سورەت 60 · جوزء 28
سورة الممتحنة · 60:12
يَا أَيُّهَا النَّبِيُّ إِذَا جَاءَكَ الْمُؤْمِنَاتُ يُبَايِعْنَكَ عَلَىٰ أَنْ لَا يُشْرِكْنَ بِاللَّهِ شَيْئًا وَلَا يَسْرِقْنَ وَلَا يَزْنِينَ وَلَا يَقْتُلْنَ أَوْلَادَهُنَّ وَلَا يَأْتِينَ بِبُهْتَانٍ يَفْتَرِينَهُ بَيْنَ أَيْدِيهِنَّ وَأَرْجُلِهِنَّ وَلَا يَعْصِينَكَ فِي مَعْرُوفٍ ۙ فَبَايِعْهُنَّ وَاسْتَغْفِرْ لَهُنَّ اللَّهَ ۖ إِنَّ اللَّهَ غَفُورٌ رَحِيمٌ
ئهی پێغهمبهر (صلی الله علیه وسلم) کاتێک ئافرهتانی ئیماندار هاتن بۆ لات و پهیمانیان پێدایت که: هیچ جۆره هاوهڵێك بۆ خوا بڕیار نهدهن، دزی نهکهن، زینا نهکهن، ڕۆڵهکانی خۆیان نهکوژن، هیچ جۆره بوختانێک نهکهن لهنێوان دهست و پێی خۆیاندا (واته دووره پهرێزبن له ههموو جۆره خیانهتێک) و فهرمانبهردارت بن له ههموو چاکهیهکداو یاخی نهبن لێت، جا ئهوه تۆ پهیمانیان لهگهڵ ببهستن و له خوا داوای لێخۆشبوونیان بۆ بکه، چونکه بهڕاستی خوا لێخۆشبوو میهرهبانه.
تەفسیر
ئەی پێغەمبەری (صلی اللە علیە وسلم) ھەر کاتێک ئافرەتانی باوەڕدار ھاتن بۆ لات و بەیعەتیان دا پێت بەوەی کە ھیچ شتێک نەکەن بە ھاوەڵ و شەریکی اللە تەعالا و دزی نەکەن و زینا و داوێن پیسی نەکەن و مناڵ و رۆڵەکانیان نەکوژن و زیندە بەچاڵیان نەکەن (وەک سەردەمی نەفامی) وە بە ھیچ شێوەیەک بوھتان نەکەن لە نێوان دەست و پێی خۆیاندا (واتە: منداڵی خەڵکی نەھێنن و بیکەن بە ھی خۆیان، یان کچە کۆرپەکانی خۆیان فڕێ بدەن و لە جێگای کوڕێک بھێنن و بیکەن بە کوڕی خۆیان) وە سەرپێچیت نەکەن لە ھیچ کارێکی چاک و خێردا، (ئەگەر ئەمانەیان کرد و پەیمانیان دا پێی) ئەوە تۆش پەیمان و بەیعەتەکەیان لەگەڵ ببەستە و داوای لێخۆشبوونیشان بۆ بکە لای اللە تەعالا ، بەڕاستی پەروەردگار خوایەکی گوناھـپۆشی میھرەبانە.
لە خوێنەردا بکەرەوە - سورەتەکە بە تەواوی بخوێنە