · പേ. 450
وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ112
ഇഷാഖ് എന്ന മകന്‍റെ ജനനത്തെപ്പറ്റിയും അദ്ദേഹത്തിന് നാം സന്തോഷവാര്‍ത്ത അറിയിച്ചു. സദ്‌വൃത്തരില്‍ പെട്ട ഒരു പ്രവാചകന്‍ എന്ന നിലയില്‍.
37:113ജുസ്‌അ് 23 · പേ. 450
وَبَارَكْنَا عَلَيْهِ وَعَلَىٰ إِسْحَاقَ ۚ وَمِنْ ذُرِّيَّتِهِمَا مُحْسِنٌ وَظَالِمٌ لِنَفْسِهِ مُبِينٌ113
അദ്ദേഹത്തിനും ഇഷാഖിനും നാം അനുഗ്രഹം നല്‍കുകയും ചെയ്തു. അവര്‍ ഇരുവരുടെയും സന്തതികളില്‍ സദ്‌വൃത്തരുണ്ട്‌. സ്വന്തത്തോട് തന്നെ സ്പഷ്ടമായ അന്യായം ചെയ്യുന്നവരുമുണ്ട്‌.
37:114ജുസ്‌അ് 23 · പേ. 450
وَلَقَدْ مَنَنَّا عَلَىٰ مُوسَىٰ وَهَارُونَ114
തീര്‍ച്ചയായും മൂസായോടും ഹാറൂനോടും നാം ഔദാര്യം കാണിച്ചു.
37:115ജുസ്‌അ് 23 · പേ. 450
وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ115
അവര്‍ ഇരുവരെയും അവരുടെ ജനതയെയും മഹാദുരിതത്തില്‍ നിന്ന് നാം രക്ഷപ്പെടുത്തുകയും ചെയ്തു.
37:116ജുസ്‌അ് 23 · പേ. 450
وَنَصَرْنَاهُمْ فَكَانُوا هُمُ الْغَالِبِينَ116
അവരെ നാം സഹായിക്കുകയും അങ്ങനെ വിജയികള്‍ അവര്‍ തന്നെ ആകുകയും ചെയ്തു.
37:117ജുസ്‌അ് 23 · പേ. 450
وَآتَيْنَاهُمَا الْكِتَابَ الْمُسْتَبِينَ117
അവര്‍ക്ക് രണ്ടുപേര്‍ക്കും നാം (കാര്യങ്ങള്‍) വ്യക്തമാക്കുന്ന ഗ്രന്ഥം നല്‍കുകയും,
37:118ജുസ്‌അ് 23 · പേ. 450
وَهَدَيْنَاهُمَا الصِّرَاطَ الْمُسْتَقِيمَ118
അവരെ നേരായ പാതയിലേക്ക് നയിക്കുകയും ചെയ്തു.
37:119ജുസ്‌അ് 23 · പേ. 450
وَتَرَكْنَا عَلَيْهِمَا فِي الْآخِرِينَ119
പില്‍ക്കാലക്കാരില്‍ അവരുടെ സല്‍കീര്‍ത്തി നാം അവശേഷിപ്പിക്കുകയും ചെയ്തു.
37:120ജുസ്‌അ് 23 · പേ. 450
سَلَامٌ عَلَىٰ مُوسَىٰ وَهَارُونَ120
മൂസായ്ക്കും ഹാറൂന്നും സമാധാനം!
37:121ജുസ്‌അ് 23 · പേ. 450
إِنَّا كَذَٰلِكَ نَجْزِي الْمُحْسِنِينَ121
തീര്‍ച്ചയായും അപ്രകാരമാകുന്നു സദ്‌വൃത്തര്‍ക്ക് നാം പ്രതിഫലം നല്‍കുന്നത്‌.
37:122ജുസ്‌അ് 23 · പേ. 450
إِنَّهُمَا مِنْ عِبَادِنَا الْمُؤْمِنِينَ122
തീര്‍ച്ചയായും അവര്‍ ഇരുവരും നമ്മുടെ സത്യവിശ്വാസികളായ ദാസന്‍മാരുടെ കൂട്ടത്തിലാകുന്നു.
37:123ജുസ്‌അ് 23 · പേ. 450
وَإِنَّ إِلْيَاسَ لَمِنَ الْمُرْسَلِينَ123
ഇല്‍യാസും ദൂതന്‍മാരിലൊരാള്‍ തന്നെ.
37:124ജുസ്‌അ് 23 · പേ. 450
إِذْ قَالَ لِقَوْمِهِ أَلَا تَتَّقُونَ124
അദ്ദേഹം തന്‍റെ ജനതയോട് ഇപ്രകാരം പറഞ്ഞ സന്ദര്‍ഭം: നിങ്ങള്‍ സൂക്ഷ്മത പാലിക്കുന്നില്ലേ?
37:125ജുസ്‌അ് 23 · പേ. 450
أَتَدْعُونَ بَعْلًا وَتَذَرُونَ أَحْسَنَ الْخَالِقِينَ125
നിങ്ങള്‍ ബഅ്ല‍ൈന്‍ വിളിച്ച് പ്രാര്‍ത്ഥിക്കുകയും, ഏറ്റവും നല്ല സൃഷ്ടികര്‍ത്താവിനെ വിട്ടുകളയുകയുമാണോ?
37:126ജുസ്‌അ് 23 · പേ. 450
اللَّهَ رَبَّكُمْ وَرَبَّ آبَائِكُمُ الْأَوَّلِينَ126
അഥവാ നിങ്ങളുടെയും നിങ്ങളുടെ പൂര്‍വ്വപിതാക്കളുടെയും രക്ഷിതാവായ അല്ലാഹുവെ.
37:127ജുസ്‌അ് 23 · പേ. 451
فَكَذَّبُوهُ فَإِنَّهُمْ لَمُحْضَرُونَ127
അപ്പോള്‍ അവര്‍ അദ്ദേഹത്തെ നിഷേധിച്ചു കളഞ്ഞു. അതിനാല്‍ അവര്‍ (ശിക്ഷയ്ക്ക്) ഹാജരാക്കപ്പെടുക തന്നെ ചെയ്യും.
37:128ജുസ്‌അ് 23 · പേ. 451
إِلَّا عِبَادَ اللَّهِ الْمُخْلَصِينَ128
അല്ലാഹുവിന്‍റെ നിഷ്കളങ്കരായ ദാസന്‍മാര്‍ ഒഴികെ.
37:129ജുസ്‌അ് 23 · പേ. 451
وَتَرَكْنَا عَلَيْهِ فِي الْآخِرِينَ129
പില്‍ക്കാലക്കാരില്‍ അദ്ദേഹത്തിന്‍റെ സല്‍കീര്‍ത്തി നാം അവശേഷിപ്പിക്കുകയും ചെയ്തു.
37:130ജുസ്‌അ് 23 · പേ. 451
سَلَامٌ عَلَىٰ إِلْ يَاسِينَ130
ഇല്‍യാസിന് സമാധാനം!
37:131ജുസ്‌അ് 23 · പേ. 451
إِنَّا كَذَٰلِكَ نَجْزِي الْمُحْسِنِينَ131
തീര്‍ച്ചയായും അപ്രകാരമാകുന്നു സദ്‌വൃത്തര്‍ക്ക് നാം പ്രതിഫലം നല്‍കുന്നത്‌.
37:132ജുസ്‌അ് 23 · പേ. 451
إِنَّهُ مِنْ عِبَادِنَا الْمُؤْمِنِينَ132
തീര്‍ച്ചയായും അദ്ദേഹം നമ്മുടെ സത്യവിശ്വാസികളായ ദാസന്‍മാരുടെ കൂട്ടത്തിലാകുന്നു.
37:133ജുസ്‌അ് 23 · പേ. 451
وَإِنَّ لُوطًا لَمِنَ الْمُرْسَلِينَ133
ലൂത്വും ദൂതന്‍മാരിലൊരാള്‍ തന്നെ.
37:134ജുസ്‌അ് 23 · പേ. 451
إِذْ نَجَّيْنَاهُ وَأَهْلَهُ أَجْمَعِينَ134
അദ്ദേഹത്തെയും അദ്ദേഹത്തിന്‍റെ ആളുകളേയും മുഴുവന്‍ നാം രക്ഷപ്പെടുത്തിയ സന്ദര്‍ഭം (ശ്രദ്ധേയമത്രെ).
37:135ജുസ്‌അ് 23 · പേ. 451
إِلَّا عَجُوزًا فِي الْغَابِرِينَ135
പിന്‍മാറി നിന്നവരില്‍പ്പെട്ട ഒരു കിഴവിയൊഴികെ.
37:136ജുസ്‌അ് 23 · പേ. 451
ثُمَّ دَمَّرْنَا الْآخَرِينَ136
പിന്നെ മറ്റുള്ളവരെ നാം തകര്‍ത്തു കളഞ്ഞു.
37:137ജുസ്‌അ് 23 · പേ. 451
وَإِنَّكُمْ لَتَمُرُّونَ عَلَيْهِمْ مُصْبِحِينَ137
തീര്‍ച്ചയായും നിങ്ങള്‍ രാവിലെ അവരുടെ അടുത്തു കൂടി കടന്നു പോവാറുണ്ട്‌.
37:138ജുസ്‌അ് 23 · പേ. 451
وَبِاللَّيْلِ ۗ أَفَلَا تَعْقِلُونَ138
രാത്രിയിലും. എന്നിട്ടും നിങ്ങള്‍ ചിന്തിച്ച് ഗ്രഹിക്കുന്നില്ലേ?
37:139ജുസ്‌അ് 23 · പേ. 451
وَإِنَّ يُونُسَ لَمِنَ الْمُرْسَلِينَ139
യൂനുസും ദൂതന്‍മാരിലൊരാള്‍ തന്നെ.
37:140ജുസ്‌അ് 23 · പേ. 451
إِذْ أَبَقَ إِلَى الْفُلْكِ الْمَشْحُونِ140
അദ്ദേഹം ഭാരം നിറച്ച കപ്പലിലേക്ക് ഒളിച്ചോടിയ സന്ദര്‍ഭം (ശ്രദ്ധേയമത്രെ).
37:141ജുസ്‌അ് 23 · പേ. 451
فَسَاهَمَ فَكَانَ مِنَ الْمُدْحَضِينَ141
എന്നിട്ട് അദ്ദേഹം (കപ്പല്‍ യാത്രക്കാരോടൊപ്പം) നറുക്കെടുപ്പില്‍ പങ്കെടുത്തു. അപ്പോള്‍ അദ്ദേഹം പരാജിതരുടെ കൂട്ടത്തിലായിപോയി.
37:142ജുസ്‌അ് 23 · പേ. 451
فَالْتَقَمَهُ الْحُوتُ وَهُوَ مُلِيمٌ142
അങ്ങനെ അദ്ദേഹം ആക്ഷേപത്തിന് അര്‍ഹനായിരിക്കെ ആ വന്‍മത്സ്യം അദ്ദേഹത്തെ വിഴുങ്ങി.
37:143ജുസ്‌അ് 23 · പേ. 451
فَلَوْلَا أَنَّهُ كَانَ مِنَ الْمُسَبِّحِينَ143
എന്നാല്‍ അദ്ദേഹം അല്ലാഹുവിന്‍റെ പരിശുദ്ധിയെ പ്രകീര്‍ത്തിക്കുന്നവരുടെ കൂട്ടത്തിലായിരുന്നില്ലെങ്കില്‍
37:144ജുസ്‌അ് 23 · പേ. 451
لَلَبِثَ فِي بَطْنِهِ إِلَىٰ يَوْمِ يُبْعَثُونَ144
ജനങ്ങള്‍ ഉയിര്‍ത്തെഴുന്നേല്‍പിക്കപ്പെടുന്ന ദിവസം വരെ അതിന്‍റെ വയറ്റില്‍ തന്നെ അദ്ദേഹത്തിന് കഴിഞ്ഞ് കൂടേണ്ടി വരുമായിരുന്നു.
37:145ജുസ്‌അ് 23 · പേ. 451
۞ فَنَبَذْنَاهُ بِالْعَرَاءِ وَهُوَ سَقِيمٌ145
എന്നിട്ട് അദ്ദേഹത്തെ അനാരോഗ്യവാനായ നിലയില്‍ തുറന്ന സ്ഥലത്തേക്ക് നാം തള്ളി
37:146ജുസ്‌അ് 23 · പേ. 451
وَأَنْبَتْنَا عَلَيْهِ شَجَرَةً مِنْ يَقْطِينٍ146
അദ്ദേഹത്തിന്‍റെ മേല്‍ നാം യഖ്ത്വീന്‍ വൃക്ഷം മുളപ്പിക്കുകയും ചെയ്തു.
37:147ജുസ്‌അ് 23 · പേ. 451
وَأَرْسَلْنَاهُ إِلَىٰ مِائَةِ أَلْفٍ أَوْ يَزِيدُونَ147
അദ്ദേഹത്തെ നാം ഒരു ലക്ഷമോ അതിലധികമോ വരുന്ന ജനവിഭാഗത്തിലേക്ക് നിയോഗിച്ചു.
37:148ജുസ്‌അ് 23 · പേ. 451
فَآمَنُوا فَمَتَّعْنَاهُمْ إِلَىٰ حِينٍ148
അങ്ങനെ അവര്‍ വിശ്വസിക്കുകയും തല്‍ഫലമായി കുറെ കാലത്തേക്ക് അവര്‍ക്ക് നാം സുഖജീവിതം നല്‍കുകയും ചെയ്തു.
37:149ജുസ്‌അ് 23 · പേ. 451
فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ149
എന്നാല്‍ (നബിയേ,) നീ അവരോട് (ബഹുദൈവവിശ്വാസികളോട്‌) അഭിപ്രായം ആരായുക; നിന്‍റെ രക്ഷിതാവിന് പെണ്‍മക്കളും അവര്‍ക്ക് ആണ്‍മക്കളുമാണോ എന്ന്.
37:150ജുസ്‌അ് 23 · പേ. 451
أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ150
അതല്ല നാം മലക്കുകളെ സ്ത്രീകളായി സൃഷ്ടിച്ചതിന് അവര്‍ ദൃക്സാക്ഷികളായിരുന്നോ?
37:151ജുസ്‌അ് 23 · പേ. 451
أَلَا إِنَّهُمْ مِنْ إِفْكِهِمْ لَيَقُولُونَ151
അറിഞ്ഞേക്കുക: അവര്‍ പറയുന്നത് തീര്‍ച്ചയായും അവരുടെ വ്യാജനിര്‍മിതിയില്‍ പെട്ടതാകുന്നു.
37:152ജുസ്‌അ് 23 · പേ. 451
وَلَدَ اللَّهُ وَإِنَّهُمْ لَكَاذِبُونَ152
അല്ലാഹു സന്തതികള്‍ക്കു ജന്‍മം നല്‍കിയിട്ടുണ്ടെന്ന്‌. തീര്‍ച്ചയായും അവര്‍ കള്ളം പറയുന്നവര്‍ തന്നെയാകുന്നു.
37:153ജുസ്‌അ് 23 · പേ. 451
أَصْطَفَى الْبَنَاتِ عَلَى الْبَنِينَ153
ആണ്‍മക്കളെക്കാളുപരിയായി അവന്‍ പെണ്‍മക്കളെ തെരഞ്ഞെടുത്തുവെന്നോ?
37:154ജുസ്‌അ് 23 · പേ. 452
مَا لَكُمْ كَيْفَ تَحْكُمُونَ154
നിങ്ങള്‍ക്കെന്തുപറ്റി? എപ്രകാരമാണ് നിങ്ങള്‍ വിധികല്‍പിക്കുന്നത്‌?
37:155ജുസ്‌അ് 23 · പേ. 452
أَفَلَا تَذَكَّرُونَ155
നിങ്ങള്‍ ആലോചിച്ച് നോക്കുന്നില്ലേ?
37:156ജുസ്‌അ് 23 · പേ. 452
أَمْ لَكُمْ سُلْطَانٌ مُبِينٌ156
അതല്ല, വ്യക്തമായ വല്ല പ്രമാണവും നിങ്ങള്‍ക്കു കിട്ടിയിട്ടുണ്ടോ?
37:157ജുസ്‌അ് 23 · പേ. 452
فَأْتُوا بِكِتَابِكُمْ إِنْ كُنْتُمْ صَادِقِينَ157
എന്നാല്‍ നിങ്ങള്‍ നിങ്ങളുടെ രേഖ കൊണ്ടുവരുവിന്‍; നിങ്ങള്‍ സത്യവാന്‍മാരാണെങ്കില്‍.
37:158ജുസ്‌അ് 23 · പേ. 452
وَجَعَلُوا بَيْنَهُ وَبَيْنَ الْجِنَّةِ نَسَبًا ۚ وَلَقَدْ عَلِمَتِ الْجِنَّةُ إِنَّهُمْ لَمُحْضَرُونَ158
അല്ലാഹുവിനും ജിന്നുകള്‍ക്കുമിടയില്‍ അവര്‍ കുടുംബബന്ധം സ്ഥാപിക്കുകയും ചെയ്തിരിക്കുന്നു. എന്നാല്‍ തീര്‍ച്ചയായും തങ്ങള്‍ ശിക്ഷയ്ക്ക് ഹാജരാക്കപ്പെടുക തന്നെ ചെയ്യുമെന്ന് ജിന്നുകള്‍ മനസ്സിലാക്കിയിട്ടുണ്ട്‌.
37:159ജുസ്‌അ് 23 · പേ. 452
سُبْحَانَ اللَّهِ عَمَّا يَصِفُونَ159
അവര്‍ ചമച്ചു പറയുന്നതില്‍ നിന്നെല്ലാം അല്ലാഹു എത്രയോ പരിശുദ്ധന്‍!
37:160ജുസ്‌അ് 23 · പേ. 452
إِلَّا عِبَادَ اللَّهِ الْمُخْلَصِينَ160
എന്നാല്‍ അല്ലാഹുവിന്‍റെ നിഷ്കളങ്കരായ ദാസന്‍മാര്‍ (ഇതില്‍ നിന്നെല്ലാം) ഒഴിവാകുന്നു.
37:161ജുസ്‌അ് 23 · പേ. 452
فَإِنَّكُمْ وَمَا تَعْبُدُونَ161
എന്നാല്‍ നിങ്ങള്‍ക്കും നിങ്ങള്‍ എന്തിനെ ആരാധിക്കുന്നുവോ അവയ്ക്കും
37:162ജുസ്‌അ് 23 · പേ. 452
مَا أَنْتُمْ عَلَيْهِ بِفَاتِنِينَ162
അല്ലാഹുവിന്നെതിരായി (ആരെയും) കുഴപ്പത്തിലാക്കാനാവില്ല; തീര്‍ച്ച.
37:163ജുസ്‌അ് 23 · പേ. 452
إِلَّا مَنْ هُوَ صَالِ الْجَحِيمِ163
നരകത്തില്‍ വെന്തെരിയാന്‍ പോകുന്നവനാരോ അവനെയല്ലാതെ.
37:164ജുസ്‌അ് 23 · പേ. 452
وَمَا مِنَّا إِلَّا لَهُ مَقَامٌ مَعْلُومٌ164
(മലക്കുകള്‍ ഇപ്രകാരം പറയും:) നിശ്ചിതമായ ഓരോ സ്ഥാനമുള്ളവരായിട്ടല്ലാതെ ഞങ്ങളില്‍ ആരും തന്നെയില്ല.
37:165ജുസ്‌അ് 23 · പേ. 452
وَإِنَّا لَنَحْنُ الصَّافُّونَ165
തീര്‍ച്ചയായും ഞങ്ങള്‍ തന്നെയാണ് അണിനിരന്ന് നില്‍ക്കുന്നവര്‍.
37:166ജുസ്‌അ് 23 · പേ. 452
وَإِنَّا لَنَحْنُ الْمُسَبِّحُونَ166
തീര്‍ച്ചയായും ഞങ്ങള്‍ തന്നെയാണ് (അല്ലാഹുവിന്‍റെ) പരിശുദ്ധിയെ പ്രകീര്‍ത്തിക്കുന്നവര്‍.
37:167ജുസ്‌അ് 23 · പേ. 452
وَإِنْ كَانُوا لَيَقُولُونَ167
തീര്‍ച്ചയായും അവര്‍ (സത്യനിഷേധികള്‍) ഇപ്രകാരം പറയാറുണ്ടായിരുന്നു:
37:168ജുസ്‌അ് 23 · പേ. 452
لَوْ أَنَّ عِنْدَنَا ذِكْرًا مِنَ الْأَوَّلِينَ168
പൂര്‍വ്വികന്‍മാരില്‍ നിന്ന് ലഭിച്ച വല്ല ഉല്‍ബോധനവും ഞങ്ങളുടെ പക്കല്‍ ഉണ്ടായിരുന്നെങ്കില്‍
37:169ജുസ്‌അ് 23 · പേ. 452
لَكُنَّا عِبَادَ اللَّهِ الْمُخْلَصِينَ169
ഞങ്ങള്‍ അല്ലാഹുവിന്‍റെ നിഷ്കളങ്കരായ ദാസന്‍മാരാവുക തന്നെ ചെയ്യുമായിരുന്നു.
37:170ജുസ്‌അ് 23 · പേ. 452
فَكَفَرُوا بِهِ ۖ فَسَوْفَ يَعْلَمُونَ170
എന്നിട്ട് അവര്‍ ഇതില്‍ (ഈ വേദഗ്രന്ഥത്തില്‍) അവിശ്വസിക്കുകയാണ് ചെയ്തത്‌. അതിനാല്‍ അവര്‍ പിന്നീട് (കാര്യം) മനസ്സിലാക്കിക്കൊള്ളും.
37:171ജുസ്‌അ് 23 · പേ. 452
وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ171
ദൂതന്‍മാരായി നിയോഗിക്കപ്പെട്ട നമ്മുടെ ദാസന്‍മാരോട് നമ്മുടെ വചനം മുമ്പേ ഉണ്ടായിട്ടുണ്ട്‌.
37:172ജുസ്‌അ് 23 · പേ. 452
إِنَّهُمْ لَهُمُ الْمَنْصُورُونَ172
തീര്‍ച്ചയായും അവര്‍ തന്നെയായിരിക്കും സഹായം നല്‍കപ്പെടുന്നവരെന്നും,
37:173ജുസ്‌അ് 23 · പേ. 452
وَإِنَّ جُنْدَنَا لَهُمُ الْغَالِبُونَ173
തീര്‍ച്ചയായും നമ്മുടെ സൈന്യം തന്നെയാണ് ജേതാക്കളായിരിക്കുക എന്നും.
37:174ജുസ്‌അ് 23 · പേ. 452
فَتَوَلَّ عَنْهُمْ حَتَّىٰ حِينٍ174
അതിനാല്‍ ഒരു അവധി വരെ നീ അവരില്‍ നിന്ന് തിരിഞ്ഞുകളയുക.
37:175ജുസ്‌അ് 23 · പേ. 452
وَأَبْصِرْهُمْ فَسَوْفَ يُبْصِرُونَ175
നീ അവരെ വീക്ഷിക്കുകയും ചെയ്യുക. അവര്‍ പിന്നീട് കണ്ടറിഞ്ഞു കൊള്ളും.
37:176ജുസ്‌അ് 23 · പേ. 452
أَفَبِعَذَابِنَا يَسْتَعْجِلُونَ176
അപ്പോള്‍ നമ്മുടെ ശിക്ഷയുടെ കാര്യത്തിലാണോ അവര്‍ തിടുക്കം കൂട്ടികൊണ്ടിരിക്കുന്നത്‌?
37:177ജുസ്‌അ് 23 · പേ. 452
فَإِذَا نَزَلَ بِسَاحَتِهِمْ فَسَاءَ صَبَاحُ الْمُنْذَرِينَ177
എന്നാല്‍ അത് അവരുടെ മുറ്റത്ത് വന്ന് ഇറങ്ങിയാല്‍ ആ താക്കീത് നല്‍കപ്പെട്ടവരുടെ പ്രഭാതം എത്ര മോശമായിരിക്കും!
37:178ജുസ്‌അ് 23 · പേ. 452
وَتَوَلَّ عَنْهُمْ حَتَّىٰ حِينٍ178
(അതിനാല്‍) ഒരു അവധി വരെ നീ അവരില്‍ നിന്ന് തിരിഞ്ഞുകളയുക.
37:179ജുസ്‌അ് 23 · പേ. 452
وَأَبْصِرْ فَسَوْفَ يُبْصِرُونَ179
നീ വീക്ഷിച്ചു കൊണ്ടിരിക്കുകയും ചെയ്യുക. അവര്‍ പിന്നീട് കണ്ടറിഞ്ഞു കൊള്ളും.
37:180ജുസ്‌അ് 23 · പേ. 452
سُبْحَانَ رَبِّكَ رَبِّ الْعِزَّةِ عَمَّا يَصِفُونَ180
പ്രതാപത്തിന്‍റെ നാഥനായ നിന്‍റെ രക്ഷിതാവ് അവര്‍ ചമച്ചു പറയുന്നതില്‍ നിന്നെല്ലാം എത്ര പരിശുദ്ധന്‍!
37:181ജുസ്‌അ് 23 · പേ. 452
وَسَلَامٌ عَلَى الْمُرْسَلِينَ181
ദൂതന്‍മാര്‍ക്കു സമാധാനം!
37:182ജുസ്‌അ് 23 · പേ. 452
وَالْحَمْدُ لِلَّهِ رَبِّ الْعَالَمِينَ182
ലോകരക്ഷിതാവായ അല്ലാഹുവിന് സ്തുതി!