88:1جوزء 30 · ل. 592
هَلْ أَتَاكَ حَدِيثُ الْغَاشِيَةِ1
ئایا هه‌واڵ و ده‌نگوباسی ڕۆژی قیامه‌تت پێگه‌یشتووه؟! (ڕۆژێکه سه‌ختیه‌که‌ی هه‌موو که‌سێك داگیر ده‌کات).
سورة الغاشية
سورەت 88 · مەککی · 26 ئایەت
88:2جوزء 30 · ل. 592
وُجُوهٌ يَوْمَئِذٍ خَاشِعَةٌ2
له‌و ڕۆژه‌دا چه‌ند ڕووخسارانێك خه‌جاڵه‌ت و ڕه‌نگ زه‌رد و شه‌رمه‌زار و زه‌بوونن.
88:3جوزء 30 · ل. 592
عَامِلَةٌ نَاصِبَةٌ3
(هه‌ریه‌ک له خاوه‌نی ئه‌و ڕووخسارانه) ئیشکه‌رێکی شه‌که‌ت و ماندوون (بۆ به‌ده‌ستهێنانی دنیای دوور له ئیمان).
88:4جوزء 30 · ل. 592
تَصْلَىٰ نَارًا حَامِيَةً4
ده‌چنه ناو ئاگرێکی سووتێنه‌ره‌وه (که جه‌سته‌که له‌ناو نابات بۆئه‌وه‌ی هه‌ر له سزادا بمێنێته‌وه).
88:5جوزء 30 · ل. 592
تُسْقَىٰ مِنْ عَيْنٍ آنِيَةٍ5
له سه‌رچاوه‌یه‌کی له کوڵ و زۆر گه‌رم خواردنه‌وه‌ی ده‌درێتێ.
88:6جوزء 30 · ل. 592
لَيْسَ لَهُمْ طَعَامٌ إِلَّا مِنْ ضَرِيعٍ6
هیچ خۆراکیشیان نیه ته‌نها له دڕکێکی ووشک و تفت و تاڵه (جۆره ڕوه‌کێکی بیابانیه به‌ته‌ڕی ته‌نها وشتر ده‌یخوات، به وشکی وشتریش نایخوات).
88:7جوزء 30 · ل. 592
لَا يُسْمِنُ وَلَا يُغْنِي مِنْ جُوعٍ7
نه ئه‌وه‌یه گۆشتی پێبگرن و پێی قه‌ڵه‌و ببن، نه ئه‌وه‌شه پێی تێرببن.
88:8جوزء 30 · ل. 592
وُجُوهٌ يَوْمَئِذٍ نَاعِمَةٌ8
له‌ولاشه‌وه ڕوخسارانێکی تر ناسک و ڕووخۆش و گه‌شاوه و ڕووناکن.
88:9جوزء 30 · ل. 592
لِسَعْيِهَا رَاضِيَةٌ9
له هه‌وڵ و کۆششه‌کانیان (بۆ به‌ده‌ستهێنانی ڕه‌زامه‌ندی خوا له دنیادا) ڕازی و ئاسووده‌ن.
88:10جوزء 30 · ل. 592
فِي جَنَّةٍ عَالِيَةٍ10
له به‌هه‌شتێکی به‌رزو بڵندا ژیان ده‌به‌نه سه‌ر.
88:11جوزء 30 · ل. 592
لَا تَسْمَعُ فِيهَا لَاغِيَةً11
له‌و شوێنه‌دا قسه و گوفتارێکی ناخۆش و نابه‌جێ نا بیستن.
88:12جوزء 30 · ل. 592
فِيهَا عَيْنٌ جَارِيَةٌ12
له‌و به‌هه‌شته‌دا کانی و سه‌رچاوه و تاڤگه‌ی ڕه‌وانی تێدایه.
88:13جوزء 30 · ل. 592
فِيهَا سُرُرٌ مَرْفُوعَةٌ13
ههروهها چرپا و سیسته‌م و جێگه‌ی حه‌وانه‌وه‌ی به‌رز و بڵند کراوه‌ی لێیه.
88:14جوزء 30 · ل. 592
وَأَكْوَابٌ مَوْضُوعَةٌ14
( له نزیك ئه‌و به‌خته‌وه‌رانه‌وه له هه‌ر کوێدا بن) کوپ و سوراحی و په‌رداخی (جوان و ڕازاوه و نه‌خشین) دانراوه.
88:15جوزء 30 · ل. 592
وَنَمَارِقُ مَصْفُوفَةٌ15
ههروهها پشتی و سه‌رین و پاڵپشتی جوان و ڕازاوه‌ی تیادایه که به ڕێکو پێکی ڕیزکراون.
88:16جوزء 30 · ل. 592
وَزَرَابِيُّ مَبْثُوثَةٌ16
فه‌رش و ئۆرته و ڕایه‌خی قه‌شه‌نگ و نه‌خشینی تیادا ڕاخراوه (هه‌موو کۆشک و ته‌لارو ڤێلاکانی پێرازێنراوه‌ته‌وه).
88:17جوزء 30 · ل. 592
أَفَلَا يَنْظُرُونَ إِلَى الْإِبِلِ كَيْفَ خُلِقَتْ17
(ئینجا خوای دروستکار له ڕوانگه‌ی هه‌ندێك دروستکراوانیه‌وه ده‌یه‌وێت بێ باوه‌ڕان دابچڵه‌کێنێت)، بۆیه ده‌فه‌رموێت: ئایا ئه‌وه سه‌رنجی وشتر ناده‌ن چۆن دروستکراوه؟! (قه‌باره‌ی، ملی درێژی، قاچه درێژه‌کانی که به سمێکی ئیسفه‌نجی کۆتایی هاتووه، ئینجا خۆگرتنی له‌سه‌ر برسێتی و تینویه‌تی،...)
88:18جوزء 30 · ل. 592
وَإِلَى السَّمَاءِ كَيْفَ رُفِعَتْ18
ئایا سه‌رنجی ئاسمان ناده‌ن چۆن به‌رزکراوه‌ته‌وه (ئه‌و هه‌موو ئه‌ستێره و کاکه‌شان و هه‌ساره بێ شوماره ده‌وره‌ی زه‌ویداوه له بڵندیه‌وه ڕاگیراون).
88:19جوزء 30 · ل. 592
وَإِلَى الْجِبَالِ كَيْفَ نُصِبَتْ19
ئه‌ی سه‌رنجی کێوه‌کان ناده‌ن، چۆن داکوتراون و دامه‌زرێنراون.
88:20جوزء 30 · ل. 592
وَإِلَى الْأَرْضِ كَيْفَ سُطِحَتْ20
ئه‌ی سه‌رنجی ده‌شته‌کانی زه‌وی ناده‌ن چۆن ته‌خت کراوه (له‌بار هێنراوه بۆ کشتوکاڵ و ڕێگه‌وبان و ژیان)؟!
88:21جوزء 30 · ل. 592
فَذَكِّرْ إِنَّمَا أَنْتَ مُذَكِّرٌ21
که‌واته تۆ ئه‌ی پێغه‌مبه‌ر (صلی الله علیه وسلم) ئه‌م شتانه بخه‌ره‌وه یادیان و ئامۆژگاریان بکه، به‌ڕاستی تۆ هه‌ر یادخه‌ره‌وه‌یت.
88:22جوزء 30 · ل. 592
لَسْتَ عَلَيْهِمْ بِمُصَيْطِرٍ22
هیچ ده‌سه‌ڵاتێکت نیه به‌سه‌ر دڵ و ده‌روونیاندا (تا به زۆر باوه‌ڕداریان بکه‌یت).
88:23جوزء 30 · ل. 593
إِلَّا مَنْ تَوَلَّىٰ وَكَفَرَ23
به‌ڵاو ئه‌و که‌سه‌ی که پشت هه‌ڵکردووه و کوفر هه‌ڵبژاردووه...
88:24جوزء 30 · ل. 593
فَيُعَذِّبُهُ اللَّهُ الْعَذَابَ الْأَكْبَرَ24
ئه‌وه خوا سزاو تۆڵه‌یه‌کی زۆرسه‌خت و به‌ئازارو بێ سنووریان لێ ده‌سێنێت.
88:25جوزء 30 · ل. 593
إِنَّ إِلَيْنَا إِيَابَهُمْ25
بێگومان ئه‌وانه گه‌ڕانه‌وه‌یان هه‌ر بۆ لای ئێمه (بیانه‌وێت و نه‌یانه‌وێت).
88:26جوزء 30 · ل. 593
ثُمَّ إِنَّ عَلَيْنَا حِسَابَهُمْ26
له‌وه‌ودوایش به‌ڕاستی حیساب و لێپرسینه‌وه و دادگاییان له‌سه‌ر ئێمه‌یه.