Surə 10 · Cüz 11
Yunus · 10:23
فَلَمَّا أَنْجَاهُمْ إِذَا هُمْ يَبْغُونَ فِي الْأَرْضِ بِغَيْرِ الْحَقِّ ۗ يَا أَيُّهَا النَّاسُ إِنَّمَا بَغْيُكُمْ عَلَىٰ أَنْفُسِكُمْ ۖ مَتَاعَ الْحَيَاةِ الدُّنْيَا ۖ ثُمَّ إِلَيْنَا مَرْجِعُكُمْ فَنُنَبِّئُكُمْ بِمَا كُنْتُمْ تَعْمَلُونَ
23. Allah onları xilas etdikdə isə dərhal haqsız olaraq yer üzündə azğınlıq edərlər. Ey insanlar! Azğınlığınız yalnız sizin öz əleyhinizədir. Bunlar dünya həyatının keçici zövqləridir. Sonra isə dönüşünüz Bizə olacaq, Biz də nə etdikləriniz barədə sizə xəbər verəcəyik.
Təfsir
Allah onların dualarına cavab verib, düşdükləri təhlükədən xilas etdikdə isə onlar yer üzündə küfr, asilik və günahlar edərlər. Ey insanlar! Ayılın, bilin ki, etdiyiniz günahlar yalnız sizin öz əleyhinizədir. Sizin günahlar etməniz, Allaha heç bir zərər verməz. Siz günahlar etməklə bu fani dünya həyatında zövq alırsınız. Sonra isə Qiyamət günü dönüşünüz yalnız Bizə olacaq, Biz dünyada ikən etdiyiniz günahları sizə xəbər verəcək və hər bir kəsin əməlinin mükafatını verəcəyik.