84:1جوزء 30 · ل. 589
إِذَا السَّمَاءُ انْشَقَّتْ1
کاتێك دێت ئاسمان له‌ت و په‌ت ده‌بێت.
سورة الإنشقاق
سورەت 84 · مەککی · 25 ئایەت
84:2جوزء 30 · ل. 589
وَأَذِنَتْ لِرَبِّهَا وَحُقَّتْ2
گوێڕایه‌ڵی فه‌رمانی په‌روه‌ردگاری ده‌بێت، حه‌ق وایه و پێویسته له‌سه‌ری ئاوا فه‌رمانبه‌ردار بێت.
84:3جوزء 30 · ل. 589
وَإِذَا الْأَرْضُ مُدَّتْ3
هه‌روه‌ها کاتێك دێت زه‌ویش پان و به‌رین ده‌بێته‌وه (تا جێگه‌ی هه‌مووانی له‌سه‌ر ببێته‌وه، که ئه‌مه ئاماژه‌یه، بۆ ته‌خت بوونی).
84:4جوزء 30 · ل. 589
وَأَلْقَتْ مَا فِيهَا وَتَخَلَّتْ4
هه‌رچی له‌ناویدا هه‌یه فڕێی ده‌داته سه‌ر ڕووکاری و خۆی خاڵی ده‌کات.
84:5جوزء 30 · ل. 589
وَأَذِنَتْ لِرَبِّهَا وَحُقَّتْ5
گوێڕایه‌ڵی فه‌رمانی په‌روه‌ردگاری ده‌بێت، حه‌ق وایه و پێویسته له‌سه‌ری ئاوا فه‌رمانبه‌ردار بێت.
84:6جوزء 30 · ل. 589
يَا أَيُّهَا الْإِنْسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ6
ئه‌ی ئینسان به‌ڕاستی تۆ خۆت زۆر ماندوو ده‌که‌یت، زۆر ڕه‌نج و زه‌حمه‌ت ده‌کێشیت، سه‌رئه‌نجامیش ده‌بێ بگه‌ڕێیته‌وه بۆ لای په‌روه‌ردگارت (تا پاداشتی ڕه‌نج و هه‌وڵه‌که‌ت وه‌ربگریت).
84:7جوزء 30 · ل. 589
فَأَمَّا مَنْ أُوتِيَ كِتَابَهُ بِيَمِينِهِ7
جا ئه‌وه‌ی دۆسیه‌ی کرده‌وه‌کانی درایه ده‌ستی ڕاستی...
84:8جوزء 30 · ل. 589
فَسَوْفَ يُحَاسَبُ حِسَابًا يَسِيرًا8
ئه‌وه له‌مه‌ودا لێپرسینه‌وه‌یه‌کی زۆر ئاسانی له‌گه‌ڵدا ده‌کرێت.
84:9جوزء 30 · ل. 589
وَيَنْقَلِبُ إِلَىٰ أَهْلِهِ مَسْرُورًا9
به‌دڵی خۆش و ڕووی خۆشه‌وه ده‌گه‌ڕێته‌وه بۆ ناو که‌سوکاری چاکو خواناسی، بۆ ناو ئیمانداران (سه‌ره‌ڕای حۆری و غلمان و ولدان).
84:10جوزء 30 · ل. 589
وَأَمَّا مَنْ أُوتِيَ كِتَابَهُ وَرَاءَ ظَهْرِهِ10
(به‌ڵام) ئه‌وه‌ی دۆسیه‌ی کرده‌وه‌کانی له پشتیه‌وه درایه ده‌ستی.
84:11جوزء 30 · ل. 589
فَسَوْفَ يَدْعُو ثُبُورًا11
ئه‌وه له‌مه‌ولا هاوارو دادی لێبه‌رزدبێته‌وه و ده‌ڵێت: خوایه مه‌رگ، خوایه بمکوژه، خوا له‌ناوم به‌ره.
84:12جوزء 30 · ل. 589
وَيَصْلَىٰ سَعِيرًا12
ده‌خرێته ناو دۆزه‌خ.
84:13جوزء 30 · ل. 589
إِنَّهُ كَانَ فِي أَهْلِهِ مَسْرُورًا13
چونکه به‌ڕاستی ئه‌و جۆره که‌سه کاتی خۆی له‌ناو ماڵ و خێزانیدا به‌که‌یف و ئاهه‌نگی ناشه‌رعی، به به‌رپاکردنی سفره‌و خوانی حه‌رام دڵی خۆش بوو (مه‌به‌ستی ڕابواردنی حه‌رام بوو).
84:14جوزء 30 · ل. 589
إِنَّهُ ظَنَّ أَنْ لَنْ يَحُورَ14
بڕوای وابوو که هه‌رگیز زیندوو بوونه‌وه و گه‌ڕانه‌وه و لێپرسینه‌وه نیه.
84:15جوزء 30 · ل. 589
بَلَىٰ إِنَّ رَبَّهُ كَانَ بِهِ بَصِيرًا15
نه‌خێر به‌گومانی ئه‌و نه‌بوو، په‌روه‌ردگاری چاك ئاگاداری کارو کرده‌وه‌کانی بوو و ده‌یبینی چی ده‌کات.
84:16جوزء 30 · ل. 589
فَلَا أُقْسِمُ بِالشَّفَقِ16
سوێندم (به‌و کاته‌ی دوای خۆرئاوا بوون) ئاسۆ سوور هه‌ڵده‌گه‌ڕێت.
84:17جوزء 30 · ل. 589
وَاللَّيْلِ وَمَا وَسَقَ17
به شه‌وو ئه‌وه‌ی که کۆی ده‌کاته‌وه (شه‌وگار ئاده‌میزاد له‌ماڵی خۆیدا و، گیانداران له شوێنی خۆیان و باڵنده‌کان له هێلانه‌کانیاندا کۆده‌کاته‌وه).
84:18جوزء 30 · ل. 589
وَالْقَمَرِ إِذَا اتَّسَقَ18
به‌مانگی چوارده‌ش کاتێك تێرو ته‌واوو گه‌وره و دره‌خشان ده‌بێت.
84:19جوزء 30 · ل. 589
لَتَرْكَبُنَّ طَبَقًا عَنْ طَبَقٍ19
ئێوه تێده‌په‌ڕن و گۆڕانکاری و حاڵاتی زۆرتان به‌سه‌ردێت (بۆ نموونه: له مناڵی، بۆ لاوی، بۆ پیری، بۆ مه‌رگ، بۆ به‌رزه‌خ، بۆ قیامه‌ت، له‌وه‌ودواش بۆ به‌هه‌شت یان دۆزه‌خ)، یاخود له ساغی، بۆ نه‌خۆشی یان به‌پێچه‌وانه‌وه.. له هه‌ژاریی، بۆ ده‌وڵه‌مه‌ندی یان پێچه‌وانه‌وه، له قیامه‌تیشدا له به‌هه‌شتدا ئیمانداران به‌رده‌وام به‌ره‌و ته‌واوترو چاکتر ده‌برێن).
84:20جوزء 30 · ل. 589
فَمَا لَهُمْ لَا يُؤْمِنُونَ20
که‌واته، ئه‌و خوانه‌ناسانه چیانه و بۆچی ئیمان ناهێنن؟
84:21جوزء 30 · ل. 589
وَإِذَا قُرِئَ عَلَيْهِمُ الْقُرْآنُ لَا يَسْجُدُونَ ۩21
کاتێک قورئانیش به‌سه‌ریاندا ده‌خوێنرێته‌وه، سوژده نابه‌ن و ملکه‌چ نابن؟
84:22جوزء 30 · ل. 589
بَلِ الَّذِينَ كَفَرُوا يُكَذِّبُونَ22
دیاره که بێ باوه‌ڕان به‌رده‌وام ڕاستیه‌کان به‌درۆ ده‌زانن، به‌ڵکو باوه‌ڕی پێناکه‌ن.
84:23جوزء 30 · ل. 589
وَاللَّهُ أَعْلَمُ بِمَا يُوعُونَ23
خوایش چاک ئاگاو زانایه به‌وه‌ی که له دڵ و ده‌روونیاندا شاردوویانه‌ته‌وه (له بوغزو کینه و پیلان، دژی ئیسلام و موسڵمانان).
84:24جوزء 30 · ل. 589
فَبَشِّرْهُمْ بِعَذَابٍ أَلِيمٍ24
(که‌واته)، مژده‌ی ئازارو سزایه‌کی به‌ئێشیان پێ بده!!
84:25جوزء 30 · ل. 590
إِلَّا الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ25
جگه له‌وانه‌ی که ئیمان و باوه‌ڕیان هێناوه و کارو کرده‌وه‌ی چاکیان ئه‌نجامداوه، پاداشتی نه‌بڕاوه و بێ منه‌ت چاوه‌ڕێیانه.