78:1ޖުޒު 30 · ޞ. 582
عَمَّ يَتَسَاءَلُونَ1
އެއުރެން އެކަކު އަނެކަކާ سؤال ކޮށް އުޅެނީ، ކޮންކަމަކާ މެދުގައި ހެއްޔެވެ؟
An-Naba
سورة النبأ
ސޫރަތް 78 · މައްކީ · 40 އާޔަތް
78:2ޖުޒު 30 · ޞ. 582
عَنِ النَّبَإِ الْعَظِيمِ2
ބޮޑުވެގެންވާ خبر އާ މެދުގައެވެ.
78:3ޖުޒު 30 · ޞ. 582
الَّذِي هُمْ فِيهِ مُخْتَلِفُونَ3
އެ خبر އަކީ، އެއުރެން އެއާމެދު خلاف ވެގެންވާ خبر އެވެ.
78:4ޖުޒު 30 · ޞ. 582
كَلَّا سَيَعْلَمُونَ4
ހަމަހިލާ އެހެންނަކުން ނުވާނެއެވެ. ނިކަންހުރެ އެއުރެންނަށް އެނގޭނެތެވެ.
78:5ޖުޒު 30 · ޞ. 582
ثُمَّ كَلَّا سَيَعْلَمُونَ5
ދެންވެސް ހަމަހިލާ އެހެންނަކުން ނުވާނެއެވެ. ނިކަންހުރެ އެއުރެންނަށް އެނގޭނެތެވެ.
78:6ޖުޒު 30 · ޞ. 582
أَلَمْ نَجْعَلِ الْأَرْضَ مِهَادًا6
ތަންމައްޗެއް ކަމުގައި، ތިމަންރަސްކަލާނގެ ބިން ނުލައްވަންހެއްޔެވެ؟
78:7ޖުޒު 30 · ޞ. 582
وَالْجِبَالَ أَوْتَادًا7
އަދި (ބިން ހިފެހެއްޓުމަށްވާ) ކަޑަތަކެއް ކަމުގައި، ތިމަންރަސްކަލާނގެ ފަރުބަދަތައް ނުލައްވަންހެއްޔެވެ؟
78:8ޖުޒު 30 · ޞ. 582
وَخَلَقْنَاكُمْ أَزْوَاجًا8
އަދި (ދެ جنس ން) ޖޯޑުޖޯޑަށް ތިމަންރަސްކަލާނގެ ތިޔަބައިމީހުން ހެއްދެވީމެވެ.
78:9ޖުޒު 30 · ޞ. 582
وَجَعَلْنَا نَوْمَكُمْ سُبَاتًا9
އަދި ތިމަންރަސްކަލާނގެ ތިޔަބައިމީހުންގެ ނިދި، އަރާމެއް ކަމުގައި ލެއްވީމެވެ.
78:10ޖުޒު 30 · ޞ. 582
وَجَعَلْنَا اللَّيْلَ لِبَاسًا10
އަދި ފޭރާމެއް ކަމުގައި، ތިމަންރަސްކަލާނގެ ރޭގަނޑު ލެއްވީމެވެ.
78:11ޖުޒު 30 · ޞ. 582
وَجَعَلْنَا النَّهَارَ مَعَاشًا11
އަދި ދިރިއުޅުމަށް މަސައްކަތްކުރުމުގެ ވަގުތެއް ކަމުގައި، ތިމަންރަސްކަލާނގެ ދުވާލު ލެއްވީމެވެ.
78:12ޖުޒު 30 · ޞ. 582
وَبَنَيْنَا فَوْقَكُمْ سَبْعًا شِدَادًا12
ގަދަފަދަވެގެންވާ ހަތް އުޑު ތިމަންރަސްކަލާނގެ ތިޔަބައިމީހުންގެ މަތީގައި ބިނާކުރެއްވީމެވެ.
78:13ޖުޒު 30 · ޞ. 582
وَجَعَلْنَا سِرَاجًا وَهَّاجًا13
އަދި އަލިކަންގަދަ ވޮށެއް (އެބަހީ: އިރު) ތިމަންރަސްކަލާނގެ ލެއްވީމެވެ.
78:14ޖުޒު 30 · ޞ. 582
وَأَنْزَلْنَا مِنَ الْمُعْصِرَاتِ مَاءً ثَجَّاجًا14
އަދި ވާރޭވިލާތަކުގެ ތެރެއިން އޮހިގެންއަންނަ ފެން، ތިމަންރަސްކަލާނގެ ބާވައިލެއްވީމެވެ.
78:15ޖުޒު 30 · ޞ. 582
لِنُخْرِجَ بِهِ حَبًّا وَنَبَاتًا15
އެ ފެނުގެ ސަބަބުން، އޮށްޓަރާއި، ފަތްޕިލާވެލި ފަޅުއްވައި، ނެރުއްވުމަށްޓަކައެވެ.
78:16ޖުޒު 30 · ޞ. 582
وَجَنَّاتٍ أَلْفَافًا16
އަދި ފަތްތައް ބޯކޮށް ހެދިފައިވާ ބަގީޗާތައް މެއެވެ.
78:17ޖުޒު 30 · ޞ. 582
إِنَّ يَوْمَ الْفَصْلِ كَانَ مِيقَاتًا17
ހަމަކަށަވަރުން، ނިޔާކުރެއްވުމުގެ ދުވަސް ކަނޑައެޅިގެންވާ ދުވަހެއް ކަމުގައިވިއެވެ.
78:18ޖުޒު 30 · ޞ. 582
يَوْمَ يُنْفَخُ فِي الصُّورِ فَتَأْتُونَ أَفْوَاجًا18
ތާޅަފިލި ފުމެލައްވާ ދުވަހުއެވެ. ފަހެ، އެދުވަހުން ތިޔަބައިމީހުން (محشر ބިމަށް) ބައިބަޔަށް އަންނާނޫއެވެ.
78:19ޖުޒު 30 · ޞ. 582
وَفُتِحَتِ السَّمَاءُ فَكَانَتْ أَبْوَابًا19
އަދި އުޑުތައް ހުޅުއްވާނެތެވެ. ފަހެ، ދޮރޯށިތަކެއް ފަދައިން އެ އުޑުތައް ވާނެތެވެ.
78:20ޖުޒު 30 · ޞ. 582
وَسُيِّرَتِ الْجِبَالُ فَكَانَتْ سَرَابًا20
އަދި ފަރުބަދަތައް ލުހި، ފުނޑުފުނޑުވެގެންދާނެތެވެ. އަދި އެ ފަރުބަދަތައް އަވާމެންދުރެއް ކަމުގައި ވާނެތެވެ.
78:21ޖުޒު 30 · ޞ. 582
إِنَّ جَهَنَّمَ كَانَتْ مِرْصَادًا21
ހަމަކަށަވަރުން، ނަރަކައީ، އެތަނަކުން ކުށްވެރިންނަށް ބަލަބަލައިތިބޭ ތަނެއްކަމުގައިވެއެވެ.
78:22ޖުޒު 30 · ޞ. 582
لِلطَّاغِينَ مَآبًا22
كافر ންނަށް އެއުރެން އެނބުރިގޮސް ތިބޭނެތަނެއްގެ ގޮތުގައެވެ.
78:23ޖުޒު 30 · ޞ. 582
لَابِثِينَ فِيهَا أَحْقَابًا23
އެތައްޒަމާނަކަށް އެއުރެން އެތާނގައި، ލަސްވެތިބޭ حال ގައެވެ.
78:24ޖުޒު 30 · ޞ. 582
لَا يَذُوقُونَ فِيهَا بَرْدًا وَلَا شَرَابًا24
އެތާނގައި ފިނިކަމެއްގެ ރަހަވެސް، އަދި ބުއިމެއްގެ ރަހަވެސް އެއުރެންނަކަށް ނުލިބޭނެތެވެ.
78:25ޖުޒު 30 · ޞ. 582
إِلَّا حَمِيمًا وَغَسَّاقًا25
ކެކިކެކިހުންނަ ހޫނުފެނާއި (ނަރަކައިގެ أهل ވެރިންގެ) ގައިން އޮހޮރޭ ފާދިޔަ މެނުވީއެވެ.
78:26ޖުޒު 30 · ޞ. 582
جَزَاءً وِفَاقًا26
(އެއުރެންގެ عمل ތަކާ) އެއްގޮތްވެގެންވާ ޖަޒާއެއްގެ ގޮތުންނެވެ.
78:27ޖުޒު 30 · ޞ. 582
إِنَّهُمْ كَانُوا لَا يَرْجُونَ حِسَابًا27
ހަމަކަށަވަރުން حساب ބެއްލެވުމަށް ނޭދޭބަޔަކު ކަމުގައި އެއުރެންވޫއެވެ.
78:28ޖުޒު 30 · ޞ. 582
وَكَذَّبُوا بِآيَاتِنَا كِذَّابًا28
ބޮޑުވެގެންވާ ދޮގުކުރުމަކުން، ތިމަންރަސްކަލާނގެ آية ތައް އެއުރެން ދޮގުކުރޫއެވެ.
78:29ޖުޒު 30 · ޞ. 582
وَكُلَّ شَيْءٍ أَحْصَيْنَاهُ كِتَابًا29
އަދި ކޮންމެ އެއްޗެއް ތިމަންރަސްކަލާނގެ ފޮތެއްގައި ހިމެނުއްވީމެވެ.
78:30ޖުޒު 30 · ޞ. 582
فَذُوقُوا فَلَنْ نَزِيدَكُمْ إِلَّا عَذَابًا30
ފަހެ، ތިޔަބައިމީހުން (ކުޅަ ނުބައި عمل ތަކުގެ) ރަހަ ލިބިގަންނާށެވެ! ފަހެ، عذاب މެނުވީ، ތިމަންރަސްކަލާނގެ ތިޔަބައިމީހުންނަކަށް އިތުރެއް ނުކުރައްވާ ހުށީމެވެ.
78:31ޖުޒު 30 · ޞ. 583
إِنَّ لِلْمُتَّقِينَ مَفَازًا31
ހަމަކަށަވަރުން، تقوى ވެރިންނަށް ހުރީ، نصيب ލިބެނިވި ތަނެކެވެ.
78:32ޖުޒު 30 · ޞ. 583
حَدَائِقَ وَأَعْنَابًا32
ބަގީޗާތަކާއި، އަދި މޭބިސްކަދުރުތަކެވެ.
78:33ޖުޒު 30 · ޞ. 583
وَكَوَاعِبَ أَتْرَابًا33
އަދި އެއްފުރާވަރުގެ ޒުވާން އަންހެން ކުދިންނެވެ.
78:34ޖުޒު 30 · ޞ. 583
وَكَأْسًا دِهَاقًا34
އަދި ފުރިފައިވާ ރާތަށިތަކެވެ.
78:35ޖުޒު 30 · ޞ. 583
لَا يَسْمَعُونَ فِيهَا لَغْوًا وَلَا كِذَّابًا35
باطل ވާހަކަތަކެއް، އަދި ދޮގެއް އެއުރެން އެތާކު ނާހާނެތެވެ.
78:36ޖުޒު 30 · ޞ. 583
جَزَاءً مِنْ رَبِّكَ عَطَاءً حِسَابًا36
ކަލޭގެފާނުގެ ވެރިރަސްކަލާނގެ حضرة ން ލިބެނިވި ޖަޒާއެއްގެ ގޮތުގައެވެ. ފުދިގެންވާ ދެއްވުމެއްގެ ގޮތުގައެވެ.
78:37ޖުޒު 30 · ޞ. 583
رَبِّ السَّمَاوَاتِ وَالْأَرْضِ وَمَا بَيْنَهُمَا الرَّحْمَٰنِ ۖ لَا يَمْلِكُونَ مِنْهُ خِطَابًا37
އުޑުތަކާއި، ބިމާއި، އެދެމެދުގައިވާހާ ތަކެއްޗެއްގެ ވެރި رحمن ވަންތަ ރަސްކަލާނގެ حضرة ންނެވެ. އެކަލާނގެ حضرة އަށް ބަސްދެންނެވުމަށް އެއުރެންނަކަށް އެއްވެސްބާރެއް ލިބިގެނެއް ނުވެތެވެ.
78:38ޖުޒު 30 · ޞ. 583
يَوْمَ يَقُومُ الرُّوحُ وَالْمَلَائِكَةُ صَفًّا ۖ لَا يَتَكَلَّمُونَ إِلَّا مَنْ أَذِنَ لَهُ الرَّحْمَٰنُ وَقَالَ صَوَابًا38
جبريل ގެފާނާއި، ملائكة ން ސަފަކަށް قائم ވެ ތިއްބަވާ ދުވަހެވެ. رحمن ވަންތަ ރަސްކަލާނގެ، އެމީހަކަށް إذن ދެއްވައި، حق ތެދުބަހެއް ބުނެފި މީހަކު މެނުވީ، އެކަކަށްވެސް ވާހަކައެއް ނުދެއްކޭނެތެވެ.
78:39ޖުޒު 30 · ޞ. 583
ذَٰلِكَ الْيَوْمُ الْحَقُّ ۖ فَمَنْ شَاءَ اتَّخَذَ إِلَىٰ رَبِّهِ مَآبًا39
އެއީ ކަށަވަރުވެގެންވާ ދުވަހެވެ. ފަހެ، ބޭނުންމީހަކު އެމީހާގެ ވެރިރަސްކަލާނގެ حضرة އަށް رجوع ވުމެއް ހިފައިފާހުށިކަމެވެ!
78:40ޖުޒު 30 · ޞ. 583
إِنَّا أَنْذَرْنَاكُمْ عَذَابًا قَرِيبًا يَوْمَ يَنْظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنْتُ تُرَابًا40
ހަމަކަށަވަރުން، ގާތްވެގެންވާ عذاب އެއްގެ ވާހަކައިން، ތިމަންރަސްކަލާނގެ ތިޔަބައިމީހުންނަށް إنذار ކުރެއްވީމެވެ. (އެއީ) އެމީހެއްގެ ދެއަތުން އިސްކޮށްފައިވާ ކަންތައް، އެމީހާ ދެކޭނޭ ދުވަހެވެ. އަދި كافر ވި މީހާ ބުނާނެތެވެ. އޭ ސަހަރޯއެވެ! ތިމަން ވެއްޔަށްވީނަމަ، ކިހާ ރަނގަޅުވީސް ހެއްޔެވެ؟