79:1جوزء 30 · ل. 583
وَالنَّازِعَاتِ غَرْقًا1
سویند به‌و فریشتانه‌ی که گیانی خه‌ڵکی ده‌کێشن، یان به‌و ئه‌ستێرانه‌ی که له قوڵایی ئاسماندا ده‌دره‌وشێنه‌وه و ده‌سوڕێنه‌وه.
سورة النازعات
سورەت 79 · مەککی · 46 ئایەت
79:2جوزء 30 · ل. 583
وَالنَّاشِطَاتِ نَشْطًا2
سوێند به‌و فریشتانه‌ی که گیانی ئیمانداران ده‌کێشن به چالاکی و بێ وچان ده‌سوڕێنه‌وه (که‌س فه‌رامۆش ناکه‌ن).
79:3جوزء 30 · ل. 583
وَالسَّابِحَاتِ سَبْحًا3
سوێند به‌و فریشتانه‌ی که به گورجی فه‌رمانی خوا جێبه‌جێ ده‌که‌ن، یان به‌و ئه‌ستێرانه‌ی که له بۆشایی دا مه‌له ده‌که‌ن و ده‌سوڕێنه‌وه.
79:4جوزء 30 · ل. 583
فَالسَّابِقَاتِ سَبْقًا4
هه‌روه‌ها سوێند به‌و فریشتانه‌ی که ڕۆحی ئیمانداران به‌په‌له به به‌هه‌شت شاد ده‌که‌ن و ڕۆحی کافرانیش به دۆزه‌خ ده‌گه‌یه‌نن، هه‌روه‌ها پێشبڕکێ ده‌که‌ن و گورج و گۆڵ و ئاماده‌ن بۆ ئه‌نجامدانی هه‌ر کارێك پێیان ده‌سپێردرێت.
79:5جوزء 30 · ل. 583
فَالْمُدَبِّرَاتِ أَمْرًا5
سوێند به‌و فریشتانه‌ی (که به‌ویستی خوا) کارو فه‌رمان جێبه‌جێ ده‌که‌ن به رێك و پێکی.
79:6جوزء 30 · ل. 583
يَوْمَ تَرْجُفُ الرَّاجِفَةُ6
(سوێند به‌وانه هه‌مووی) له ڕۆژێکدا (فوو ده‌کرێت به صوردا، ده‌ستبه‌جێ) زه‌وی به توندی ته‌کان ده‌دات و ده‌که‌وێته له‌رزه و ژێره‌و ژوور ده‌بێت.
79:7جوزء 30 · ل. 583
تَتْبَعُهَا الرَّادِفَةُ7
دوایی دووباره فووی پیاده‌کرێته‌وه (مردووان زیندوو ده‌کرێنه‌وه و جیهانی هه‌میشه‌یی به‌رپا ده‌بێت).
79:8جوزء 30 · ل. 583
قُلُوبٌ يَوْمَئِذٍ وَاجِفَةٌ8
له‌و ڕۆژه‌دا دڵانێك به خێرایی لێ ده‌ده‌ن، زۆر ده‌ترسن و زۆر په‌رێشانن.
79:9جوزء 30 · ل. 583
أَبْصَارُهَا خَاشِعَةٌ9
خاوه‌نی ئه‌و دڵانه له ڕیسوایی و خه‌جاڵه‌تی و شه‌رمه‌زاریدا چاویان شۆڕه و ڕوویان نایه‌ت سه‌ر هه‌ڵببڕن.
79:10جوزء 30 · ل. 583
يَقُولُونَ أَإِنَّا لَمَرْدُودُونَ فِي الْحَافِرَةِ10
(ئه‌مانه کاتی خۆی) ده‌یانوت: باشه ئێمه له‌م گۆڕانه ده‌ردێین و زیندووده‌کرێینه‌وه؟...
79:11جوزء 30 · ل. 583
أَإِذَا كُنَّا عِظَامًا نَخِرَةً11
کاتێك بووینه ئێسکی ڕزیوو پرتوکاو؟!
79:12جوزء 30 · ل. 583
قَالُوا تِلْكَ إِذًا كَرَّةٌ خَاسِرَةٌ12
(به گاڵته پێکردن و بێ بڕواییه‌وه) ده‌یانوت: ئه‌گه‌ر وابێت، گه‌ڕانه‌وه‌یه‌کی زۆر زیانبه‌خشه!!
79:13جوزء 30 · ل. 583
فَإِنَّمَا هِيَ زَجْرَةٌ وَاحِدَةٌ13
(با خوانه‌ناسان چاك بزانن) به‌ڕاستی ته‌نها گه‌ڕانه‌وه‌یه یه‌ك تێخوڕینه.
79:14جوزء 30 · ل. 583
فَإِذَا هُمْ بِالسَّاهِرَةِ14
جا ده‌ستبه‌جێ هه‌ر هه‌موو ئه‌و خه‌ڵکه بێدارده‌بنه‌وه و زیندووده‌بنه‌وه و له گۆڕه‌پانی لێپرسینه‌وه‌دا ئاماده ده‌بن.
79:15جوزء 30 · ل. 583
هَلْ أَتَاكَ حَدِيثُ مُوسَىٰ15
(ئینجا دێته سه‌ر باسی سه‌رگوزه‌شته‌ی حه‌زره‌تی موساو دڵخۆشی پێغه‌مبه‌ر (صلی الله علیه وسلم) ده‌داته‌وه و ده‌فه‌رموێت): ئایا به‌سه‌رهاتی موسات پێگه‌یشتووه؟!
79:16جوزء 30 · ل. 583
إِذْ نَادَاهُ رَبُّهُ بِالْوَادِ الْمُقَدَّسِ طُوًى16
کاتێک په‌روه‌ردگاری له دۆڵی (طوی) دا بانگی کرد و گفتوگۆی له‌گه‌ڵدا کرد و فه‌رمانی پێدا:
79:17جوزء 30 · ل. 584
اذْهَبْ إِلَىٰ فِرْعَوْنَ إِنَّهُ طَغَىٰ17
بچۆ بۆ لای فیرعه‌ون (چونکه) به‌ڕاستی له سنوور ده‌رچووه و سته‌می بێ ئه‌ندازه‌یه.
79:18جوزء 30 · ل. 584
فَقُلْ هَلْ لَكَ إِلَىٰ أَنْ تَزَكَّىٰ18
پێی بڵێ: باشه ئه‌وه ناکرێت دڵ و ده‌روون و کردارو ره‌فتارت پاك و جوان و پوخته بێت!
79:19جوزء 30 · ل. 584
وَأَهْدِيَكَ إِلَىٰ رَبِّكَ فَتَخْشَىٰ19
تا ڕێنموویت بکه‌م بۆ ناسینی په‌روه‌ردگارت، تا ترسی (سزای) ئه‌و زاته‌ت هه‌بێت و سته‌م نه‌که‌یت).
79:20جوزء 30 · ل. 584
فَأَرَاهُ الْآيَةَ الْكُبْرَىٰ20
(دیاره فیرعه‌ون داوای به‌ڵگه‌ی کردوه) ئه‌ویش موعجیزه گه‌وره‌که‌ی نیشانداوه (که دار عاساکه‌یه).
79:21جوزء 30 · ل. 584
فَكَذَّبَ وَعَصَىٰ21
(به‌ڵام) به درۆی زانی و یاخی بوو.
79:22جوزء 30 · ل. 584
ثُمَّ أَدْبَرَ يَسْعَىٰ22
له‌وه‌ودوا پشتی هه‌ڵگردو که‌وته هه‌وڵ و تێکۆشان (بۆ به‌رهه‌ڵستی موسا و دژایه‌تی ئیمان).
79:23جوزء 30 · ل. 584
فَحَشَرَ فَنَادَىٰ23
خه‌ڵکی کۆکرده‌وه و به‌ده‌نگی به‌رز وتی:
79:24جوزء 30 · ل. 584
فَقَالَ أَنَا رَبُّكُمُ الْأَعْلَىٰ24
من په‌روه‌ردگاری هه‌ره به‌رزو بڵندی ئێوه‌م!!
79:25جوزء 30 · ل. 584
فَأَخَذَهُ اللَّهُ نَكَالَ الْآخِرَةِ وَالْأُولَىٰ25
ئه‌وسا خوا دووچاری سزای قیامه‌ت و دنیای کرد.
79:26جوزء 30 · ل. 584
إِنَّ فِي ذَٰلِكَ لَعِبْرَةً لِمَنْ يَخْشَىٰ26
به‌ڕاستی ئا له‌و به‌سه‌رهاته‌دا په‌ندو ئامۆژگاری هه‌یه بۆ هه‌رکه‌سێک له خوا بترسێت. (ئینجا دێته سه‌ر باسی هه‌ندێک له دروستکراوانی که به‌ڵگه‌ن له‌سه‌ر ده‌سه‌ڵات و گه‌وره‌یی ئه‌و زاته).
79:27جوزء 30 · ل. 584
أَأَنْتُمْ أَشَدُّ خَلْقًا أَمِ السَّمَاءُ ۚ بَنَاهَا27
باشه ئاخر زیندووکردنه‌وه‌ی ئێوه سه‌خترو گرانتره، یان به‌دیهێنانی ئه‌م ئاسمانه، که هه‌ر خۆی به‌رپای کردووه (که پڕه له ئه‌ستێره‌وهه‌ساره‌ی گه‌وره‌ی هه‌مه‌جۆر).
79:28جوزء 30 · ل. 584
رَفَعَ سَمْكَهَا فَسَوَّاهَا28
به‌به‌رزیه‌وه رایگرتووه و به‌وپه‌ڕی ڕێکو پێکی به‌دیهێناوه (به ڕاسه‌رتانه‌وه).
79:29جوزء 30 · ل. 584
وَأَغْطَشَ لَيْلَهَا وَأَخْرَجَ ضُحَاهَا29
شه‌وگاره‌که‌ی تاریك کردووه، کاتی چێشته‌نگاویش ڕووناک خۆری ده‌رخستووه.
79:30جوزء 30 · ل. 584
وَالْأَرْضَ بَعْدَ ذَٰلِكَ دَحَاهَا30
دواتر زه‌ویشی به‌شێوه‌یه‌کی هێلکه‌یی به‌دیهێناوه.
79:31جوزء 30 · ل. 584
أَخْرَجَ مِنْهَا مَاءَهَا وَمَرْعَاهَا31
ئاوی لێده‌رهێناوه و له‌وه‌ڕگای بۆ ماڵات فه‌راهه‌م هێناوه.
79:32جوزء 30 · ل. 584
وَالْجِبَالَ أَرْسَاهَا32
کێوه‌کانیشی به تۆکمه‌یی دامه‌زراندووه.
79:33جوزء 30 · ل. 584
مَتَاعًا لَكُمْ وَلِأَنْعَامِكُمْ33
(هه‌موو ئه‌مانه‌مان دروست کردووه) تا ببێته هۆی ئه‌وه‌ی که خۆتان و ماڵاته‌کانیشتان سوودی لێ وه‌ربگرن.
79:34جوزء 30 · ل. 584
فَإِذَا جَاءَتِ الطَّامَّةُ الْكُبْرَىٰ34
جا کاتێك به‌ڵا گه‌وره‌که پێشهات، که ته‌نگانه سامناکه‌که ڕوویدا، (مه‌به‌ست ڕۆژی قیامه‌ته).
79:35جوزء 30 · ل. 584
يَوْمَ يَتَذَكَّرُ الْإِنْسَانُ مَا سَعَىٰ35
ئه‌و ڕۆژه ئاده‌میزاد دێته‌وه یادی که چی کردووه و چی ئه‌نجامداوه.
79:36جوزء 30 · ل. 584
وَبُرِّزَتِ الْجَحِيمُ لِمَنْ يَرَىٰ36
دۆزه‌خ نیشان ده‌درێت و ده‌رده‌خرێت بۆ هه‌رکه‌سێك که ببینێت...
79:37جوزء 30 · ل. 584
فَأَمَّا مَنْ طَغَىٰ37
جا ئه‌وه‌ی خوانه‌ناس و یاخی و له‌سنوور ده‌رچوو بێت...
79:38جوزء 30 · ل. 584
وَآثَرَ الْحَيَاةَ الدُّنْيَا38
ژیانی دنیای زیاتر له قیامه‌ت مه‌به‌ست بووبێت...
79:39جوزء 30 · ل. 584
فَإِنَّ الْجَحِيمَ هِيَ الْمَأْوَىٰ39
ئه‌وه بێگومان ئه‌و دۆزه‌خه جێگه‌ی مانه‌وه و حه‌وانه‌وه‌یه‌تی!!
79:40جوزء 30 · ل. 584
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ40
به‌ڵام ئه‌وه‌ی له پایه‌و شکۆی په‌روه‌ردگاری ترسابێت و حیسابی بۆ کردبێت و جڵه‌وی نه‌فسی گرتبێته‌وه له هه‌موو هه‌واو هه‌وه‌س و ئاره‌زوویه‌کی نادروست...
79:41جوزء 30 · ل. 584
فَإِنَّ الْجَنَّةَ هِيَ الْمَأْوَىٰ41
بێگومان هه‌ر به‌هه‌شت جێگه‌ی مانه‌وه و حه‌وانه‌وه و گوزه‌رانیه‌تی.
79:42جوزء 30 · ل. 584
يَسْأَلُونَكَ عَنِ السَّاعَةِ أَيَّانَ مُرْسَاهَا42
پرسیارت لێ ده‌که‌ن ئه‌ی پێغه‌مبه‌ر (صلی الله علیه وسلم) ده‌رباره‌ی قیامه‌ت، که که‌ی؟ چ کاتێك به‌رپا ده‌بێت؟
79:43جوزء 30 · ل. 584
فِيمَ أَنْتَ مِنْ ذِكْرَاهَا43
جا تۆ له‌کوێ ده‌زانیت که‌ی به‌رپا ده‌بێت!! تۆ له کوی و ئه‌و باسه له‌کوێ؟
79:44جوزء 30 · ل. 584
إِلَىٰ رَبِّكَ مُنْتَهَاهَا44
بێگومان کۆتایی دنیاو به‌رپابوونی قیامه‌ت، هه‌ر په‌روه‌ردگارت ده‌یزانێت.
79:45جوزء 30 · ل. 584
إِنَّمَا أَنْتَ مُنْذِرُ مَنْ يَخْشَاهَا45
بێگومان ئه‌رکی تۆ ته‌نها بێدارکه‌ره‌وه‌ی ئه‌و که‌سانه‌یه که له‌و زاته ده‌ترسن.
79:46جوزء 30 · ل. 584
كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا46
ئه‌و ڕۆژه‌ی که قیامه‌ت به‌رپا ده‌بێت، بێ باوه‌ڕان واده‌زانن که ته‌نها سه‌ر له ئێواره‌یه‌ك یان سه‌ر له به‌یانیه‌ك درێژه‌ی ژیانی دنیایان بووه.