Surə 29 · Cüz 21
Al-'Ankabut · 29:61
وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ وَسَخَّرَ الشَّمْسَ وَالْقَمَرَ لَيَقُولُنَّ اللَّهُ ۖ فَأَنَّىٰ يُؤْفَكُونَ
61. Əgər sən onlardan: “Göyləri və yeri yaradan, günəşi və ayı ram edən kimdir?”– deyə soruşsan, onlar mütləq: “Allahdır!”– deyəcəklər. Onlar necə də haqdan döndərilirlər!
Təfsir
Ey Peyğəmbər! Əgər sən o müşriklərdən: “Göyləri yaradan kimdir? Yeri yaradan kimdir? Bir-birini təqib edən günəşi və ayı ram edən kimdir?”– deyə soruşsan, onlar mütləq: “Bunları yaradan Allahdır!”- deyəcəklər. Belə olduğu halda, necə olur ki, onlar tək Allaha iman gətirməkdən üz çevirib, Ondan başqa fayda və ya zərər verməyə qadir olmayan ilahlara ibadət edirlər?!